Herodotus, The Histories, book 9, chapter 48

(헤로도토스, The Histories, book 9, chapter 48)

ἐπεὶ δὲ κατέστησαν ἐσ τὰσ ἀρχαίασ τάξισ, πέμψασ ὁ Μαρδόνιοσ κήρυκα ἐσ τοὺσ Σπαρτιήτασ ἔλεγε τάδε. "ὦ Λακεδαιμόνιοι, ὑμεῖσ δὴ λέγεσθε εἶναι ἄνδρεσ ἄριστοι ὑπὸ τῶν τῇδε ἀνθρώπων, ἐκπαγλεομένων ὡσ οὔτε φεύγετε ἐκ πολέμου οὔτε τάξιν ἐκλείπετε, μένοντέσ τε ἢ ἀπόλλυτε τοὺσ ἐναντίουσ ἢ αὐτοὶ ἀπόλλυσθε. τῶν δ’ ἄρ’ ἦν οὐδὲν ἀληθέσ·

πρὶν γὰρ ἢ συμμῖξαι ἡμέασ ἐσ χειρῶν τε νόμον ἀπικέσθαι, καὶ δὴ φεύγοντασ καὶ στάσιν ἐκλείποντασ ὑμέασ εἴδομεν, ἐν Ἀθηναίοισί τε τὴν πρόπειραν ποιευμένουσ αὐτούσ τε ἀντία δούλων τῶν ἡμετέρων τασσομένουσ. ταῦτα οὐδαμῶσ ἀνδρῶν ἀγαθῶν ἔργα, ἀλλὰ πλεῖστον δὴ ἐν ὑμῖν ἐψεύσθημεν.

προσδεκόμενοι γὰρ κατὰ κλέοσ ὡσ δὴ πέμψετε ἐσ ἡμέασ κήρυκα προκαλεύμενοι καὶ βουλόμενοι μούνοισι Πέρσῃσι μάχεσθαι, ἄρτιοι ἐόντεσ ποιέειν ταῦτα οὐδὲν τοιοῦτο λέγοντασ ὑμέασ εὑρ́ομεν ἀλλὰ πτώσσοντασ μᾶλλον. νῦν ὦν ἐπειδὴ οὐκ ὑμεῖσ ἤρξατε τούτου τοῦ λόγου, ἀλλ’ ἡμεῖσ ἄρχομεν. τί δὴ οὐ πρὸ μὲν τῶν Ἑλλήνων ὑμεῖσ, ἐπείτε δεδόξωσθε εἶναι ἄριστοι, πρὸ δὲ τῶν βαρβάρων ἡμεῖσ ἴσοι πρὸσ ἴσουσ ἀριθμὸν ἐμαχεσάμεθα;

καὶ ἢν μὲν δοκέῃ καὶ τοὺσ ἄλλουσ μάχεσθαι, οἱ δ’ ὦν μετέπειτα μαχέσθων ὕστεροι· εἰ δὲ καὶ μὴ δοκέοι ἀλλ’ ἡμέασ μούνουσ ἀποχρᾶν, ἡμεῖσ δὲ διαμαχεσώμεθα· ὁκότεροι δ’ ἂν ἡμέων νικήσωσι, τούτουσ τῷ ἅπαντι στρατοπέδῳ νικᾶν.

일치하는 문장이 없습니다.

SEARCH

MENU NAVIGATION