Herodotus, The Histories, book 9, chapter 74

(헤로도토스, The Histories, book 9, chapter 74)

τούτου τοῦ δήμου ἐὼν ὁ Σωφάνησ καὶ ἀριστεύσασ τότε Ἀθηναίων διξοὺσ λόγουσ λεγομένουσ ἔχει, τὸν μὲν ὡσ ἐκ τοῦ ζωστῆροσ τοῦ θώρηκοσ ἐφόρεε χαλκέῃ ἁλύσι δεδεμένην ἄγκυραν σιδηρέην, τὴν ὅκωσ πελάσειε ἀπικνεόμενοσ τοῖσι πολεμίοισι βαλλέσκετο, ἵνα δή μιν οἱ πολέμιοι ἐκπίπτοντεσ ἐκ τῆσ τάξιοσ μετακινῆσαι μὴ δυναίατο· γινομένησ δὲ φυγῆσ τῶν ἐναντίων δέδοκτο τὴν ἄγκυραν ἀναλαβόντα οὕτω διώκειν. οὗτοσ μὲν οὕτω λέγεται, ὁ δ’ ἕτεροσ τῶν λόγων τῷ πρότερον λεχθέντι ἀμφισβατέων λέγεται, ὡσ ἐπ’ ἀσπίδοσ αἰεὶ περιθεούσησ καὶ οὐδαμὰ ἀτρεμιζούσησ ἐφόρεε ἄγκυραν, καὶ οὐκ ἐκ τοῦ θώρηκοσ δεδεμένην σιδηρέην.

일치하는 문장이 없습니다.

SEARCH

MENU NAVIGATION