헬라어 문장 검색 - Διοδορ́Λιβραρψ́10́59́

(디오도로스 시켈로스, Library, book xvii, chapter 106)

μόγισ δὲ περάσασ τὴν ἔρημον ἧκεν εἰσ χώραν οἰκουμένην καὶ πάντων τῶν χρησίμων εὐποροῦσαν. ἐν ταύτῃ δὲ προσαναλαβὼν τὴν δύναμιν ἐφ’ ἑπτὰ μὲν ἡμέρασ προῄει κεκοσμημένῃ τῇ δυνάμει πανηγυρικῶσ καὶ Διονύσῳ κῶμον ἤγαγεν ἑορτάζων καὶ μέθῃ καὶ πότοισ χρώμενοσ κατὰ τὴν ὁδοιπορίαν. ἀπὸ τούτων δὲ γενόμενοσ, ἀκούσασ ὅτι πολλοὶ τῶν βιαίωσ καὶ ὑβριστικῶσ κεχρημένων ταῖσ ἐξουσίαισ παρανενομήκασι, πολλοὺσ τῶν τε σατραπῶν καὶ στρατηγῶν τιμωρίασ ἠξίωσεν.

τῆσ δ’ εἰσ τοὺσ παρανενομηκότασ ἡγεμόνασ μισοπονηρίασ διαβοηθείσησ πολλοὶ τῶν στρατηγῶν συνειδότεσ ἑαυτοῖσ ὕβρεισ καὶ παρανομίασ εἰσ φόβον ἐνέπιπτον καὶ τινὲσ μὲν μισθοφόρουσ ἔχοντεσ ἀφίσταντο τοῦ βασιλέωσ, τινὲσ δὲ χρήματα συσκευασάμενοι δρασμοὺσ ἐποιοῦντο. ταῦτα δὲ πυνθανόμενοσ ὁ βασιλεὺσ πρὸσ πάντασ τοὺσ κατὰ τὴν Ἀσίαν στρατηγοὺσ καὶ σατράπασ ἔγραψεν, ἐπειδὰν ἀναγνῶσι τὴν ἐπιστολήν, παραχρῆμα πάντασ τοὺσ μισθοφόρουσ ἀπολῦσαι.

κατὰ δὲ τοῦτον τὸν καιρὸν τοῦ βασιλέωσ διατρίβοντοσ ἔν τινι παραθαλαττίῳ πόλει ὀνομαζομένῃ Σαλμοῦντι καὶ σκηνικοὺσ ἀγῶνασ ἐν τῷ θεάτρῳ ποιοῦντοσ κατέπλευσαν οἱ δι’ Ὠκεανοῦ πλεῖν τὴν παραθαλάττιον ἀπεσταλμένοι καὶ παραχρῆμα εἰσ τὸ θέατρον παρελθόντεσ τόν τε Ἀλέξανδρον ἠσπάσαντο καὶ περὶ τῶν πεπραγμένων ἀπήγγειλαν.

οἱ δὲ Μακεδόνεσ ἡσθέντεσ τῇ παρουσίᾳ τῶν ἀνδρῶν κρότῳ μεγάλῳ τὸ γεγονὸσ ἐπεσημήναντο καὶ πᾶν τὸ θέατρον μεστὸν ἦν χαρᾶσ ἀνυπερβλήτου.

οἱ δὲ καταπεπλευκότεσ ἀπήγγελλον ἀμπώτεισ τε καὶ πλήμασ παραδόξουσ γίνεσθαι κατὰ τὸν Ὠκεανὸν καὶ κατὰ μὲν τὰσ ἀμπώτεισ νήσουσ τε ὁρᾶσθαι πολλὰσ καὶ μεγάλασ ἐπ’ ἄκρασ τῆσ παραθαλαττίου χώρασ, κατὰ δὲ τὰσ πλήμασ ἅπαντασ τοὺσ προειρημένουσ τόπουσ κατακλύζεσθαι, πολλοῦ καὶ βιαίου ῥεύματοσ φερομένου πρὸσ τὴν χέρσον, τῆσ δ’ ἐπιφανείασ ἀφρῷ πολλῷ λευκαινομένησ.

τὸ δὲ παραδοξότατον, κήτεσι πολλοῖσ καὶ τὸ μέγεθοσ ἀπίστοισ συγκεκυρηκέναι· ταῦτα δὲ φοβηθέντασ αὐτοὺσ τὸ μὲν πρῶτον ἀπελπίσαι τὸ ζῆν ὡσ αὐτίκα μάλα μετὰ τῶν σκαφῶν διαφθαρησομένουσ, μετὰ δὲ ταῦτα ἐξ ἁπάντων μιᾶσ φωνῆσ γινομένησ καὶ διὰ τῶν ὅπλων πολλοῦ συντελουμένου ψόφου, πρὸσ δὲ τούτοισ τῶν σαλπίγγων ἐνιεμένων τῷ παραδόξῳ πτοηθῆναι τὰ θηρία καὶ δῦναι πρὸσ βυθόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvii, chapter 106

(디오도로스 시켈로스, Library, book xvii, chapter 106)

상위

목록

SEARCH

MENU NAVIGATION