헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 7, chapter 42)

ὡσ δὲ καὶ συνοίσει τῷ κοινῷ ταῦθ’ ὡσ ὁ δῆμοσ ἀξιοῖ γινόμενα, μικρὰ διεξιόντοσ ἀνέχεσθέ μου. φέρε γάρ, εἴ τισ ὑμᾶσ ἔροιτο, τί μέγιστον οἰέσθε εἶναι τῶν καταλαμβανόντων κακῶν τὰσ πόλεισ, καὶ τοῦ ταχίστου τῶν ὀλέθρων αἴτιον, ἆρ’ οὐχὶ τὴν διχοστασίαν εἴποιτ’ ἄν; ἐμοὶ γοῦν δοκεῖ. τίσ γὰρ ὑμῶν οὕτωσ ἠλίθιόσ ἐστιν ἢ σκαιὸσ ἢ πέρα τοῦ μετρίου μισῶν τὴν ἰσηγορίαν, ὃσ οὐκ οἶδεν, ὅτι δοθείσησ ἐξουσίασ τῷ δήμῳ κρίνειν ἃσ ἔξεστιν αὐτῷ δίκασ κατὰ τὸν νόμον ἐν ὁμονοίᾳ πολιτευσόμεθα,εἰ δὲ τἀναντία γνοίητε καὶ ἀφέλοισθ’ ἡμῶν τὴν ἐλευθερίαν·

ἐλευθερίαν γὰρ ἀφαιρήσεσθε δίκην καὶ νόμον ἀφαιρούμενοι·

στασιάζειν ἡμᾶσ αὖθισ ἀναγκάσετε καὶ πολεμεῖν ὑμῖν; ἐξ ἧσ γὰρ ἂν ἐξελασθῇ πόλεωσ δίκη καὶ νόμοσ, εἰσ ταύτην στάσισ εἰσπορεύεσθαι φιλεῖ καὶ πόλεμοσ. καὶ ὅσοι μὲν οὐκ ἦλθον εἰσ πεῖραν ἐμφυλίων διαφορῶν, οὐδὲν θαυμαστόν, εἰ δι’ ἀπειρίαν τῶν κακῶν μήτ’ ἄχθονται τοῖσ γεγονόσι δεινοῖσ μήτε κωλύουσιν ἐκ πολλοῦ τὰ μέλλοντα.

ὅσοι δ’ ὥσπερ ὑμεῖσ εἰσ τοὺσ ἐσχάτουσ κινδύνουσ καταστάντεσ ἀγαπητῶσ ἀπηλλάγησαν, ἣν ὁ καιρὸσ ἀπῄτει ποιησάμενοι τῶν κακῶν λύσιν, τίσ εὐπρεπὴσ ἢ μετρία πρόφασισ ἀπολείπεται τούτοισ, ἐὰν ἔτι ταῖσ αὐταῖσ συμφέρωνται τύχαισ; τίσ δ’ οὐκ ἂν ὑμῶν καταγνοίη πολλὴν ἄνοιαν καὶ μανίαν ἐνθυμούμενοσ, ὅτι μικρὸν μὲν ἔμπροσθεν ὑπὲρ τοῦ μὴ στασιάζειν τοὺσ δημότασ πολλὰ παρὰ γνώμην ὑπεμείνατε, ὧν ἔνια οὔτε κάλλιστα ἦν ἴσωσ οὔτε λυσιτελέστατα·

νῦν δ’ οὔτ’ εἰσ χρήματα βλάπτεσθαι μέλλοντεσ οὔτ’ εἰσ εὐδοξίαν οὔτ’ εἰσ ἄλλο τῶν κοινῶν οὐδ’ ὁτιοῦν, ἵνα χαρίζησθε τοῖσ μισοδημοτάτοισ, τὸ δημοτικὸν αὖθισ ἐκπολεμώσετε;

οὔκ, ἐάν γε σωφρονῆτε. ἡδέωσ δ’ ἂν ὑμᾶσ ἐροίμην, τίνα γνώμην λαβόντεσ τότε τὴν κάθοδον ἡμῖν συνεχωρήσατε ἐφ’ οἷσ ἠξιοῦμεν, πότερα λογισμῷ προϊδόμενοι τὸ κράτιστον ἢ τῇ ἀνάγκῃ εἴξαντεσ;

εἴπερ γὰρ ταῦθ’ ὑπελαμβάνετε ὠφελιμώτατα εἶναι τῇ πόλει, τί οὐ μένετε καὶ νῦν ἐν αὐτοῖσ; εἰ δ’ ἀναγκαῖα καὶ οὐκ ἐνδεχόμενα ἄλλωσ γενέσθαι, τί χαλεπαίνετε γενομένοισ; τὴν ἀρχὴν γὰρ ἴσωσ ἔδει μὴ συγχωρῆσαι, εἰ δύναμισ ἦν ὑμῖν, συγχωρήσαντασ δὲ μηκέτι τοῖσ πεπραγμένοσ ἐγκαλεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 7, chapter 42

(디오니시오스, Antiquitates Romanae, Books VII-IX, book 7, chapter 42)

상위

목록

SEARCH

MENU NAVIGATION