헬라어 문장 검색 - Διοδορ́Λιβραρψ́10́65́

(디오도로스 시켈로스, Library, book xvii, chapter 113)

ἐπ’ ἄρχοντοσ δ’ Ἀθήνησιν Ἀγησίου Ῥωμαῖοι κατέστησαν ὑπάτουσ Γάιον Πόπλιον καὶ Παπίριον, Ὀλυμπιὰσ δ’ ἤχθη τετάρτη πρὸσ ταῖσ ἑκατὸν καὶ δέκα, καθ’ ἣν ἐνίκα στάδιον Μικίνασ Ῥόδιοσ. κατὰ δὲ τοῦτον τὸν χρόνον ἐξ ἁπάσησ σχεδὸν τῆσ οἰκουμένησ ἧκον πρέσβεισ, οἱ μὲν συγχαίροντεσ ἐπὶ τοῖσ κατορθώμασιν, οἱ δὲ στεφανοῦντεσ, ἄλλοι δὲ φιλίασ καὶ συμμαχίασ τιθέμενοι, πολλοὶ δὲ δωρεὰσ μεγαλοπρεπεῖσ κομίζοντεσ, τινὲσ δὲ ὑπὲρ τῶν ἐγκαλουμένων ἀπολογούμενοι. χωρὶσ γὰρ τῶν ἀπὸ τῆσ Ἀσίασ ἐθνῶν καὶ πόλεων, ἔτι δὲ δυναστῶν πολλοὶ καὶ τῶν ἐκ τῆσ Εὐρώπησ καὶ Λιβύησ κατήντησαν, ἐκ μὲν Λιβύησ Καρχηδόνιοι καὶ Λιβυφοίνικεσ καὶ πάντεσ οἱ τὴν παράλιον οἰκοῦντεσ μέχρι τῶν Ἡρακλείων στηλῶν, ἐκ δὲ τῆσ Εὐρώπησ αἵ τε τῶν Ἑλλήνων πόλεισ ἐξέπεμψαν καὶ Μακεδόνεσ, ἔτι δὲ Ἰλλυριοὶ καὶ τῶν περὶ τὸν Ἀδρίαν οἰκούντων οἱ πλείουσ, τά τε Θρᾴκια γένη καὶ τῶν πλησιοχώρων Γαλατῶν, ὧν τότε πρῶτον τὸ γένοσ ἐγνώσθη παρὰ τοῖσ Ἕλλησιν.

ὁ δὲ Ἀλέξανδροσ ἀπογραφὴν λαβὼν τῶν πρέσβεων διέταξε τοῖσ μὲν πρώτοισ διδόναι τὰσ ἀποκρίσεισ καὶ τοῖσ ἑξῆσ ἅπασι.

καὶ πρώτοισ μὲν ἐχρημάτισε τοῖσ ὑπὲρ τῶν ἱερῶν παραγεγενημένοισ, δευτέροισ δὲ τοῖσ περὶ τῶν δωρεῶν ἥκουσιν, ἑξῆσ δὲ τοῖσ ἀμφισβητήσεισ ἔχουσι πρὸσ τοὺσ ὁμόρουσ, τετάρτοισ δὲ τοῖσ περὶ τῶν ἰδιωτικῶν ἥκουσι, πέμπτοισ δὲ τοῖσ ἀντιλέγουσι περὶ τῆσ καθόδου τῶν φυγάδων. τοῖσ μὲν οὖν Ἠλείοισ πρώτοισ ἐχρημάτισεν, εἶτα Ἀμμωνιεῦσι καὶ Δελφοῖσ καὶ Κορινθίοισ, ἔτι δὲ Ἐπιδαυρίοισ καὶ τοῖσ ἄλλοισ, κατὰ τὴν δόξαν τῶν ἱερῶν προκρίνων τὰσ ἐντεύξεισ.

πάσαισ δὲ ταῖσ πρεσβείαισ φιλοτιμηθεὶσ κεχαρισμένασ δοῦναι τὰσ ἀποκρίσεισ εὐαρεστουμένασ ἀπέλυσε κατὰ τὸ δυνατόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvii, chapter 113

(디오도로스 시켈로스, Library, book xvii, chapter 113)

상위

목록

SEARCH

MENU NAVIGATION