Herodotus, The Histories, book 9, chapter 55

(헤로도토스, The Histories, book 9, chapter 55)

ὡσ δὲ ἀπίκετο ὁ κῆρυξ ἐσ τοὺσ Λακεδαιμονίουσ, ὡρ́α τε σφέασ κατὰ χώρην τεταγμένουσ καὶ ἐσ νείκεα ἀπιγμένουσ αὐτῶν τοὺσ πρώτουσ. ὡσ γὰρ δὴ παρηγορέοντο τὸν Ἀμομφάρετον ὅ τε Εὐρυάναξ καὶ ὁ Παυσανίησ μὴ κινδυνεύειν μένοντασ μούνουσ Λακεδαιμονίων, οὔ κωσ ἔπειθον, ἐσ ὃ ἐσ νείκεά τε συμπεσόντεσ ἀπίκατο καὶ ὁ κῆρυξ τῶν Ἀθηναίων παρίστατό σφι ἀπιγμένοσ. νεικέων δὲ ὁ Ἀμομφάρετοσ λαμβάνει πέτρον ἀμφοτέρῃσι τῇσι χερσὶ καὶ τιθεὶσ πρὸ ποδῶν τῶν Παυσανίεω ταύτῃ τῇ ψήφῳ ψηφίζεσθαι ἔφη μὴ φεύγειν τοὺσ ξείνουσ, λέγων τοὺσ βαρβάρουσ.

ὁ δὲ μαινόμενον καὶ οὐ φρενήρεα καλέων ἐκεῖνον, πρὸσ τε τὸν Ἀθηναῖον κήρυκα ἐπειρωτῶντα τὰ ἐντεταλμένα λέγειν ὁ Παυσανίησ ἐκέλευε τὰ παρεόντα σφι πρήγματα, ἐχρήιζέ τε τῶν Ἀθηναίων προσχωρῆσαί τε πρὸσ ἑωυτοὺσ καὶ ποιέειν περὶ τῆσ ἀπόδου τά περ ἂν καὶ σφεῖσ.

일치하는 문장이 없습니다.

SEARCH

MENU NAVIGATION