헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 7, chapter 19)

ταῦτα δ’ ὁρῶσι τοῖσ ὑπάτοισ ἐδόκει τῆσ βουλῆσ ἐπιτρεπούσησ στρατοπέδου ποιεῖσθαι καταγραφὴν καὶ ἐξάγειν ἔξω τὴν δύναμιν· εἰλήφεσαν δ’ ἀφορμὴν τῷ ἐγχειρήματι πρέπουσαν ἐπιδρομάσ τε καὶ λεηλασίασ κακουμένησ τῆσ χώρασ ὑπὸ τῶν πολεμίων θαμινά, τά τ’ ἄλλα, ὅσα ἐκ τοῦ πράγματοσ χρηστὰ ἦν, ἐπιλογιζομένοισ, ὑπερορίου στρατιᾶσ ἐκπεμφθείσησ ὡσ εὐπορωτέρᾳ μὲν ἕξουσι τῇ ἀγορᾷ χρῆσθαι οἱ ὑπολειφθέντεσ ἐλάττουσ γενόμενοι, ἐν ἀφθονωτέροισ δὲ διάξουσι τοῖσ ἐπιτηδείοισ οἱ τὰ ὅπλα ἔχοντεσ ἐκ τῶν πολεμίων ἐπισιτιζόμενοι, λωφήσει δ’ ἡ στάσισ, ὅσον ἂν ἡ στρατεία κατέχῃ χρόνον· μάλιστα δ’ ἐφαίνετο ἔργῳ βεβαιώσειν αὐτῶν τὰσ διαλλαγὰσ συστρατευόντων ἀλλήλοισ πατρικίων καὶ δημοτῶν ἡ γενησομένη παρὰ τοὺσ κινδύνουσ κακῶν τε καὶ ἀγαθῶν ἰσομοιρία.

ἀλλ’ οὐκ ἦν τὸ πλῆθοσ ὑπήκοον αὐτοῖσ οὐδ’ ὥσπερ πρότερον ἑκούσιον ὑπήντα πρὸσ τὴν καταγραφήν·

ἀνάγκην δὲ προσφέρειν τοῖσ μὴ βουλομένοισ οὐκ ἐδικαίουν τὴν ἐκ τῶν νόμων οἱ ὕπατοι· ἀλλ’ ἐκ τῶν πατρικίων ἐθέλονταί τινεσ κατεγράφησαν ἅμα τοῖσ πελάταισ, καὶ αὐτοῖσ ἐξιοῦσιν ὀλίγον τι ἀπὸ τοῦ δήμου μέροσ συνεστράτευεν. ἡγεμὼν δὲ τῶν ἐξελθόντων ἦν Γάιοσ Μάρκιοσ ὁ τὴν Κοριολάνων πόλιν ἑλὼν κἂν τῇ πρὸσ Ἀντιάτασ ἀριστεύσασ μάχῃ, καὶ οἱ πλεῖστοι τῶν ἀραμένων τὰ ὅπλα δημοτῶν τοῦτον ἐξιόντα ὁρῶντεσ ἐπερρώσθησαν, οἱ μὲν δι’ εὔνοιαν, οἱ δὲ τοῦ κατορθώσειν ἐλπίδι·

περιβόητοσ γὰρ ἦν ἤδη ὁ ἀνήρ, καὶ δέοσ αὐτοῦ μέγα παρὰ τοῖσ πολεμίοισ ἐγεγόνει.

αὕτη προελθοῦσα ἡ στρατιὰ μέχρι πόλεωσ Ἀντίου δίχα πόνου σίτου πολλοῦ καταληφθέντοσ ἐν τοῖσ ἀγροῖσ καὶ ἀνδραπόδων καὶ βοσκημάτων συχνῶν ἐγκρατὴσ ἐγένετο, καὶ μετ’ οὐ πολὺ παρῆν εὐπορωτέρα γεγονυῖα τοῖσ κατὰ τὸν βίον, ὥστε τοῖσ ὑπομείνασι πολλὴν κατήφειαν καὶ κατάμεμψιν τῶν δημαγωγῶν ἐμπεσεῖν, δι’ οὓσ ἀποστερεῖσθαι ἐδόκουν τῆσ ὁμοίασ εὐτυχίασ.

φρονιμώτερον μᾶλλον ἢ εὐτυχέστερον τοῖσ συμβαίνουσι χρησάμενοι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Dionysius of Halicarnassus, Antiquitates Romanae, Books VII-IX, book 7, chapter 19

(디오니시오스, Antiquitates Romanae, Books VII-IX, book 7, chapter 19)

상위

목록

SEARCH

MENU NAVIGATION