헬라어 문장 검색 - Διονψσ́Αντιθυί2́50́

(디오니시오스, Antiquitates Romanae, book 2, chapter 50)

οἱ δὲ περὶ τὸν Ῥωμύλον καὶ Τάτιον τήν τε πόλιν εὐθὺσ ἐποίουν μείζονα προσθέντεσ ἑτέρουσ αὐτῇ δύο λόφουσ, τόν τε Κυρίνιον κληθέντα καὶ τὸν Καίλιον, καὶ διελόμενοι τὰσ οἰκήσεισ χωρὶσ ἀλλήλων δίαιταν ἐν τοῖσ ἰδίοισ ἑκάτεροι χωρίοισ ἐποιοῦντο, Ῥωμύλοσ μὲν τὸ Παλάτιον κατέχων καὶ τὸ Καίλιον ὄροσ· ἔστι δὲ τῷ Παλατίῳ προσεχέσ·

Τάτιοσ δὲ τὸν Καπιτωλῖνον, ὅνπερ ἐξ ἀρχῆσ κατέσχε, καὶ τὸν Κυρίνιον ὄχθον. μικρὸν ἐπανεστηκότι τῆσ ἀγορᾶσ.

ἱερά τε ἱδρύσαντο καὶ βωμοὺσ καθιέρωσαν οἷσ ηὔξαντο κατὰ τὰσ μάχασ θεοῖσ, Ῥωμύλοσ μὲν ὀρθωσίῳ Διὶ παρὰ ταῖσ καλουμέναισ Μουγωνίσι πύλαισ, αἳ φέρουσιν εἰσ τὸ Παλάτιον ἐκ τῆσ ἱερᾶσ ὁδοῦ, ὅτι τὴν στρατιὰν αὐτοῦ φυγοῦσαν ἐποίησεν ὁ θεὸσ ὑπακούσασ ταῖσ εὐχαῖσ στῆναί τε καὶ πρὸσ ἀλκὴν τραπέσθαι· Τάτιοσ δὲ Ἡλίῳ τε καὶ Σελήνῃ καὶ Κρόνῳ καὶ Ῥέᾳ, πρὸσ δὲ τούτοισ Ἑστίᾳ καὶ Ἡφαίστῳ καὶ Ἀρτέμιδι καὶ Ἐνυαλίῳ καὶ ἄλλοισ θεοῖσ, ὧν χαλεπὸν ἐξειπεῖν Ἑλλάδι γλώττῃ τὰ ὀνόματα, ἐν ἁπάσαισ τε ταῖσ κουρίαισ Ἥρᾳ τραπέζασ ἔθετο κυριτίδι λεγομένῃ, αἳ καὶ εἰσ τόδε χρόνου κεῖνται.

ἔτη μὲν οὖν πέντε συνεβασίλευσαν ἀλλήλοισ ὑπὲρ οὐδενὸσ διαφερόμενοι χρήματοσ, ἐν οἷσ κοινὴν πρᾶξιν ἀπεδείξαντο τὴν ἐπὶ Καμερίνουσ στρατείαν.

λῃστήρια γὰρ ἐκπέμποντεσ οἱ Καμερῖνοι καὶ πολλὰ τὴν χώραν αὐτῶν κακοῦντεσ οὐ συνέβαινον ἐπὶ δίκην πολλάκισ ὑπ’ αὐτῶν καλούμενοι·

οὓσ ἐκ παρατάξεώσ τε νικήσαντεσ ἑ̓χώρησαν γὰρ αὐτοῖσ ὁμόσἐ καὶ μετὰ ταῦτα ἐκ τειχομαχίασ κατὰ κράτοσ ἑλόντεσ ὅπλα μὲν ἀφείλοντο καὶ χώρασ ἐζημίωσαν τῇ τρίτῃ μερίδι· ἣν τοῖσ σφετέροισ διεῖλον. τῶν δὲ Καμεριναίων τοὺσ ἐποίκουσ λυμαινομένων ἐπεξελθόντεσ καὶ τρεψάμενοι αὐτούσ, τὰ μὲν αὐτῶν ἅπαντα τοῖσ σφετέροισ πολίταισ διεῖλον, αὐτοὺσ δὲ τοὺσ ἀνθρώπουσ ὁπόσοι ἐβούλοντο ἐν Ῥώμῃ κατοικεῖν εἰάσαν. ἐγένοντο δ’ ὡσ τετρακισχίλιοι, οὓσ ταῖσ φράτραισ ἐπεμέρισαν, καὶ τὴν πόλιν αὐτῶν ἀποικίαν Ῥωμαίων ἐποίησαν.

ἦν δὲ Ἀλβανῶν ἀπόκτισισ ἡ Καμερία πολλοῖσ χρόνοισ ἀποσταλεῖσα πρότερον τῆσ Ῥώμησ· τὸ δ’ ἀρχαῖον Ἀβοριγίνων οἴκησισ ἐν τοῖσ πάνυ ἐπιφανήσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, book 2, chapter 50

(디오니시오스, Antiquitates Romanae, book 2, chapter 50)

상위

목록

SEARCH

MENU NAVIGATION