Herodotus, The Histories, book 9, chapter 85

(헤로도토스, The Histories, book 9, chapter 85)

οἱ δὲ Ἕλληνεσ ὡσ ἐν Πλαταιῇσι τὴν ληίην διείλοντο, ἔθαπτον τοὺσ ἑωυτῶν χωρὶσ ἕκαστοι. Λακεδαιμόνιοι μὲν τριξὰσ ἐποιήσαντο θήκασ· ἔνθα μὲν τοὺσ ἰρένασ ἔθαψαν, τῶν καὶ Ποσειδώνιοσ καὶ Ἀμομφάρετοσ ἦσαν καὶ Φιλοκύων τε καὶ Καλλικράτησ. ἐν μὲν δὴ ἑνὶ τῶν τάφων ἦσαν οἱ ἰρένεσ, ἐν δὲ τῷ ἑτέρῳ οἱ ἄλλοι Σπαρτιῆται, ἐν δὲ τῷ τρίτῳ οἱ εἵλωτεσ.

οὗτοι μὲν οὕτω ἔθαπτον, Τεγεῆται δὲ χωρὶσ πάντασ ἁλέασ, καὶ Ἀθηναῖοι τοὺσ ἑωυτῶν ὁμοῦ, καὶ Μεγαρέεσ τε καὶ Φλειάσιοι τοὺσ ὑπὸ τῆσ ἵππου διαφθαρέντασ. τούτων μὲν δὴ πάντων πλήρεεσ ἐγένοντο οἱ τάφοι·

τῶν δὲ ἄλλων ὅσοι καὶ φαίνονται ἐν Πλαταιῇσι ἐόντεσ τάφοι, τούτουσ δέ, ὡσ ἐγὼ πυνθάνομαι, ἐπαισχυνομένουσ τῇ ἀπεστοῖ τῆσ μάχησ ἑκάστουσ χώματα χῶσαι κεινὰ τῶν ἐπιγινομένων εἵνεκεν ἀνθρώπων, ἐπεὶ καὶ Αἰγινητέων ἐστὶ αὐτόθι καλεόμενοσ τάφοσ, τὸν ἐγὼ ἀκούω καὶ δέκα ἔτεσι ὕστερον μετὰ ταῦτα δεηθέντων τῶν Αἰγινητέων χῶσαι Κλεάδην τὸν Αὐτοδίκου ἄνδρα Πλαταιέα, πρόξεινον ἐόντα αὐτῶν.

일치하는 문장이 없습니다.

SEARCH

MENU NAVIGATION