헬라어 문장 검색 - Διονψσ́Αντιθυί2́75́

(디오니시오스, Antiquitates Romanae, book 2, chapter 75)

ὁ δὲ Νόμασ εἰσ μὲν εὐτέλειαν καὶ σωφροσύνην διὰ τοιούτων συνέστειλε νόμων τὴν πόλιν, εἰσ δὲ τὴν περὶ τὰ συμβόλαια δικαιοσύνην ὑκηγάγετο πρᾶγμα ἐξευρὼν ἠγνοημένον ὑπὸ πάντων τῶν καταστησαμένων τὰσ ἐλλογίμουσ πολιτείασ. καὶ σπάνιοί τινέσ εἰσιν οἱ περὶ τὰ τοιαῦτα ἀδικοῦντεσ, τὰ δὲ ἀμάρτυρα πολλῷ πλείω τῶν ἑτέρων ὄντα μίαν ἔχει φυλακὴν τὴν τῶν συμβαλόντων πίστιν, περὶ ταύτην ᾤετο δεῖν σπουδάσαι παντὸσ ἄλλου μάλιστα καὶ ποιῆσαι θείων σεβασμῶν ἀξίαν.

δίκην μὲν γὰρ καὶ Θέμιν καὶ Νέμεσιν καὶ τὰσ καλουμένασ παρ’ Ἕλλησιν Ἐρινύασ καὶ ὅσα τούτοισ ὅμοια ὑπὸ τῶν πρότερον ἀποχρώντωσ ἐκτεθειῶσθαί τε καὶ καθωσιῶσθαι ἐνόμισε, Πίστιν δέ, ἧσ οὔτε μεῖζον οὔτε ἱερώτερον πάθοσ ἐν ἀνθρώποισ οὐδέν, οὔπω σεβασμῶν τυγχάνειν οὔτ’ ἐν τοῖσ κοινοῖσ τῶν πόλεων πράγμασιν οὔτ’ ἐν τοῖσ ἰδίοισ.

ταῦτα δὴ διανοηθεὶσ πρῶτοσ ἀνθρώπων ἱερὸν ἱδρύσατο Πίστεωσ δημοσίασ καὶ θυσίασ αὐτῇ κατεστήσατο, καθάπερ καὶ τοῖσ ἄλλοισ θεοῖσ, δημοτελεῖσ.

ἔμελλε δὲ ἄρα σὺν χρόνῳ τὸ κοινὸν τῆσ πόλεωσ ἦθοσ πιστὸν καὶ βέβαιον πρὸσ ἀνθρώπουσ γενόμενον τοιούτουσ ἀπεργάσασθαι καὶ τοὺσ τῶν ἰδιωτῶν τρόπουσ. τε μέγιστον γενέσθαι τὴν ἰδίαν ἑκάστῳ πίστιν καὶ μαρτυρίασ συμπάσησ ἰσχυροτάτην, καὶ ὁπότε ὑπὲρ ἀμαρτύρου συναλλάγματοσ ἀμφίλογόν τι γένοιτο ἑνὶ πρὸσ ἕνα, ἡ διαιροῦσα τὸ νεῖκοσ καὶ προσωτέρω χωρεῖν οὐκ ἐῶσα τὰσ φιλονεικίασ ἡ θατέρου τῶν διαδικαζομένων αὐτῶν πίστισ ἦν, αἵ τε ἀρχαὶ καὶ τὰ δικαστήρια τὰ πλεῖστα τῶν ἀμφισβητημάτων τοῖσ ἐκ τῆσ πίστεωσ ὁρ́κοισ διῄτων.

τοιαῦτα μὲν δὴ σωφροσύνησ τε παρακλητικὰ καὶ δικαιοσύνησ ἀναγκαστήρια ὑπὸ τοῦ Νόμα τότε ἐξευρεθέντα κοσμιωτέραν οἰκίασ τῆσ κράτιστα οἰκουμένησ τὴν Ῥωμαίων πόλιν ἀπειργάσατο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, book 2, chapter 75

(디오니시오스, Antiquitates Romanae, book 2, chapter 75)

상위

목록

SEARCH

MENU NAVIGATION