헬라어 문장 검색 - Διοδορ́Λιβραρψ́10́63́

(디오도로스 시켈로스, Library, book xvii, chapter 110)

ἐπ’ ἄρχοντοσ δ’ Ἀθήνησιν Ἀντικλέουσ Ῥωμαῖοι κατέστησαν ὑπάτουσ Λεύκιον Κορνήλιον καὶ Κόιντον Ποπίλλιον. ἐπὶ δὲ τούτων Ἀλέξανδροσ εἰσ τὸν τῶν ἀπολελυμένων ἀριθμὸν ἀνεπλήρωσεν ἐκ τῶν Περσῶν καὶ χιλίουσ αὐτῶν εἰσ τοὺσ περὶ τὴν αὐλὴν ἔταξεν ὑπασπιστὰσ καὶ τὸ σύνολον οὐχ ἥττουσ εἰσ πίστιν τῶν Μακεδόνων ὑπέλαβεν. ἧκεν δὲ κατὰ τοῦτον τὸν καιρὸν καὶ Πευκέστησ ἄγων Πέρσασ τοξότασ καὶ σφενδονήτασ δισμυρίουσ·

καταμίξασ δὲ τούτουσ τοῖσ προϋπάρχουσι στρατιώταισ τῇ καινότητι τῆσ καινοτομίασ κατεσκεύασε τὴν ὅλην δύναμιν κεκραμένην καὶ ἁρμόζουσαν τῇ ἰδίᾳ προαιρέσει. τῶν δὲ Μακεδόνων ἐκ τῶν αἰχμαλωτίδων γεγεννηκότων υἱοὺσ τὸν ἀριθμὸν τῶν παίδων ἀκριβῶσ ἐσκέψατο, ὄντων δ’ αὐτῶν σχεδὸν μυρίων ἅπασι τὰσ ἁρμοζούσασ πρὸσ τροφὴν ἐλευθέριον συντάξεισ ἀπομερίσασ τούτοισ μὲν παιδευτὰσ ἐπέστησε τοὺσ διδάξοντασ τὴν ἁρμόζουσαν παιδείαν, αὐτὸσ δὲ ἀναλαβὼν τὴν δύναμιν προῆγεν ἐκ τῶν Σούσων καὶ διαβὰσ τὸν Τίγριν ἐν ταῖσ Κάραισ καλουμέναισ κώμαισ κατεστρατοπέδευσεν.

ἑξῆσ δ’ ἐν ἡμέραισ τέτταρσι τὴν Σιττακινὴν διανύσασ ἧκεν εἰσ τὰ καλούμενα Σάμβανα.

ἐνταῦθα δὲ μείνασ ἡμέρασ ἑπτὰ καὶ προσαναλαβὼν τὴν δύναμιν τριταῖοσ εἰσ τοὺσ Κέλωνασ προσαγορευομένουσ ἧκεν, ἐν ᾧ μέχρι νῦν διαμένει γένοσ Βοιώτιον, κατὰ μὲν τὴν Ξέρξου στρατείαν ἀνάστατον γεγονόσ, μεμνημένον δ’ ἔτι τῶν πατρίων νόμων· ὄντεσ γὰρ οὗτοι δίφωνοι τῇ μὲν ἑτέρᾳ διαλέκτῳ ἐξωμοιώθησαν τοῖσ ἐγχωρίοισ, τῇ δ’ ἑτέρᾳ πλείστασ τῶν Ἑλληνικῶν λέξεων διετήρουν καὶ τῶν ἐπιτηδευμάτων ἔνια διεφύλαττον.

τέλοσ δὲ προσμείνασ ἡμέρασ ἀνέζευξε καὶ παρεγκλίνασ τὴν ὑποκειμένην ὁδὸν θέασ ἕνεκεν ἦλθεν εἰσ τὴν ὀνομαζομένην Βαγιστάνην, θεοπρεπεστάτην τε χώραν οὖσαν καὶ πλήρη καρπίμων δένδρων καὶ τῶν ἄλλων ἁπάντων τῶν πρὸσ ἀπόλαυσιν ἀνηκόντων. μετὰ δὲ ταῦτα παρελθὼν εἴσ τινα χώραν δυναμένην ἐκτρέφειν ἀγέλασ παμπληθεῖσ ἵππων, ἐν ᾗ τὸ παλαιὸν ἔφασαν ἑκκαίδεκα μυριάδασ ἵππων γεγονέναι φορβάδων, κατὰ δὲ τὴν Ἀλεξάνδρου παρουσίαν ἓξ μόναι μυριάδεσ ἠριθμήθησαν, ἐνταῦθα διαμείνασ ἡμέρασ τριάκοντα ἑβδομαῖοσ διήνυσεν εἰσ Ἐκβάτανα τῆσ Μηδείασ.

ταύτησ δέ φασι διακοσίων μὲν καὶ πεντήκοντα σταδίων τὴν περίμετρον ὑπάρχειν, βασίλεια δ’ ἔχειν τῆσ ὅλησ Μηδείασ καὶ θησαυροὺσ πολλῶν χρημάτων.

ἔνθα δὴ χρόνον τινὰ τὴν δύναμιν ἀναλαβὼν ἀγῶνάσ τε θυμελικοὺσ ἐποίει καὶ πότουσ συνεχεῖσ τῶν φίλων, ἐν οἷσ Ἡφαιστίων ἀκαίροισ μέθαισ χρησάμενοσ καὶ περιπεσὼν ἀρρωστίᾳ τὸν βίον ἐξέλιπεν· ὁ δὲ βασιλεὺσ χαλεπῶσ ἐνέγκασ τὸ συμβὰν τὸ σῶμα τοῦ τετελευτηκότοσ Περδίκκᾳ παρέδωκεν εἰσ Βαβυλῶνα κομίσαι, βουλόμενοσ ἐπιφανεστάτην αὐτοῦ ποιήσασθαι τὴν ταφήν.

