헬라어 텍스트

Herodotus, The Histories, book 9, chapter 11

(헤로도토스, The Histories, book 9, chapter 11)

οἳ μὲν δὴ σὺν Παυσανίῃ ἐξεληλύθεσαν ἔξω Σπάρτησ· οἱ δὲ ἄγγελοι, ὡσ ἡμέρη ἐγεγόνεε, οὐδὲν εἰδότεσ περὶ τῆσ ἐξόδου ἐπῆλθον ἐπὶ τοὺσ ἐφόρουσ, ἐν νόῳ δὴ ἔχοντεσ ἀπαλλάσσεσθαι καὶ αὐτοὶ ἐπὶ τὴν ἑωυτοῦ ἕκαστοσ· ἐπελθόντεσ δὲ ἔλεγον τάδε. "ὑμεῖσ μὲν, ὦ Λακεδαιμόνιοι αὐτοῦ τῇδε μένοντεσ Υἁκίνθιά τε ἄγετε καὶ παίζετε, καταπροδόντεσ τοὺσ συμμάχουσ· Ἀθηναῖοι δὲ ὡσ ἀδικεόμενοι ὑπὸ ὑμέων χήτεί̈ τε συμμάχων καταλύσονται τῷ Πέρσῃ οὕτω ὅκωσ ἄν δύνωνται· καταλυσάμενοι δέ, δῆλα γὰρ ὅτι σύμμαχοι βασιλέοσ γινόμεθα, συστρατευσόμεθα ἐπ’ ἣν ἂν ἐκεῖνοι ἐξηγέωνται.

ὑμεῖσ δὲ τὸ ἐνθεῦτεν μαθήσεσθε ὁκοῖον ἄν τι ὑμῖν ἐξ αὐτοῦ ἐκβαίνῃ. " ταῦτα λεγόντων τῶν ἀγγέλων, οἱ ἔφοροι εἶπαν ἐπ’ ὁρ́κου καὶ δὴ δοκέειν εἶναι ἐν Ὀρεσθείῳ στείχοντασ ἐπὶ τοὺσ ξείνουσ. ξείνουσ γὰρ ἐκάλεον τοὺσ βαρβάρουσ. οἳ δὲ ὡσ οὐκ εἰδότεσ ἐπειρώτων τὸ λεγόμενον, ἐπειρόμενοι δὲ ἐξέμαθον πᾶν τὸ ἐόν, ὥστε ἐν θώματι γενόμενοι ἐπορεύοντο τὴν ταχίστην διώκοντεσ·

σὺν δέ σφι τῶν περιοίκων Λακεδαιμονίων λογάδεσ πεντακισχίλιοι ὁπλῖται τὠυτὸ τοῦτο ἐποίεον.