호흡부호 보기
강세부호 보기
장단부호 보기
작은 Iota 보기
모든 부호 보기
Ἀρτάβαζοσ δὲ ὁ Φαρνάκεοσ φεύγων ἐκ Πλαταιέων καὶ δὴ πρόσω ἐγίνετο. ἀπικόμενον δὲ μιν οἱ Θεσσαλοὶ παρὰ σφέασ ἐπί τε ξείνια ἐκάλεον καὶ ἀνειρώτων περὶ τῆσ στρατιῆσ τῆσ ἄλλησ, οὐδὲν ἐπιστάμενοι τῶν ἐν Πλαταιῇσι γενομένων. ὁ δὲ Ἀρτάβαζοσ γνοὺσ ὅτι εἰ ἐθέλει σφι πᾶσαν τὴν ἀληθείην τῶν ἀγώνων εἰπεῖν, αὐτόσ τε κινδυνεύσει ἀπολέσθαι καὶ ὁ μετ’ αὐτοῦ στρατόσ·
ἐπιθήσεσθαι γάρ οἱ πάντα τινὰ οἰέτο πυνθανόμενον τὰ γεγονότα. ταῦτα ἐκλογιζόμενοσ οὔτε πρὸσ τοὺσ Φωκέασ ἐξηγόρευε οὐδὲν πρόσ τε τοὺσ Θεσσαλοὺσ ἔλεγε τάδε. "ἐγὼ μὲν ὦ ἄνδρεσ Θεσσαλοί, ὡσ ὁρᾶτε, ἐπείγομαί τε κατὰ τάχοσ ἐλῶν ἐσ Θρηίκην καὶ σπουδὴν ἔχω, πεμφθεὶσ κατά τι πρῆγμα ἐκ τοῦ στρατοπέδου μετὰ τῶνδε·
αὐτὸσ δὲ ὑμῖν Μαρδόνιοσ καὶ ὁ στρατὸσ αὐτοῦ, οὗτοσ κατὰ πόδασ ἐμεῦ ἐλαύνων προσδόκιμοσ ἐστί. τοῦτον καὶ ξεινίζετε καὶ εὖ ποιεῦντεσ φαίνεσθε· οὐ γὰρ ὑμῖν ἐσ χρόνον ταῦτα ποιεῦσι μεταμελήσει. ταῦτα δὲ εἴπασ ἀπήλαυνε σπουδῇ τὴν στρατιὴν διὰ Θεσσαλίησ τε καὶ Μακεδονίησ ἰθὺ τῆσ Θρηίκησ, ὡσ ἀληθέωσ ἐπειγόμενοσ, καὶ τὴν μεσόγαιαν τάμνων τῆσ ὁδοῦ.
καὶ ἀπικνέεται ἐσ Βυζάντιον, καταλιπὼν τοῦ στρατοῦ τοῦ ἑωυτοῦ συχνοὺσ ὑπὸ Θρηίκων κατακοπέντασ κατ’ ὁδὸν καὶ λιμῷ συστάντασ καὶ καμάτῳ· ἐκ Βυζαντίου δὲ διέβη πλοίοισι. οὗτοσ μὲν οὕτω ἀπενόστησε ἐσ τὴν Ἀσίην.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기