Herodotus, The Histories, book 9, chapter 41

(헤로도토스, The Histories, book 9, chapter 41)

μέχρι μέν νυν τῶν δέκα ἡμερέων οὐδὲν ἐπὶ πλεῦν ἐγίνετο τούτων· ὡσ δὲ ἑνδεκάτη ἐγεγόνεε ἡμέρη ἀντικατημένοισι ἐν Πλαταιῇσι, οἵ τε δὴ Ἕλληνεσ πολλῷ πλεῦνεσ ἐγεγόνεσαν καὶ Μαρδόνιοσ περιημέκτεε τῇ ἕδρῃ, ἐνθαῦτα ἐσ λόγουσ ἦλθον Μαρδόνιόσ τε ὁ Γοβρύεω καὶ Ἀρτάβαζοσ ὁ Φαρνάκεοσ, ὃσ ἐν ὀλίγοισι Περσέων ἦν ἀνὴρ δόκιμοσ παρὰ Ξέρξῃ. βουλευομένων δὲ αἵδε ἦσαν αἱ γνῶμαι, ἣ μὲν Ἀρταβάζου ὡσ χρεὸν εἰή ἀναζεύξαντασ τὴν ταχίστην πάντα τὸν στρατὸν ἰέναι ἐσ τὸ τεῖχοσ τὸ Θηβαίων, ἔθα σῖτόν τέ σφι ἐσενηνεῖχθαι πολλὸν καὶ χόρτον τοῖσι ὑποζυγίοισι, κατ’ ἡσυχίην τε ἱζομένουσ διαπρήσσεσθαι ποιεῦντασ τάδε·

ἔχειν γὰρ χρυσὸν πολλὸν μὲν ἐπίσημον πολλὸν δὲ καὶ ἄσημον, πολλὸν δὲ ἄργυρόν τε καὶ ἐκπώματα·

τούτων φειδομένουσ μηδενὸσ διαπέμπειν ἐσ τοὺσ Ἕλληνασ, Ἑλλήνων δὲ μάλιστα ἐσ τοὺσ προεστεῶτασ ἐν τῇσι πόλισι, καὶ ταχέωσ σφέασ παραδώσειν τὴν ἐλευθερίην· μηδὲ ἀνακινδυνεύειν συμβάλλοντασ. τούτου μὲν ἡ αὐτὴ ἐγίνετο καὶ Θηβαίων γνώμη, ὡσ προειδότοσ πλεῦν τι καὶ τούτου, Μαρδονίου δὲ ἰσχυροτέρη τε καὶ ἀγνωμονεστέρη καὶ οὐδαμῶσ συγγινωσκομένη·

δοκέειν τε γὰρ πολλῷ κρέσσονα εἶναι τὴν σφετέρην στρατιὴν τῆσ Ἑλληνικῆσ, συμβάλλειν τε τὴν ταχίστην μηδὲ περιορᾶν συλλεγομένουσ ἔτι πλεῦνασ τῶν συλλελεγμένων, τά τε σφάγια τὰ Ἡγησιστράτου ἐᾶν μηδὲ βιάζεσθαι, ἀλλὰ νόμῳ τῷ Περσέων χρεωμένουσ συμβάλλειν.

일치하는 문장이 없습니다.

SEARCH

MENU NAVIGATION