호흡부호 보기
강세부호 보기
장단부호 보기
작은 Iota 보기
모든 부호 보기
οἱ δὲ Ἕλληνεσ ὡσ ἐπύθοντο οἰχωκότασ τοὺσ βαρβάρουσ ἐσ τὴν ἤπειρον, ἤχθοντο ὡσ ἐκπεφευγότων ἀπορίῃ τε εἴχοντο ὅ τι ποιέωσι, εἴτε ἀπαλλάσσωνται ὀπίσω εἴτε καταπλέωσι ἐπ’ Ἑλλησπόντου. τέλοσ δὲ ἔδοξε τούτων μὲν μηδέτερα ποιέειν, ἐπιπλέειν δὲ ἐπὶ τὴν ἤπειρον. παρασκευασάμενοι ὦν ἐσ ναυμαχίην καὶ ἀποβάθρασ καὶ ἄλλα ὅσων ἔδεε, ἔπλεον ἐπὶ τῆσ Μυκάλησ.
ἐπεὶ δὲ ἀγχοῦ τε ἐγίνοντο τοῦ στρατοπέδου καὶ οὐδεὶσ ἐφαίνετό σφι ἐπαναγόμενοσ, ἀλλ’ ὡρ́ων νέασ ἀνελκυσμένασ ἔσω τοῦ τείχεοσ, πολλὸν δὲ πεζὸν παρακεκριμένον παρὰ τὸν αἰγιαλόν, ἐνθαῦτα πρῶτον μὲν ἐν τῇ νηὶ παραπλέων, ἐγχρίμψασ τῷ αἰγιαλῷ τὰ μάλιστα, Λευτυχίδησ ὑπὸ κήρυκοσ προηγόρευε τοῖσι Ιὤσι λέγων "ἄνδρεσ Ιὤνεσ, οἳ ὑμέων τυγχάνουσι ἐπακούοντεσ, μάθετε τὰ λέγω· πάντωσ γὰρ οὐδὲν συνήσουσι Πέρσαι τῶν ἐγὼ ὑμῖν ἐντέλλομαι.
ἐπεὰν συμμίσγωμεν, μεμνῆσθαι τινὰ χρὴ ἐλευθερίησ μὲν πάντων πρῶτον, μετὰ δὲ τοῦ συνθήματοσ Ἥβησ. καὶ τάδε ἴστω καὶ ὁ μὴ ἀκούσασ ὑμέων πρὸσ τοῦ ἀκούσαντοσ. ὡυτὸσ δὲ οὗτοσ ἐὼν τυγχάνει νόοσ τοῦ πρήγματοσ καὶ ὁ Θεμιστοκλέοσ ὁ ἐπ’ Ἀρτεμισίῳ·
ἢ γὰρ δὴ λαθόντα τὰ ῥήματα τοὺσ βαρβάρουσ ἔμελλε τοὺσ Ιὤνασ πείσειν, ἢ ἔπειτα ἀνενειχθέντα ἐσ τοὺσ βαρβάρουσ ποιήσειν ἀπίστουσ τοῖσι Ἕλλησι.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기