헬라어 문장 검색 - ΗεροδόΤηεΗιστ́9́062́

(헤로도토스, The Histories, book 9, chapter 60)

καὶ οὗτοι μὲν βοῇ τε καὶ ὁμίλῳ ἐπήισαν ὡσ ἀναρπασόμενοι τοὺσ Ἕλληνασ· Παυσανίησ δέ, ὡσ προσέκειτο ἡ ἵπποσ, πέμψασ πρὸσ τοὺσ Ἀθηναίουσ ἱππέα λέγει τάδε. "ἄνδρεσ Ἀθηναῖοι, ἀγῶνοσ μεγίστου προκειμένου ἐλευθέρην εἶναι ἢ δεδουλωμένην τὴν Ἑλλάδα, προδεδόμεθα ὑπὸ τῶν συμμάχων ἡμεῖσ τε οἱ Λακεδαιμόνιοι καὶ ὑμεῖσ οἱ Ἀθηναῖοι ὑπὸ τὴν παροιχομένην νύκτα διαδράντων. νῦν ὦν δέδοκται τὸ ἐνθεῦτεν τὸ ποιητέον ἡμῖν·

ἀμυνομένουσ γὰρ τῇ δυνάμεθα ἄριστα περιστέλλειν ἀλλήλουσ. εἰ μέν νυν ἐσ ὑμέασ ὁρ́μησε ἀρχὴν ἡ ἵπποσ, χρῆν δὴ ἡμέασ τε καὶ τοὺσ μετ’ ἡμέων τὴν Ἑλλάδα οὐ προδιδόντασ Τεγεήτασ βοηθέειν ὑμῖν· νῦν δέ, ἐσ ἡμέασ γὰρ ἅπασα κεχώρηκε, δίκαιοι ἐστὲ ὑμεῖσ πρὸσ τὴν πιεζομένην μάλιστα τῶν μοιρέων ἀμυνέοντεσ ἰέναι. εἰ δ’ ἄρα αὐτοὺσ ὑμέασ καταλελάβηκε ἀδύνατόν τι βοηθέειν, ὑμεῖσ δ’ ἡμῖν τοὺσ τοξότασ ἀποπέμψαντεσ χάριν θέσθε.

συνοίδαμεν δὲ ὑμῖν ὑπὸ τὸν παρεόντα τόνδε πόλεμον ἐοῦσι πολλὸν προθυμοτάτοισι, ὥστε καὶ ταῦτα ἐσακούειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 9, chapter 60

(헤로도토스, The Histories, book 9, chapter 60)

상위

목록

SEARCH

MENU NAVIGATION