Herodotus, The Histories, book 9, chapter 15

(헤로도토스, The Histories, book 9, chapter 15)

μετὰ δὲ ταῦτα Μαρδονίῳ ἦλθε ἀγγελίη ὡσ ἁλέεσ εἰήσαν οἱ Ἕλληνεσ ἐν τῷ Ἰσθμῷ. οὕτω δὴ ὀπίσω ἐπορεύετο διὰ Δεκελέησ· οἱ γὰρ βοιωτάρχαι μετεπέμψαντο τοὺσ προσχώρουσ τῶν Ἀσωπίων, οὗτοι δὲ αὐτῷ τὴν ὁδὸν ἡγέοντο ἐσ Σφενδαλέασ, ἐνθεῦτεν δὲ ἐσ Τάναγραν· ἐν Τανάγρῃ δὲ νύκτα ἐναυλισάμενοσ, καὶ τραπόμενοσ τῇ ὑστεραίῃ ἐσ Σκῶλον ἐν γῇ τῇ Θηβαίων ἦν.

ἐνθαῦτα δὲ τῶν Θηβαίων καίπερ μηδιζόντων ἔκειρε τοὺσ χώρουσ, οὔτι κατὰ ἔχθοσ αὐτῶν ἀλλ’ ὑπ’ ἀναγκαίησ μεγάλησ ἐχόμενοσ ἔρυμά τε τῷ στρατῷ ποιήσασθαι, καὶ ἢν συμβαλόντι οἱ μὴ ἐκβαίνῃ ὁκοῖόν τι ἐθέλοι, κρησφύγετον τοῦτο ἐποιέετο. παρῆκε δὲ αὐτοῦ τὸ στρατόπεδον ἀρξάμενον ἀπὸ Ἐρυθρέων παρὰ Ὑσιάσ, κατέτεινε δὲ ἐσ τὴν Πλαταιίδα γῆν, παρὰ τὸν Ἀσωπὸν ποταμὸν τεταγμένον.

οὐ μέντοι τό γε τεῖχοσ τοσοῦτο ἐποιέετο, ἁλλ’ ὡσ ἐπὶ δέκα σταδίουσ μάλιστά κῃ μέτωπον ἕκαστον.

일치하는 문장이 없습니다.

SEARCH

MENU NAVIGATION