헬라어 문장 검색 - Διοδορ́Λιβραρψ́10́57́

(디오도로스 시켈로스, Library, book xvii, chapter 103)

τῆσ δ’ ἐσχάτησ τῶν Βραχμάνων πόλεωσ, ἣν ὀνομάζουσιν Ἁρματήλια, πεφρονηματισμένησ ἐπ’ ἀνδρείᾳ καὶ δυσχωρίαισ ἀπέστειλεν ὀλίγουσ τῶν ψιλῶν, προστάξασ ἐξάπτεσθαι τῶν πολεμίων καὶ ἐὰν ἐπεξίωσιν ὑποφεύγειν. οὗτοι μὲν οὖν ὄντεσ πεντακόσιοι καὶ προσμαχόμενοι τοῖσ τείχεσι κατεφρονήθησαν.

ἐπεξελθόντων δ’ ἐκ τῆσ πόλεωσ στρατιωτῶν τρισχιλίων προσποιηθέντεσ καταπεπλῆχθαι πρὸσ φυγὴν ὡρ́μησαν. ὁ δὲ βασιλεὺσ μετ’ ὀλίγον ὑποστὰσ τοὺσ διώκοντασ τῶν βαρβάρων καὶ μάχην καρτερὰν συστησάμενοσ οὓσ μὲν ἀπέκτεινε τῶν βαρβάρων, οὓσ δ’ ἐζώγρησε.

τῶν δὲ μετὰ τοῦ βασιλέωσ οὐκ ὀλίγοι τρωθέντεσ εἰσ τοὺσ ἐσχάτουσ ἦλθον κινδύνουσ· ὁ γὰρ τῶν βαρβάρων σίδηροσ κεχρισμένοσ ἦν φαρμάκου θανασίμου δυνάμει, ᾗ πεποιθότεσ κατέβησαν εἰσ τὴν διὰ τῆσ μάχησ κρίσιν.

κατεσκεύαστο δὲ ἡ τοῦ φαρμάκου δύναμισ ἔκ τινων ὄφεων θηρευομένων καὶ τούτων εἰσ τὸν ἥλιον νεκρῶν τιθεμένων. τῆσ δ’ ἐκ τοῦ καύματοσ θερμασίασ τηκούσησ τὴν τῆσ σαρκὸσ φύσιν ἱδρῶτασ ἐκπίπτειν συνέβαινε καὶ διὰ τῆσ νοτίδοσ συνεκκρίνεσθαι τὸν τῶν θηρίων ἰόν.

διὸ καὶ τοῦ τρωθέντοσ εὐθὺσ ἐνάρκα τὸ σῶμα καὶ μετ’ ὀλίγον ὀξεῖαι συνηκολούθουν ὀδύναι καὶ σπασμὸσ καὶ τρόμοσ τὸν ὅλον ὄγκον κατεῖχεν, ὅ τε χρὼσ ψυχρὸσ καὶ πελιδνὸσ ἐγίνετο καὶ διὰ τῶν ἐμέτων ἐξέπιπτεν χολή, πρὸσ δὲ τούτοισ ἀπὸ τοῦ τραύματοσ μέλασ ἀφρὸσ ἀπέρρει καὶ σηπεδὼν ἐγεννᾶτο. αὕτη δὲ νεμομένη ταχέωσ ἐπέτρεχε τοῖσ καιρίοισ τόποισ τοῦ σώματοσ καὶ δεινοὺσ θανάτουσ ἀπειργάζετο. διὸ συνέβαινε τὰ ἴσα τοῖσ μεγάλα τραύματ’ εἰληφόσι καὶ τοῖσ μικρὰν καὶ τὴν τυχοῦσαν ἀμυχὴν ἀναδεξαμένοισ.

τοιαύτῃ δ’ ἀπωλείᾳ τῶν τρωθέντων ἀπολλυμένων ἐπὶ μὲν τοῖσ ἄλλοισ οὐχ οὕτωσ ὁ βασιλεὺσ ἐλυπήθη, ἐπὶ δὲ Πτολεμαίῳ τῷ ὕστερον μὲν βασιλεύσαντι, τότε δὲ ἀγαπωμένῳ μεγάλωσ ἠχθέσθη. ἴδιον γάρ τι καὶ παράδοξον συνέβη γενέσθαι περὶ τὸν Πτολεμαῖον, ὅ τινεσ εἰσ θεῶν πρόνοιαν ἀνέπεμπον.

ἀγαπώμενοσ γὰρ ὑφ’ ἁπάντων διά τε τὴν ἀρετὴν καὶ ὑπερβολὴν τῆσ εἰσ πάντασ εὐεργεσίασ, οἰκείασ τοῦ φιλανθρώπου βοηθείασ ἔτυχεν. ὁ γὰρ βασιλεὺσ εἶδεν ὄψιν κατὰ τὸν ὕπνον, καθ’ ἣν ἔδοξεν ὁρᾶν δράκοντα βοτάνην ἐν τῷ στόματι κρατεῖν καὶ δεῖξαι ταύτησ τὴν φύσιν καὶ τὴν δύναμιν καὶ τὸν τόπον ἐν ᾧ φύεται. ἐγερθεὶσ οὖν ὁ Ἀλέξανδροσ καὶ τὴν βοτάνην ἀναζητήσασ καὶ τρίψασ τό τε σῶμα τοῦ Πτολεμαίου κατέπλασε καὶ πιεῖν δοὺσ ὑγιῆ κατέστησε.

