헬라어 텍스트

Dionysius of Halicarnassus, Antiquitates Romanae, Books VII-IX, book 7, chapter 33

(디오니시오스, Antiquitates Romanae, Books VII-IX, book 7, chapter 33)

τοιαῦτα τοῦ Μηνυκίου διεξελθόντοσ ὁρῶντεσ οἱ δήμαρχοι τῇ τε μετριότητι τῶν λόγων καὶ τῇ φιλανθρωπίᾳ τῶν ὑποσχέσεων ἐπαγόμενον τὸ πλῆθοσ ἤχθοντο καὶ χαλεπῶσ ἔφερον, μάλιστα δὲ Γάιοσ Σικίννιοσ Βελλοῦτοσ, ὁ πείσασ τοὺσ πένητασ ἀποστῆναι τῶν πατρικίων καὶ στρατηγὸσ ἀποδειχθεὶσ ὑπ’ αὐτῶν, ἑώσ ἦσαν ἐν τοῖσ ὅπλοισ, ἔχθιστοσ ἀνὴρ ἀριστοκρατίᾳ καὶ διὰ τοῦτο προηγμένοσ ὑπὸ τῶν πολλῶν εἰσ ἐπιφάνειαν τήν τε δημαρχικὴν ἐξουσίαν δεύτερον ἤδη παρειληφώσ, ἁπάντων ἥκιστα τῶν δημαγωγῶν ἑαυτῷ συμφέρειν ὁμονοῆσαι οἰόμενοσ τὴν πόλιν καὶ τὸν ἀρχαῖον ἀναλαβεῖν κόσμον. κινδυνεύσειν, ὡσ διεστασιακὼσ τὴν πόλιν καὶ πολλῶν αὐτῇ κακῶν γεγονὼσ αἴτιοσ.

ἐνθυμηθεὶσ δὴ ὅσα χρῆν λέγειν τε καὶ πράττειν καὶ μετὰ τῶν συναρχόντων βουλευσάμενοσ, ἐπειδὴ κἀκείνουσ ἔσχεν ὁμογνώμονασ, ἀνέστη καὶ μικρὰ περὶ τῆσ κατεχούσησ τὸν δῆμον ἀτυχίασ ἀποδυράμενοσ τούσ θ’ ὑπάτουσ ἐπῄνεσεν, ὅτι λόγον ἠξίωσαν ὑποσχεῖν τοῖσ δημόταισ οὐχ ὑπεριδόντεσ αὐτῶν τῆσ ταπεινότητοσ, καὶ τοῖσ πατρικίοισ εἰδέναι χάριν ἔφησεν, εἴ τισ αὐτοῖσ ἤδη ποτὲ φροντὶσ εἰσέρχεται τῆσ σωτηρίασ τῶν πενήτων·

καὶ ἔτι μᾶλλον ἔφη μετὰ πάντων ἐκμαρτυρήσειν, ἐὰν ὅμοια παράσχωνται τοῖσ λόγοισ τὰ ἔργα.