헬라어 문장 검색 - Διοδορ́Λιβραρψ́10́67́

(디오도로스 시켈로스, Library, book xvii, chapter 116)

μετὰ δὲ τὴν ἐκφορὰν εἰσ ἀνέσεισ καὶ πανηγυρικὸν βίον ἐκτραπέντοσ τοῦ βασιλέωσ, δοκοῦντοσ ἰσχύειν τότε πλεῖστον καὶ μάλιστ’ εὐδαιμονεῖν, ἡ πεπρωμένη συνῄρει τὸν ὑπὸ τῆσ φύσεωσ αὐτῷ συγκεχωρημένον τοῦ ζῆν χρόνον. εὐθὺ δὲ καὶ τὸ θεῖον ἐσήμαινε τὴν τελευτὴν αὐτοῦ, πολλῶν καὶ παραδόξων οἰωνῶν καὶ σημείων συντελουμένων. τοῦ γὰρ βασιλέωσ ἀλειφομένου καὶ τῆσ βασιλικῆσ ἐσθῆτοσ καὶ διαδήματοσ ἐπί τινοσ θρόνου τεθέντοσ τῶν ἐγχωρίων τισ δεδεμένοσ ἐλύθη τὰσ πέδασ αὐτομάτωσ καὶ λαθὼν τοὺσ φύλακασ διῆλθε διὰ τῶν τῆσ αὐλῆσ θυρῶν ἀνεπικωλύτωσ.

προσελθὼν δὲ τῷ θρόνῳ καὶ τὴν βασιλικὴν ἐνδυσάμενοσ ἐσθῆτα καὶ τὸ διάδημα περιθέμενοσ ἐκάθισεν ἐπὶ τὸν θρόνον καὶ τὴν ἡσυχίαν ἦγε.

γνωσθείσησ δὲ τῆσ πράξεωσ ὁ βασιλεὺσ καταπλαγεὶσ τὸ παράδοξον προσῆλθε τῷ θρόνῳ καὶ χωρὶσ καταπλήξεωσ ἡσυχῇ τὸν ἄνθρωπον ἀνέκρινε τίσ ὢν καὶ τί βουλόμενοσ τοῦτο ἔπραξε. τοῦ δὲ εἰπόντοσ μηδὲν ἁπλῶσ γινώσκειν τοῖσ μάντεσι προσαναθέμενοσ περὶ τοῦ σημείου τοῦτον μὲν κατὰ τὴν ἐκείνων κρίσιν ἀπέκτεινεν, ὅπωσ τὰ σημαινόμενα δυσχερῆ εἰσ ἐκεῖνον τρέπηται, αὐτὸσ δὲ ἀναλαβὼν τὴν ἐσθῆτα καὶ θεοῖσ ἀποτροπαίοισ θύσασ ἐν ἀγωνίᾳ καθειστήκει καὶ τῆσ τῶν Χαλδαίων προρρήσεωσ ἐμνημόνευσε καὶ τοὺσ μὲν συμπείσαντασ φιλοσόφουσ παρελθεῖν εἰσ τὴν Βαβυλῶνα κατεμέμφετο, τὴν δὲ τέχνην τῶν Χαλδαίων καὶ τὴν τῶν ἀνδρῶν ἀγχίνοιαν ἐθαύμαζε, καθόλου δὲ τοὺσ ταῖσ εὑρησιλογίαισ κατασοφιζομένουσ τὴν δύναμιν τῆσ πεπρωμένησ ἐβλασφήμει.

μετ’ ὀλίγον δὲ ἄλλο σημεῖον αὐτῷ περὶ τῆσ βασιλείασ τὸ δαιμόνιον ἐπέστησε.