γνωσθείσησ δὲ τῆσ εὐχρηστίασ καὶ οἱ λοιποὶ τυχόντεσ τῆσ ὁμοίασ θεραπείασ διεσώθησαν. τὴν δὲ πόλιν τῶν Ἁρματηλίων, οὖσαν ὀχυρὰν καὶ μεγάλην, ἐπεβάλετο μὲν πολιορκεῖν, τῶν δ’ ἐγχωρίων ἀπαντησάντων μεθ’ ἱκετηριῶν καὶ παραδόντων ἑαυτοὺσ ἀπέλυσεν αὐτοὺσ τῆσ τιμωρίασ. αὐτὸσ δὲ καταπλεύσασ εἰσ τὸν Ὠκεανὸν μετὰ τῶν φίλων καὶ δύο νήσουσ ἐνταῦθα κατιδὼν ἔθυσεν ἐν αὐταῖσ τοῖσ θεοῖσ μεγαλοπρεπῶσ καὶ πολλὰ μὲν ἐκπώματα καὶ μεγάλα χρυσᾶ κατεπόντισε ταῖσ σπονδαῖσ συναφιείσ, βωμοὺσ δὲ Τηθύοσ καὶ Ὠκεανοῦ κατασκευάσασ ὑπέλαβεν τετελευτηκέναι τὴν προκεχειρισμένην στρατείαν.

ἀναζεύξασ δ’ ἐντεῦθεν εἰσ τοὐπίσω διὰ τοῦ ποταμοῦ παρέπλευσεν εἰσ Πάταλα, πόλιν ἐπίσημον. αὕτη δὲ τὴν πολιτείαν εἶχε διατεταγμένην ὁμοίωσ τῇ Σπάρτῃ·

ἀπὸ δύο γὰρ οἴκων ἐν αὐτῇ διεδέχοντο δύο βασιλεῖσ, αἰεὶ τῶν κατὰ πόλεμον ἡγούμενοι πραττομένων, τὸ δὲ τῶν γερόντων ἀρχεῖον τῶν ὅλων προειστήκει. ὁ δ’ οὖν Ἀλέξανδροσ τὰ πεπονηκότα τῶν σκαφῶν ἐνέπρησε, τὸν δὲ λοιπὸν στόλον παραδοὺσ Νεάρχῳ καί τισιν ἄλλοισ τῶν φίλων προσέταξε τὴν παραλίαν πᾶσαν παραπλεῦσαι δι’ Ὠκεανοῦ καὶ πάντα κατασκεψαμένουσ ἀπαντᾶν ἐπὶ τὰσ ἐκβολὰσ τοῦ Εὐφράτου ποταμοῦ.

αὐτὸσ δὲ ἀναλαβὼν τὴν δύναμιν ἐπῆλθε πολλὴν χώραν καὶ τοὺσ μὲν ἐναντιουμένουσ κατεπολέμησε, τοὺσ δὲ πειθαρχοῦντασ φιλανθρώπωσ προσεδέχετο.

τοὺσ μὲν γὰρ Ἀβρίτασ ὀνομαζομένουσ καὶ τοὺσ τὴν Κεδρωσίαν οἰκοῦντασ χωρὶσ κινδύνων προσηγάγετο, μετὰ δὲ ταῦτα πολλὴν μὲν ἄνυδρον, οὐκ ὀλίγην δὲ ἔρημον διελθὼν ἐπὶ τὰ Ὠρείτιδοσ ὁρ́ια κατήντησεν. εἰσ τρία δὲ μέρη τὴν δύναμιν διελόμενοσ τοῦ μὲν πρώτου μέρουσ ἀπέδειξεν ἡγεμόνα Πτολεμαῖον, τοῦ δὲ δευτέρου Λεοννάτον, καὶ τὴν μὲν παραθαλαττίαν λεηλατεῖν προσέταξε Πτολεμαῖον, τὴν μεσόγειον δὲ κατασῦραι Λεοννάτον,τὴν δ’ ὑπώρειαν καὶ τὴν ὀρεινὴν αὐτὸσ ἐπόρθησεν.

ἅμα δ’ ὑφ’ ἕνα καὶ τὸν αὐτὸν καιρὸν πολλῆσ χώρασ δῃουμένησ ἔγεμε πᾶσ τόποσ πυρὸσ καὶ διαρπαγῆσ καὶ πολλῶν φόνων.

διόπερ ταχέωσ οἱ μὲν στρατιῶται πολλῆσ λείασ ἐκυρίευσαν, τῶν δ’ ἀναιρεθέντων σωμάτων ἀριθμὸσ ἐγένετο πολλῶν μυριάδων.

τῇ δὲ τῶν ἐθνῶν τούτων ἀπωλείᾳ πάντεσ οἱ πλησιόχωροι περίφοβοι γενόμενοι προσεχώρησαν τῷ βασιλεῖ. ὁ δ’ Ἀλέξανδροσ παρὰ θάλατταν ἐφιλοτιμήθη κτίσαι πόλιν καὶ λιμένα μὲν εὑρὼν ἄκλυστον, πλησίον δ’ αὐτοῦ τόπον εὔθετον ἔκτισεν ἐν αὐτῷ πόλιν Ἀλεξάνδρειαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvii, chapter 103

(디오도로스 시켈로스, Library, book xvii, chapter 103)

상위

목록

SEARCH

MENU NAVIGATION