헬라어 텍스트

Dionysius of Halicarnassus, Antiquitates Romanae, Books VII-IX, book 7, chapter 69

(디오니시오스, Antiquitates Romanae, Books VII-IX, book 7, chapter 69)

ἡ δὲ βουλὴ δέουσ ἀνάπλεωσ ἐγένετο, καὶ ἀχανὴσ ἦν ἕκαστοσ οὐκ ἔχων συμβαλεῖν, ὅ τι τὸ δηλούμενον ἦν ὑπὸ τοῦ θεοῦ, καὶ τίσ ποτε ὁ τῆσ πομπῆσ ὀρχηστὴσ προηγούμενοσ οὐ καλὸσ αὐτῷ ἐφάνη. ἔπειτα λέγει τισ ἐξ αὐτῶν ἀναμνησθεὶσ τὸ γενόμενον, καὶ πάντεσ ἐμαρτύρησαν.

ἦν δὲ τοιόνδε· ἀνὴρ Ῥωμαῖοσ οὐκ ἀφανὴσ θεράποντα ἴδιον ἐπὶ τιμωρίᾳ θανάτου παραδοὺσ τοῖσ ὁμοδούλοισ ἄγειν, ἵνα δὴ περιφανὴσ ἡ τιμωρία τοῦ ἀνθρώπου γένηται, δι’ ἀγορᾶσ αὐτὸν ἐκέλευσε μαστιγούμενον ἕλκειν καὶ εἴ τισ ἄλλοσ ἦν τῆσ πόλεωσ τόποσ ἐπιφανὴσ ἡγούμενον τῆσ πομπῆσ, ἣν ἔστελλε τῷ θεῷ κατ’ ἐκεῖνον τὸν καιρὸν ἡ πόλισ. οἱ δ’ ἄγοντεσ τὸν θεράποντα ἐπὶ τὴν τιμωρίαν τὰσ χεῖρασ ἀποτείναντεσ ἀμφοτέρασ καὶ ξύλῳ προσδήσαντεσ παρὰ τὰ στέρνα τε καὶ τοὺσ ὤμουσ καὶ μέχρι τῶν καρπῶν διήκοντι παρηκολούθουν ξαίνοντεσ μάστιξι γυμνὸν ὄντα.

ὁ δ’ ἐν τοιᾷδε ἀνάγκῃ κρατούμενοσ ἐβόα τε φωνὰσ δυσφήμουσ, ἃσ ἡ ἀλγηδὼν ἐβούλετο, καὶ κινήσεισ διὰ τὴν αἰκίαν ἀσχήμονασ ἐκινεῖτο.

τοῦτον δὴ πάντεσ ἐνόμισαν εἶναι τὸν ὑπὸ τοῦ θεοῦ μηνυόμενον ὀρχηστὴν οὐ καλόν.