헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 7, chapter 44)

χρὴ τὴν δημαρχικὴν ἐξουσίαν μηκέτι συγχωρεῖν ἡμῖν, ἀλλ’ ἀνελεῖν, ᾗ πρώτῃ καὶ μόνῃ τῆσ ἐλευθερίασ φυλακῇ πιστεύσαντεσ ἐποιησάμεθα τὰσ διαλύσεισ. καὶ οὐκ ἐνταῦθ’ ἔστη τῆσ ἀλαζονείασ, ἀλλ’ ὕβριν τὴν ἐλευθερίαν τῶν πενήτων καὶ τυραννίδα τὴν ἰσηγορίαν ὀνομάζων ἀφελέσθαι παρῄνει ταύτην ὑμῖν.

ἐπιτηδείων τὴν ἀγοράν.

οὐ γὰρ ἀνθέξειν ἡμᾶσ ἐπὶ πολὺν χρόνον ὀλίγα σιτία πολλοῦ ὠνουμένουσ ἀργυρίου πένητασ ἀνθρώπουσ, ἀλλὰ τοὺσ μὲν οἰχήσεσθαι τὴν πόλιν ἐκλείποντασ, ὅσοι δ’ ἂν ὑπομείνωσι τῷ κακοδαιμονεστάτῳ διαφθαρήσεσθαι τῶν μόρων. οὕτω δ’ ἄρα παρεφρόνει καὶ θεοβλαβὴσ ἦν ταῦτα πείθων ὑμᾶσ, ὥστ’ οὐδ’ ἐκεῖνο ἠδυνήθη καταμαθεῖν, χωρὶσ τῶν ἄλλων ὧν προσετρίβετο τὰσ τῆσ βουλῆσ σπονδὰσ λύειν ἀξιῶν, ὅτι πένητεσ ἄνθρωποι τῆσ ἀναγκαίου τροφῆσ ἀποκλειόμενοι τοσοῦτοι τὸ πλῆθοσ ὄντεσ ὁμόσε χωρεῖν ἀναγκασθήσονται τοῖσ αἰτίοισ τῆσ συμφορᾶσ οὐθὲν ἔτι φίλιον ἡγούμενοι.

ὥστ’ εἰ μανέντεσ ὑμεῖσ ἐπεκυρώσατε τὰσ γνώμασ αὐτοῦ, μηθὲν ἂν γενέσθαι τὸ διὰ μέσου, ἀλλ’ ἤτοι τὸ δημοτικὸν ἀπολωλέναι πλῆθοσ ἅπαν, ἢ μηδὲ τὸ τῶν πατρικίων περιλελεῖφθαι γένοσ.

οὐ γὰρ ἂν οὕτωσ ἀνδραποδωδῶσ παρέσχομεν ἑαυτούσ, οἱ μὲν ἐκπεσεῖν, οἱ δ’ ἀποθανεῖν, ἀλλὰ θεοὺσ μάρτυρασ ὧν ἐπάσχομεν καὶ δαίμονασ ἐπικαλεσάμενοι, πολλῶν ἂν ἐξεπληρώσαμεν, εὖ ἴστε, τὰσ ἀγορὰσ καὶ τοὺσ στενωποὺσ νεκρῶν, καὶ μέγαν αἵματοσ κρατῆρα πολιτικοῦ στήσαντεσ οὕτωσ ἂν ἐδεξάμεθα τὴν ὀφειλομένην μοῖραν. τοιούτων ὑμῖν δυσσεβημάτων εἰσηγητήσ, ὦ πατέρεσ, ἐγένετο, καὶ τοιαῦτα δημηγορεῖν ᾤετο δεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Dionysius of Halicarnassus, Antiquitates Romanae, Books VII-IX, book 7, chapter 44

(디오니시오스, Antiquitates Romanae, Books VII-IX, book 7, chapter 44)

상위

목록

SEARCH

MENU NAVIGATION