헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 7, chapter 31)

ἵνα δὲ μᾶλλον ὑμῖν γένηται φανερόν, ὅτι οὐθὲν οὔτε μέτριον οὔτε δίκαιον ἀξιοῦσιν οἱ δημαγωγοί, ἀλλὰ παρανόμων τε καὶ ἀδυνάτων ἐφίενται μετενέγκαντεσ τὸ πρᾶγμα ἐφ’ ἑαυτούσ, οὕτω σκοπεῖτε καὶ ὑπολάβετε τοὺσ μετέχοντασ τοῦ συνεδρίου τοῖσ ἐν ὑμῖν πολιτευομένοισ ἐγκαλεῖν, ὅτι πονηροὺσ κατὰ τῆσ βουλῆσ διατίθενται λόγουσ ἐν ὑμῖν καὶ καταλύουσι τὴν πάτριον ἀριστοκρατίαν, καὶ διαστασιάζουσι τὴν πόλιν, ἅπαντα ταῦτα λέγοντασ ἀληθῆ· ποιοῦσι γὰρ ταῦτα·

καὶ τὸ πάντων χαλεπώτατον, ὅτι δυναστείαν περιβάλλονται μείζονα τῆσ συγκεχωρημένησ αὐτοῖσ ἄκριτον ἀποκτείνειν ἐπιχειροῦντεσ ὃν ἂν ἐθέλωσιν ἐξ ἡμῶν, καὶ ὅτι δεῖ τοὺσ ταῦτα ποιοῦντασ τεθνάναι νηποινί. πῶσ ἂν ὑμεῖσ ἐνέγκαιτε τὴν αὐθάδειαν τοῦ συνεδρίου; καὶ τί ἂν εἴποιτε;

ἆρ’ οὐκ ἂν ἀγανακτήσαιτε καὶ δεινὰ φαίητε πάσχειν, εἰ τὴν παρρησίαν ἀφαιρήσεταί τισ ὑμᾶσ καὶ τὴν ἐλευθερίαν, τὸν ὑπὲρ τῶν ἐσχάτων κίνδυνον ἐπιθεὶσ τοῖσ ἐλευθέραν φωνὴν ὑπὲρ τοῦ δήμου φθεγξαμένοισ; οὐκ ἔνεστ’ ἄλλωσ εἰπεῖν.

ἔπειθ’ ἃ παθεῖν οὐκ ἂν ὑπομείναιτε αὐτοί, ταῦθ’ ἑτέρουσ πάσχοντασ ἀνέχεσθαι δικαιοῦτε; πολιτικά γ’, ὦ δημόται, καὶ μέτρια ὑμῶν τὰ βουλεύματα. τοιαῦτ’ ἀξιοῦντεσ οὐκ αὐτοὶ βεβαιοῦτε τὰσ καθ’ ἑαυτῶν διαβολὰσ ἀληθεῖσ εἶναι, καὶ τοὺσ συμβουλεύοντασ τὴν παράνομον ὑμῶν δυναστείαν μὴ περιορᾶν αὐξομένην, τὰ δίκαια τῷ κοινῷ φρονοῦντασ ἀποδείκνυτε; ἐμοὶ μὲν γὰρ δοκεῖ.

ἀλλ’ εἴ γε τἀναντία βούλεσθε ὧν διαβέβλησθε ποιεῖν, ἐμοὶ συμβούλῳ χρησάμενοι μετριάσατε καὶ τοὺσ λόγουσ, ἐφ’ οἷσ ἄχθεσθε, πολιτικῶσ καὶ μὴ δυσοργήτωσ ἐνέγκατε. περιέσται γὰρ ὑμῖν μέν, εἰ τοῦτο ποιήσετε, ἀγαθοῖσ εἶναι δοκεῖν, τοῖσ δ’ ἀπεχθῶσ διακειμένοισ πρὸσ ὑμᾶσ μετανοεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 7, chapter 31

(디오니시오스, Antiquitates Romanae, Books VII-IX, book 7, chapter 31)

상위

목록

SEARCH

MENU NAVIGATION