헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 7, chapter 70)

ἐπεὶ δὲ κατὰ τοῦτο γέγονα τῆσ ἱστορίασ τὸ μέροσ, οὐκ οἰόμαι δεῖν τὰ περὶ τὴν ἑορτὴν ἐπιτελούμενα ὑπ’ αὐτῶν παρελθεῖν, οὐχ ἵνα μοι χαριεστέρα γένηται προσθήκασ λαβοῦσα θεατρικὰσ καὶ λόγουσ ἀνθηροτέρουσ ἡ διήγησισ, ἀλλ’ ἵνα τῶν ἀναγκαίων τι πιστώσηται πραγμάτων, ὅτι τὰ συνοικίσαντα ἔθνη τὴν Ῥωμαίων πόλιν Ἑλληνικὰ ἦν ἐκ τῶν ἐπιφανεστάτων ἀποικισθέντα τόπων, ἀλλ’ οὐχ ὥσπερ ἔνιοι νομίζουσι βάρβαρα καὶ ἀνέστια· ὑπεσχόμην γὰρ ἐπὶ τῷ τέλει τῆσ πρώτησ γραφῆσ, ἣν περὶ τοῦ γένουσ αὐτῶν συνταξάμενοσ ἐξέδωκα, μυρίοισ βεβαιώσειν τεκμηρίοισ τὴν πρόθεσιν, ἔθη καὶ νόμιμα καὶ ἐπιτηδεύματα παλαιὰ παρεχόμενοσ αὐτῶν, ἃ μέχρι τοῦ κατ’ ἐμὲ φυλάττουσι χρόνου, οἱᾶ παρὰ τῶν προγόνων ἐδέξαντο·

οὐχ ἡγούμενοσ ἀποχρῆν τοῖσ ἀναγράφουσι τὰσ ἀρχαίασ καὶ τοπικὰσ ἱστορίασ, ὡσ παρὰ τῶν ἐπιχωρίων αὐτὰσ παρέλαβον, ἀξιοπίστωσ διελθεῖν, ἀλλὰ καὶ μαρτυριῶν οἰόμενοσ αὐταῖσ δεῖν πολλῶν καὶ δυσαντιλέκτων, εἰ μέλλουσι πισταὶ φανήσεσθαι.

ἐν αἷσ πρῶτα καὶ κυριώτατα πάντων εἶναι πείθομαι τὰ γινόμενα καθ’ ἑκάστην πόλιν περὶ θεῶν καὶ δαιμόνων πατρίουσ σεβασμούσ.

ταῦτα γὰρ ἐπὶ μήκιστον χρόνον διὰ φυλακῆσ ἔχει Ἑλλάσ τε καὶ βάρβαροσ χώρα, καὶ οὐθὲν ἀξιοῖ καινοτομεῖν εἰσ αὐτὰ ὑπὸ δείματοσ κρατουμένη μηνιμάτων δαιμονίων. μάλιστα δὲ τοῦτο πεπόνθασιν οἱ βάρβαροι διὰ πολλὰσ αἰτίασ, ἃσ οὐ καιρὸσ ἐν τῷ παρόντι λέγειν, καὶ χρόνοσ οὐθεὶσ μέχρι τοῦ παρόντοσ ἀπομαθεῖν ἢ παρανομῆσαί τι περὶ τοὺσ ὀργιασμοὺσ τῶν θεῶν ἔπεισεν οὔτ’ Αἰγυπτίουσ οὔτε Λίβυασ οὔτε Κελτοὺσ οὔτε Σκύθασ οὔτ’ Ἰνδοὺσ οὔτ’ ἄλλο βάρβαρον ἔθνοσ οὐδὲν ἁπλῶσ·

εἰ μή τινεσ ὑφ’ ἑτέρων ἐξουσίᾳ ποτὲ γενόμενοι τὰ τῶν κρατησάντων ἠναγκάσθησαν ἐπιτηδεύματα μεταλαβεῖν.

τῇ δὲ Ῥωμαίων πόλει τοιαύτησ οὐδέποτε πειραθῆναι συνέβη τύχησ, ἀλλ’ αὐτὴ τὰ δίκαια τάττει διὰ παντὸσ ἑτέροισ. εἰ δὴ βάρβαρον αὐτῶν τὸ γένοσ ἦν, τοσούτου ἂν ἐδέησαν αὐτοὶ τὰ πατρῷα ἱερὰ καὶ τοὺσ ἐπιχωρίουσ ἐθισμοὺσ ἀπομαθεῖν, δι’ οὓσ εἰσ τοσαύτην προῆλθον εὐδαιμονίαν, ὥστε καὶ τοῖσ ἄλλοισ ἅπασιν, ὧν ἦρχον, ἐν καλῷ κατέστησαν τοὺσ θεοὺσ τοῖσ σφετέροισ τιμᾶν νομίμοισ·

καὶ οὐθὲν ἂν ἐκώλυσεν ἅπαν ἐκβεβαρβαρῶσθαι τὸ Ἑλληνικὸν ὑπὸ Ῥωμαίων ἑβδόμην ἤδη κρατούμενον ὑπ’ αὐτῶν γενεάν, εἴπερ ἦσαν βάρβαροι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 7, chapter 70

(디오니시오스, Antiquitates Romanae, Books VII-IX, book 7, chapter 70)

상위

목록

SEARCH

MENU NAVIGATION