헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 7, chapter 63)

τοῦτο καταμαθὼν ὁ Δέκιοσ ἐκεῖνοσ, ὁ καὶ τοὺσ ἐν τῇ βουλῇ ποιησάμενοσ λόγουσ καὶ τὸ προβούλευμα περὶ τῆσ δίκησ γραφῆναι παρασκευάσασ, ἀνέστη καὶ σιωπὴν γενέσθαι κελεύσασ ἔλεξεν· ἐπειδή, ὦ δημόται, τῶν ἐν τῇ βουλῇ λεχθέντων ὑπὸ Μαρκίου λόγων, καὶ τῶν διὰ τούτουσ ἀκολουθησάντων ἔργων βιαίων τε καὶ ὑπερηφάνων ἀπολύουσιν αὐτὸν οἱ πατρίκιοι καὶ οὐδ’ ἡμῖν ἐπιτρέπουσι κατηγορεῖν, ἀκούσατε, οἱο͂ν ὑμῖν ἔργον ἕτερον ἔξω τῶν λόγων ὁ γενναῖοσ οὗτοσ ἀνὴρ τυγχάνει διαπεπραγμένοσ, ὡσ αὔθαδεσ καὶ τυραννικόν, καὶ οἱο͂ν ὑμῶν κατέλυσε νόμον αὐτὸσ ἰδιώτησ ὢν μάθετε.

ἴστε δήπου πάντεσ, ὅτι τὰ ἐκ τῶν πολέμων λάφυρα, ὅσων ἂν ἡμῖν ὑπάρχῃ τυχεῖν δι’ ἀρετήν, δημόσια εἶναι κελεύει ὁ νόμοσ, καὶ τούτων οὐχ ὅπωσ τισ ἰδιώτησ γίνεται κύριοσ, ἀλλ’ οὐδ’ αὐτὸσ ὁ τῆσ δυνάμεωσ ἡγεμών·

ὁ δὲ ταμίασ αὐτὰ παραλαβὼν ἀπεμπολᾷ καὶ εἰσ τὸ δημόσιον ἀναφέρει τὰ χρήματα· καὶ τοῦτον τὸν νόμον, ἐξ οὗ τήνδε οἰκοῦμεν τὴν πόλιν, οὐχ ὅπωσ κατέλυσέ τισ, ἀλλ’ οὐδ’ ᾐτιάσατο μὴ οὐχὶ καλῶσ ἔχειν·

ἀλλ’ οὗτοσ ὁ Μάρκιοσ πρῶτοσ καὶ μόνοσ ὑπεριδὼν αὐτοῦ κειμένου καὶ κυρίου ὄντοσ ἠξίωσε σφετερίσασθαι τὰ κοινὰ ἡμῶν, ὦ δημόται, λάφυρα, πέρυσι καὶ οὐ πάλαι. ποιησαμένων γὰρ ὑμῶν καταδρομὴν τῆσ Ἀντιατῶν γῆσ καὶ πολλὰ μὲν σώματα, πολλὰ δὲ βοσκήματα, πολὺν δὲ σῖτον, πολλὰ δ’ ἄλλα χρήματα περιβαλομένων οὔτε τῷ ταμίᾳ ταῦτ’ ἀπέδειξεν οὔτ’ αὐτὸσ ἀποδόμενοσ εἰσ τὸ δημόσιον ἀνήνεγκε τὸ ἀργύριον, ἀλλὰ διένειμε καὶ κατεχαρίσατο τοῖσ ἑαυτοῦ φίλοισ ἅπασαν τὴν λείαν·

τοῦτο δὴ τυραννίδοσ τεκμήριον εἶναι φημὶ τὸ ἔργον· πῶσ γὰρ οὔ; ὃσ τοὺσ ἑαυτοῦ κόλακάσ τε καὶ σωματοφύλακασ καὶ τῆσ μελλούσησ τυραννίδοσ συνεργοὺσ ἐκ τῶν δημοσίων εὐηργέτει χρημάτων· καὶ νόμου κατάλυσιν εἶναι φανερὰν ταύτην λέγω.

δυεῖν δὴ θάτερον ἀποφηνάτω παρελθὼν Μάρκιοσ, ἢ ὡσ οὐ διένειμε τὰ λάφυρα τοῖσ ἑαυτοῦ φίλοισ, ἃ ἔλαβεν ἐκ τῆσ πολεμίασ, ἢ ὡσ ταῦτα ποιῶν οὐ καταλύει τοὺσ νόμουσ· ὧν οὐδέτερον ἕξει πρὸσ ὑμᾶσ εἰπεῖν. αὐτοὶ γὰρ ἀμφότερα ἴστε, καὶ τὸν νόμον καὶ τὸ ἔργον, καὶ οὐκ ἔνεσθ’ ὑμῖν ἀποψηφισαμένοισ αὐτοῦ τὰ δίκαια καὶ τὰ εὐόρκα δοκεῖν ἐγνωκέναι. ἐάσασ δὴ τοὺσ στεφάνουσ καὶ τὰ ἀριστεῖα καὶ τὰ τραύματα καὶ τὴν ἄλλην τερατείαν πρὸσ ταῦτα λέγε, ὦ Μάρκιε· παραδίδωμι γὰρ ἤδη σοὶ τὸν λόγον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 7, chapter 63

(디오니시오스, Antiquitates Romanae, Books VII-IX, book 7, chapter 63)

상위

목록

SEARCH

MENU NAVIGATION