Herodotus, The Histories, book 9, chapter 57

(헤로도토스, The Histories, book 9, chapter 57)

Ἀμομφάρετοσ δὲ ἀρχήν γε οὐδαμὰ δοκέων Παυσανίην τολμήσειν σφέασ ἀπολιπεῖν, περιείχετο αὐτοῦ μένοντασ μὴ ἐκλιπεῖν τὴν τάξιν· προτερεόντων δὲ τῶν σὺν Παυσανίῃ, καταδόξασ αὐτοὺσ ἰθέῃ τέχνῃ ἀπολείπειν αὐτόν, ἀναλαβόντα τὸν λόχον τὰ ὅπλα ἦγε βάδην πρὸσ τὸ ἄλλο στῖφοσ· τὸ δὲ ἀπελθὸν ὅσον τε δέκα στάδια ἀνέμενε τὸν Ἀμομφαρέτου λόχον, περὶ ποταμὸν Μολόεντα ἱδρυμένον Ἀργιόπιόν τε χῶρον καλεόμενον, τῇ καὶ Δήμητροσ Ἐλευσινίησ ἱρὸν ἧσται.

ἀνέμενε δὲ τοῦδε εἵνεκα, ἵνα ἢν μὴ ἀπολείπῃ τὸν χῶρον ἐν τῷ ἐτετάχατο ὁ Ἀμομφάρετόσ τε καὶ ὁ λόχοσ, ἀλλ’ αὐτοῦ μένωσι, βοηθέοι ὀπίσω παρ’ ἐκείνουσ. καὶ οἵ τε ἀμφὶ τὸν Ἀμομφάρετόσ παρεγίνοντό σφι καὶ ἡ ἵπποσ ἡ τῶν βαρβάρων προσέκειτο πᾶσα.

οἱ γὰρ ἱππόται ἐποίευν οἱο͂ν καὶ ἐώθεσαν ποιέειν αἰεί, ἰδόντεσ δὲ τὸν χῶρον κεινὸν ἐν τῷ ἐτετάχατο οἱ Ἕλληνεσ τῇσι προτέρῃσι ἡμέρῃσι, ἤλαυνον τοὺσ ἵππουσ αἰεὶ τὸ πρόσω καὶ ἅμα καταλαβόντεσ προσεκέατό σφι.

일치하는 문장이 없습니다.

SEARCH

MENU NAVIGATION