Herodotus, The Histories, book 9, chapter 111

(헤로도토스, The Histories, book 9, chapter 111)

τέλοσ μέντοι ἐκείνησ τε λιπαρεούσησ καὶ ὑπὸ τοῦ νόμου ἐξεργόμενοσ, ὅτι ἀτυχῆσαι τὸν χρηίζοντα οὔ σφι δυνατόν ἐστι βασιληίου δείπνου προκειμένου, κάρτα δὴ ἀέκων κατανεύει, καὶ παραδοὺσ ποιέει ὧδε· τὴν μὲν κελεύει ποιέειν τὰ βούλεται, ὁ δὲ μεταπεμψάμενοσ τὸν ἀδελφεὸν λέγει τάδε. "Μασίστα, σὺ εἶσ Δαρείου τε παῖσ καὶ ἐμὸσ ἀδελφεόσ, πρὸσ δ’ ἔτι τούτοισι καὶ εἶσ ἀνὴρ ἀγαθόσ·

γυναικὶ δὴ ταύτῃ τῇ νῦν συνοικέεισ μὴ συνοίκεε, ἀλλά τοι ἀντ’ αὐτῆσ ἐγὼ δίδωμι θυγατέρα τὴν ἐμήν. ταύτῃ συνοίκεε· τὴν δὲ νῦν ἔχεισ, οὐ γὰρ δοκέει ἐμοί, μὴ ἔχε γυναῖκα. ὁ δὲ Μασίστησ ἀποθωμάσασ τὰ λεγόμενα λέγει τάδε.

"ὦ δέσποτα, τίνα μοι λόγον λέγεισ ἄχρηστον, κελεύων με γυναῖκα, ἐκ τῆσ μοι παῖδέσ τε νεηνίαι εἰσὶ καὶ θυγατέρεσ, τῶν καὶ σὺ μίαν τῷ παιδὶ τῷ σεωυτοῦ ἠγάγεο γυναῖκα, αὐτή τέ μοι κατὰ νόον τυγχάνει κάρτα ἐοῦσα· ταύτην με κελεύεισ μετέντα θυγατέρα τὴν σὴν γῆμαι; ἐγὼ δὲ βασιλεῦ μεγάλα μὲν ποιεῦμαι ἀξιεύμενοσ θυγατρὸσ τῆσ σῆσ, ποιήσω μέντοι τούτων οὐδέτερα.

σὺ δὲ μηδαμῶσ βιῶ πρήγματοσ τοιοῦδε δεόμενοσ· ἀλλὰ τῇ τε σῇ θυγατρὶ ἀνὴρ ἄλλοσ φανήσεται ἐμεῦ οὐδὲν ἥσσων, ἐμέ τε ἐά γυναικὶ τῇ ἐμῇ συνοικέειν. ὃ μὲν δὴ τοιούτοισι ἀμείβεται, Ξέρξησ δὲ θυμωθεὶσ λέγει τάδε.

"οὕτω τοι, Μασίστα, πέπρηκται· οὔτε γὰρ ἄν τοι δοίην θυγατέρα τὴν ἐμὴν γῆμαι, οὔτε ἐκείνῃ πλεῦνα χρόνον συνοικήσεισ, ὡσ μάθῃσ τὰ διδόμενα δέκεσθαι. " ὁ δὲ ὡσ ταῦτα ἤκουσε, εἴπασ τοσόνδε ἐχώρεε ἔξω "δέσποτα, οὐ δὴ κώ με ἀπώλεσασ.

일치하는 문장이 없습니다.

SEARCH

MENU NAVIGATION