헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 7, chapter 15)

οἱ δ’ ὕπατοι τῇ κατόπιν ἡμέρᾳ συνεκάλουν τὴν βουλὴν περίφοβοι ὄντεσ ἐπὶ τοῖσ καινοτομουμένοισ καὶ τὴν τοῦ Βρούτου δημοκοπίαν εἰσ μέγα τι κακὸν ἀποσκήψειν οἰόμενοι. πολλοὶ μὲν δὴ καὶ παντοδαποὶ ὑπό τ’ αὐτῶν ἐκείνων ἐρρήθησαν ἐν τῷ συνεδρίῳ λόγοι καὶ ὑπὸ τῶν ἄλλων πρεσβυτέρων, τῶν μὲν οἰομένων δεῖν θεραπεύειν τὸν δῆμον ἁπάσῃ εὐπροσηγορίᾳ λόγων καὶ ὑποσχέσει ἔργων καὶ τοὺσ ἡγεμόνασ αὐτοῦ μετριωτέρουσ παρασκευάζειν, τιθέντασ εἰσ μέσον τὰ πράγματα καὶ μετὰ σφῶν ὑπὲρ τοῦ κοινῇ συμφέροντοσ παρακαλοῦντασ σκοπεῖν. συμβουλευόντων πρὸσ ὄχλον αὐθάδη καὶ ἀμαθῆ ἢ θρασεῖάν τε καὶ ἀνύποιστον δημοκόπων ἀνθρώπων μανίαν, ἀλλ’ ἀπολογεῖσθαι μέν, ὡσ οὐδὲν εἰή τῶν γεγονότων παρὰ τῶν πατρικίων αἴτιον, καὶ ὑπισχνεῖσθαι πρόνοιαν ἕξειν τοῦ κακοῦ τὴν δυνατήν, τοῖσ δὲ ταράττουσι τὸν δῆμον ἐπιτιμᾶν καὶ προαγορεύειν, ὡσ εἰ μὴ παύσονται τὴν στάσιν ἀναρριπίζοντεσ ἀξίασ τίσουσι δίκασ.

ταύτησ ἡγεῖτο τῆσ γνώμησ Ἄππιοσ, καὶ ἦν ἡ νικῶσα αὕτη πολλῆσ ἐμπεσούσησ πάνυ τοῖσ συνέδροισ φιλονεικίασ·

ὥστε καὶ τὸν δῆμον ὑπὸ τῆσ βοῆσ αὐτῶν ἐξακουομένησ ἐπὶ πολὺ ταραχθέντα συνδραμεῖν ἐπὶ τὸ βουλευτήριον, καὶ πᾶσαν ὀρθὴν ἐπὶ τῇ προσδοκίᾳ γενέσθαι τὴν πόλιν. μετὰ δὲ τοῦθ’ οἱ μὲν ὕπατοι προελθόντεσ συνεκάλουν τὸν δῆμον εἰσ ἐκκλησίαν·

ἦν δ’ οὐ πολὺ τῆσ ἡμέρασ ἔτι τὸ λειπόμενον· καὶ παρελθόντεσ ἐπειρῶντο τὰ δόξαντα σφίσιν ἐν τῇ βουλῇ λέγειν. ἐνίσταντο δ’ αὐτοῖσ οἱ δήμαρχοι, καὶ οὐκ ἦν ἐν μέρει οὐδ’ ἐν κόσμῳ γινόμενοσ παρ’ ἀμφοῖν ὁ λόγοσ. μὴ ῥᾴδιον εἶναι τοῖσ παροῦσι τὰσ διανοίασ αὐτῶν συνιδεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 7, chapter 15

(디오니시오스, Antiquitates Romanae, Books VII-IX, book 7, chapter 15)

상위

목록

SEARCH

MENU NAVIGATION