헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 7, chapter 16)

ἐδικαίουν δ’ οἱ μὲν ὕπατοι τὴν κρείττονα ἔχοντεσ ἐξουσίαν ἁπάντων ἄρχειν τῶν ἐν τῇ πόλει, οἱ δὲ δήμαρχοι τὴν ἐκκλησίαν ἑαυτῶν εἶναι χωρίον ὥσπερ ἐκείνων τὴν βουλήν, καὶ ὁπόσα ἐπὶ τοῖσ δημόταισ ἦν κρίνειν τε καὶ ψηφίζεσθαι, τούτων αὐτοὶ πᾶν ἔχειν τὸ κρίτοσ. συνηγωνίζετο δὲ τοῖσ μὲν ἡ πληθὺσ ἐπιβοῶσα καὶ ὁμόσε χωρεῖν, εἰ δέοι, τοῖσ κωλύουσι παρεσκευασμένη, τοῖσ δ’ ὑπάτοισ οἱ πατρίκιοι συστρέψαντεσ αὑτούσ. ἐγίνετο δὲ πολὺσ ἀγὼν περὶ τοῦ μὴ εἶξαι ἑκατέροισ, ὡσ ἐν μιᾷ τῇ τότε ἥττῃ παραχωρουμένησ τῆσ εἰσ τὸν λοιπὸν χρόνον ἑκατέρων δικαιώσεωσ.

ἥλιόσ τε περὶ καταφορὰν ἦν ἤδη, καὶ συνέτρεχεν ἐκ τῶν οἰκιῶν τὸ ἄλλο πλῆθοσ εἰσ τὴν ἀγοράν, καὶ ἔμελλον, εἰ νὺξ ἐπιλαμβάνοι τὴν ἔριν, εἰσ πληγάσ τε καὶ λίθων χωρήσειν βολάσ. ἵνα δὴ μὴ τοῦτο γένοιτο, προελθὼν ὁ Βροῦτοσ τοὺσ ὑπάτουσ ἠξίου δοῦναι λόγον αὐτῷ, παύσειν ὑπισχνούμενοσ τὴν στάσιν.

κἀκεῖνοι δόξαντεσ σφίσι παρακεχωρῆσθαι, ὅτι τῶν δημάρχων παρόντων οὐ παρ’ ἐκείνων ὁ δημαγωγὸσ ᾐτήσατο τὴν χάριν, ἐπιτρέπουσιν αὐτῷ λέγειν.

σιωπῆσ δὲ γενομένησ ἄλλο μὲν οὐδὲν ὁ Βροῦτοσ εἶπεν, ἠρώτησε δὲ τοὺσ ὑπάτουσ τοιάνδε τινὰ ἐρώτησιν· ἆρά γ’, ἔφη, μέμνησθ’, ὅτι διαλυομένοισ ἡμῖν τὴν στάσιν τοῦτο συνεχωρήθη τὸ δίκαιον ὑφ’ ὑμῶν, ὅταν οἱ δήμαρχοι συναγάγωσι τὸν δῆμον ὑπὲρ ὁτουδήτινοσ, μὴ παρεῖναι τῇ συνόδῳ τοὺσ πατρικίουσ μηδ’ ἐνοχλεῖν;

μεμνήμεθ’, ἔφησεν ὁ Γεγάνιοσ. καὶ ὁ Βροῦτοσ ὑποφέρει· τί οὖν παθόντεσ ἐμποδὼν ἵστασθ’ ἡμῖν καὶ οὐκ ἐᾶτε τοὺσ δημάρχουσ ἃ βούλονται λέγειν; ἀποκρίνεται πρὸσ ταῦθ’ ὁ Γεγάνιοσ· ὅτι οὐκ αὐτοὶ συνεκάλεσαν τὸν δῆμον εἰσ τὴν ἐκκλησίαν, ἀλλ’ ἡμεῖσ οἱ ὕπατοι. εἰ μὲν οὖν ὑπὸ τούτων ἡ σύνοδοσ ἐγένετο, οὐθὲν ἂν ἠξιοῦμεν οὔτε κωλύειν οὔτε πολυπραγμονεῖν· τούτουσ ἀγορεύειν κωλύομεν, ἀλλ’ ὑπὸ τούτων αὐτοὶ κωλύεσθαι οὐ δικαιοῦμεν.

καὶ ὁ Βροῦτοσ ὑποτυχών·

νικῶμεν, ἔφησεν, ὦ δημόται, καὶ παρακεχώρηται ἡμῖν ὑπὸ τῶν διαφόρων ὅσα ἠξιοῦμεν. νῦν μὲν οὖν ἄπιτε καὶ παύσασθε φιλονεικοῦντεσ· αὔριον δ’ ὑμῖν ὑπισχνοῦμαι φανερὰν ποιήσειν ὅσην ἔχετε ἰσχύν. καὶ ὑμεῖσ γ’, ὦ δήμαρχοι, παραχωρήσατε αὐτοῖσ τῆσ ἀγορᾶσ ἐν τῷ παρόντι· οὐ γὰρ εἰσ τέλοσ παραχωρήσετε· μαθόντεσ δ’ ὅσον ἔχει κράτοσ ὑμῶν ἡ ἀρχή· γνώσεσθε γὰρ οὐκ εἰσ μακράν· ἐγὼ τοῦθ’ ὑμῖν ὑποδέχομαι ποιήσειν φανερόν· μετριωτέραν αὐτῶν ἀποδώσετε τὴν ὑπερηφανίαν. ἐὰν δὲ φενακίζων ὑμᾶσ εὑρεθῶ, χρήσασθ’ ὅ τι βούλεσθέ μοι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 7, chapter 16

(디오니시오스, Antiquitates Romanae, Books VII-IX, book 7, chapter 16)

상위

목록

SEARCH

MENU NAVIGATION