ἅμα δὲ τούτοισ πραττομένοισ κατὰ τὴν Ἑλλάδα ταραχαὶ συνίσταντο καὶ πραγμάτων καινῶν κινήσεισ, ἐξ ὧν ὁ Λαμιακὸσ πόλεμοσ κληθεὶσ ἔλαβε τὴν ἀρχήν, ἐκ τοιαύτησ τινὸσ αἰτίασ.

τοῦ βασιλέωσ προστάξαντοσ τοῖσ σατράπαισ ἅπασιν ἀπομίσθουσ ποιῆσαι τοὺσ μισθοφόρουσ καὶ τούτων τὸ πρόσταγμα συντελεσάντων πολλοὶ τῆσ στρατείασ ἀπολελυμένοι ξένοι διέτρεχον καθ’ ὅλην τὴν Ἀσίαν πλανώμενοι καὶ τὰσ ἀναγκαίασ τροφὰσ ἐκ τῶν προνομῶν ποριζόμενοι. μετὰ δὲ ταῦτα πανταχόθεν διῆραν ἐπὶ Ταίναρον τῆσ Λακωνικῆσ. ὁμοίωσ δὲ καὶ τῶν Περσικῶν σατραπῶν καὶ τῶν ἄλλων ἡγεμόνων οἱ περιλειφθέντεσ χρήματά τε καὶ στρατιώτασ ἀθροίζοντεσ ἔπλεον ἐπὶ Ταίναρον καὶ κοινὴν δύναμιν ἤθροιζον.

τὸ δὲ τελευταῖον Λεωσθένην τὸν Ἀθηναῖον, ἄνδρα ψυχῆσ λαμπρότητι διάφορον καὶ μάλιστ’ ἀντικείμενον τοῖσ Ἀλεξάνδρου πράγμασιν, εἵλοντο στρατηγὸν αὐτοκράτορα.

οὗτοσ δὲ τῇ βουλῇ διαλεχθεὶσ ἐν ἀπορρήτοισ πεντήκοντα μὲν ἔλαβε τάλαντα πρὸσ τὴν μισθοδοσίαν, ὅπλων δὲ πλῆθοσ ἱκανὸν εἰσ τὰσ κατεπειγούσασ χρείασ, πρὸσ δὲ Αἰτωλοὺσ ἀλλοτρίωσ ἔχοντασ πρὸσ τὸν βασιλέα περὶ συμμαχίασ διεπρεσβεύσατο καὶ πάντα τὰ πρὸσ τὸν πόλεμον παρεσκευάζετο. Λεωσθένησ μὲν οὖν προορώμενοσ τὸ μέγεθοσ τοῦ πολέμου περὶ ταῦτα διέτριβεν.

ὁ δ’ Ἀλέξανδροσ τῶν Κοσσαίων ἀπειθούντων ἐστράτευσεν ἐπ’ αὐτοὺσ εὐζώνῳ τῇ δυνάμει. τοῦτο δὲ τὸ ἔθνοσ ἀλκῇ διαφέρον κατοικεῖ μὲν τῆσ Μηδείασ τὴν ὀρεινήν, πεποιθὸσ δὲ τῇ τῶν τόπων δυσχωρίᾳ καὶ ταῖσ κατὰ πόλεμον ἀρεταῖσ οὐδέποτε δεσπότην ἔπηλυν προσεδέδεκτο, ἀλλὰ καὶ κατὰ τὴν Περσῶν βασιλείαν διέμεινεν ἀνάλωτον καὶ τότε πεφρονηματισμένον οὐ κατεπλάγη τὴν τῶν Μακεδόνων ἀρετήν. ὁ δὲ βασιλεὺσ προκαταλαβόμενοσ τὰσ παρόδουσ καὶ τῆσ Κοσσαίασ τὴν πλείστην πορθήσασ καὶ κατὰ πάσασ τὰσ συμπλοκὰσ προτερῶν πολλοὺσ μὲν ἀπέκτεινε τῶν βαρβάρων, πολλαπλασίουσ δ’ ἐζώγρησεν.

οἱ δὲ Κασσαῖοι πάντῃ νικώμενοι καὶ διὰ τὸ πλῆθοσ τῶν ἑαλωκότων χαλεπῶσ φέροντεσ ἠναγκάσθησαν τῆσ τῶν αἰχμαλώτων σωτηρίασ τὴν δουλείαν ἀλλάξασθαι. διὸ καὶ τὰ καθ’ αὑτοὺσ ἐπιτρέψαντεσ ἐτύγχανον εἰρήνησ σὺν τῷ ποιεῖν τὸ προσταττόμενον τῷ βασιλεῖ.

ὁ δὲ Ἀλέξανδροσ ἐν ἡμέραισ ταῖσ πάσαισ τεσσαράκοντα καταπολεμήσασ τὸ ἔθνοσ καὶ πόλεισ ἀξιολόγουσ ἐν ταῖσ δυσχωρίαισ κτίσασ ἀνελάμβανε τὴν δύναμιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvii, chapter 110

(디오도로스 시켈로스, Library, book xvii, chapter 110)

상위

목록

SEARCH

MENU NAVIGATION