호흡부호 보기
강세부호 보기
장단부호 보기
작은 Iota 보기
모든 부호 보기
ταῦτα βουλευσάμενοι κείνην μὲν τὴν ἡμέρην πᾶσαν προσκειμένησ τῆσ ἵππου εἶχον πόνον ἄτρυτον· ὡσ δὲ ἥ τε ἡμέρη ἔληγε καὶ οἱ ἱππέεσ ἐπέπαυντο, νυκτὸσ δὴ γινομένησ καὶ ἐούσησ τῆσ ὡρ́ησ ἐσ τὴν συνέκειτό σφι ἀπαλλάσσεσθαι, ἐνθαῦτα ἀερθέντεσ οἱ πολλοὶ ἀπαλλάσσοντο, ἐσ μὲν τὸν χῶρον ἐσ τὸν συνέκειτο οὐκ ἐν νόῳ ἔχοντεσ, οἳ δὲ ὡσ ἐκινήθησαν ἔφευγον ἄσμενοι τὴν ἵππον πρὸσ τὴν Πλαταιέων πόλιν, φεύγοντεσ δὲ ἀπικνέονται ἐπὶ τὸ Ἥραιον· τὸ δὲ πρὸ τῆσ πόλιοσ ἐστὶ τῆσ Πλαταιέων, εἴκοσι σταδίουσ ἀπὸ τῆσ κρήνησ τῆσ Γαργαφίησ ἀπέχον· ἀπικόμενοι δὲ ἔθεντο πρὸ τοῦ ἱροῦ τὰ ὅπλα.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기