호흡부호 보기
강세부호 보기
장단부호 보기
작은 Iota 보기
모든 부호 보기
Μαρδόνιοσ δὲ ὡσ ἐπύθετο τοὺσ Ἕλληνασ ἀποιχομένουσ ὑπὸ νύκτα εἶδέ τε τὸν χῶρον ἔρημον, καλέσασ τὸν Ληρισαῖον Θώρηκα καὶ τοὺσ ἀδελφεοὺσ αὐτοῦ Εὐρύπυλον καὶ Θρασυδήιον ἔλεγε "ὦ παῖδεσ Ἀλεύεω, ἔτι τί λέξετε τάδε ὁρῶντεσ ἔρημα; ὑμεῖσ γὰρ οἱ πλησιόχωροι ἐλέγετε Λακεδαιμονίουσ οὐ φεύγειν ἐκ μάχησ, ἀλλὰ ἄνδρασ εἶναι τὰ πολέμια πρώτουσ·
τοὺσ πρότερόν τε μετισταμένουσ ἐκ τῆσ τάξιοσ εἴδετε, νῦν τε ὑπὸ τὴν παροιχομένην νύκτα καὶ οἱ πάντεσ ὁρῶμεν διαδράντασ· διέδεξάν τε, ἐπεί σφεασ ἔδεε πρὸσ τοὺσ ἀψευδέωσ ἀρίστουσ ἀνθρώπων μάχῃ διακριθῆναι, ὅτι οὐδένεσ ἄρα ἐόντεσ ἐν οὐδαμοῖσι ἐοῦσι Ἕλλησι ἐναπεδεικνύατο. καὶ ὑμῖν μὲν ἐοῦσι Περσέων ἀπείροισι πολλὴ ἔκ γε ἐμεῦ ἐγίνετο συγγνώμη, ἐπαινεόντων τούτουσ τοῖσί τι καὶ συνῃδέατε·
Ἀρταβάζου δὲ θῶμα καὶ μᾶλλον ἐποιεύμην τὸ καὶ καταρρωδῆσαι Λακεδαιμονίουσ καταρρωδήσαντά τε ἀποδέξασθαι γνώμην δειλοτάτην, ὡσ χρεὸν εἰή ἀναζεύξαντασ τὸ στρατόπεδον ἰέναι ἐσ τὸ Θηβαίων ἄστυ πολιορκησομένουσ· τὴν ἔτι πρὸσ ἐμεῦ βασιλεὺσ πεύσεται. καὶ τούτων μὲν ἑτέρωθι ἔσται λόγοσ.
νῦν δὲ ἐκείνοισι ταῦτα ποιεῦσι οὐκ ἐπιτρεπτέα ἐστί, ἀλλὰ διωκτέοι εἰσὶ ἐσ ὃ καταλαμφθέντεσ δώσουσι ἡμῖν τῶν δὴ ἐποίησαν Πέρσασ πάντων δίκασ.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기