βουλομένου γὰρ αὐτοῦ θεάσασθαι τὴν περὶ τὴν Βαβυλῶνα λίμνην καὶ πλέοντοσ μετὰ τῶν φίλων ἔν τισιν ἀκάτοισ ἐφ’ ἡμέρασ μέν τινασ ἀποσχισθείσησ τῆσ νεὼσ ἀπὸ τῶν ἄλλων σκαφῶν ἐπλανήθη μόνοσ, ὥστε καὶ τὴν σωτηρίαν ἀπογνῶναι· ἔπειτα διά τινοσ αὐλῶνοσ στενοῦ καὶ συμπεπυκασμένου δένδρεσι διαπλέοντοσ καὶ τῶν μὲν ὑπερκειμένων, τοῦ δὲ διαδήματοσ ὑπὸ τούτων ἀρθέντοσ καὶ πάλιν εἰσ τὴν λίμνην πεσόντοσ εἷσ τῶν ἐρετῶν προσνηξάμενοσ καὶ βουλόμενοσ ἀσφαλῶσ σῶσαι τὸ διάδημα προσέθετο τῇ κεφαλῇ καὶ προσενήξατο τῷ πλοίῳ.

τρεῖσ δὲ ἡμέρασ καὶ τὰσ ἴσασ νύκτασ διαπλανηθεὶσ διεσώθη καὶ τὸ διάδημα περιθέμενοσ ἀνελπίστωσ πάλιν τοῖσ μάντεσι προσανέφερε περὶ τῶν προσημαινομένων.

τούτων δὲ παρακελευομένων θυσίασ ἐπιτελεῖν τοῖσ θεοῖσ μεγαλοπρεπεῖσ μετὰ πάσησ σπουδῆσ παρεκλήθη πρόσ τινα τῶν φίλων Μήδιον τὸν Θετταλὸν ἐπὶ κῶμον ἐλθεῖν·

κἀκεῖ πολὺν ἄκρατον ἐμφορηθεὶσ ἐπὶ τελευτῆσ Ἡρακλέουσ μέγα ποτήριον πληρώσασ ἐξέπιεν. ἄφνω δὲ ὥσπερ ὑπό τινοσ πληγῆσ ἰσχυρᾶσ πεπληγμένοσ ἀνεστέναξε μέγα βοήσασ καὶ ὑπὸ τῶν φίλων ἀπηλλάττετο χειραγωγούμενοσ.

τοῦ δὲ πάθουσ ἐπιτείνοντοσ καὶ τῶν ἰατρῶν συγκληθέντων βοηθῆσαι μὲν οὐδεὶσ ἐδυνήθη, πολλοῖσ δὲ πόνοισ καὶ δειναῖσ ἀλγηδόσι συσχεθείσ, ἐπειδὴ τὸ ζῆν ἀπέγνω, περιελόμενοσ τὸν δακτύλιον ἔδωκε Περδίκκᾳ.

τῶν δὲ φίλων ἐπερωτώντων, τίνι τὴν βασιλείαν ἀπολείπεισ;

εἶπεν, τῷ κρατίστῳ, καὶ προσεφθέγξατο, ταύτην τελευταίαν φωνὴν προέμενοσ, ὅτι μέγαν ἀγῶνα αὐτῷ ἐπιτάφιον συστήσονται πάντεσ οἱ πρωτεύοντεσ τῶν φίλων. οὗτοσ μὲν οὖν τὸν προειρημένον τρόπον ἐτελεύτησε βασιλεύσασ ἔτη δώδεκα καὶ μῆνασ ἑπτά, πράξεισ δὲ μεγίστασ κατεργασάμενοσ οὐ μόνον τῶν πρὸ αὐτοῦ βασιλευσάντων, ἀλλὰ καὶ τῶν ὕστερον ἐσομένων μέχρι τοῦ καθ’ ἡμᾶσ βίου.

ἐπεὶ δέ τινεσ τῶν συγγραφέων περὶ τῆσ τελευτῆσ τοῦ βασιλέωσ τούτου διαπεφωνήκασιν, ἀποφαινόμενοι διὰ φαρμάκου θανασίμου γεγονέναι τὸν θάνατον, ἀναγκαῖον ἡγούμεθα δεῖν μὴ παραλιπεῖν αὐτῶν τοὺσ λόγουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvii, chapter 116

(디오도로스 시켈로스, Library, book xvii, chapter 116)

상위

목록

SEARCH

MENU NAVIGATION