헬라어 문장 검색 - Διοδορ́Λιβραρψ́10́56́

(디오도로스 시켈로스, Library, book xvii, chapter 100)

ὁ δὲ Ἀλέξανδροσ διασωθεὶσ ἐκ τοῦ τραύματοσ καὶ θύσασ τοῖσ θεοῖσ σωτήρια μεγάλασ ἑστιάσεισ τῶν φίλων ἐποιεῖτο. παρὰ δὲ τὸν πότον ἴδιόν τι συνέβη γενέσθαι καὶ μνήμησ ἄξιον. ἐν γὰρ τοῖσ ἑταίροισ παραληφθείσ τισ Μακεδών, ὄνομα Κόραγοσ, ῥώμῃ σώματοσ διαφέρων καὶ πολλάκισ ἐν ταῖσ μάχαισ ἠνδραγαθηκώσ, παροξυνθεὶσ ὑπὸ τῆσ μέθησ προεκαλέσατο μονομαχῆσαι Διώξιππον τὸν Ἀθηναῖον, ἀθλητὴν ἄνδρα καὶ ταῖσ ἐπιφανεστάταισ νίκαισ ἐστεφανωμένον.

τῶν δὲ παρακεκλημένων ἐπὶ τὸν πότον, ὡσ εἰκόσ, συνεπιλαβομένων τῆσ φιλοτιμίασ καὶ τοῦ μὲν Διωξίππου συγκαταθεμένου, τοῦ δὲ βασιλέωσ ἡμέραν τῆσ μάχησ τάξαντοσ, ὡσ ὁ τῆσ μονομαχίασ χρόνοσ ἧκεν, πολλαὶ μυριάδεσ ἀνδρῶν συνήχθησαν ἐπὶ τὴν θέαν.

καὶ τῶν μὲν Μακεδόνων ὁμοεθνῶν ὄντων τῷ Κοράγῳ καὶ τοῦ βασιλέωσ συμφιλοτιμουμένου, τῶν δὲ Ἑλλήνων τῷ Διωξίππῳ συναγωνιώντων προῆλθεν εἰσ τὸν ἀγῶνα ὁ μὲν Μακεδὼν πολυτελέσιν ὅπλοισ κεκοσμημένοσ, ὁ δ’ Ἀθηναῖοσ γυμνὸσ ὑπαληλιμμένοσ, ἔχων ῥόπαλον σύμμετρον.

ἀμφοτέρων δὲ τῇ τε τοῦ σώματοσ ῥώμῃ καὶ τῇ τῆσ ἀλκῆσ ὑπεροχῇ θαυμαζομένων οἱονεί τισ θεομαχία μέλλουσα γίνεσθαι προσεδοκήθη·

ὁ μὲν γὰρ Μακεδὼν διά τε τὴν φύσιν τοῦ σώματοσ καὶ τὴν λαμπρότητα τῶν ὅπλων μεγάλην ἐπιφέρων κατάπληξιν Ἄρει παρεμφερὴσ ὑπελαμβάνετο, ὁ δὲ Διώξιπποσ ὑπερέχων τε τῇ ῥώμῃ καὶ διὰ τὴν ἐκ τῆσ ἀθλήσεωσ μελέτην, ἔτι δὲ διὰ τὴν περὶ τὸ ῥόπαλον ἰδιότητα τὴν πρόσοψιν Ἡρακλεωτικὴν εἶχεν. ὡσ δ’ ἐπῆγον ἀλλήλοισ, ὁ μὲν Μακεδὼν ἐκ συμμέτρου διαστήματοσ λόγχην ἠκόντισεν, ὁ δ’ ἕτεροσ βραχὺ παρεγκλίνασ τὴν ἐπιφερομένην πληγὴν ἐξένευσεν.

εἶθ’ ὁ μὲν τὴν Μακεδονικὴν σάρισαν προβεβλημένοσ ἐπεπορεύετο, ὁ δ’ ἐγγίσαντοσ αὐτοῦ τῷ ῥοπάλῳ πατάξασ τὴν σάρισαν ἀπέθραυσεν. ὁ δὲ δυσὶν ἐλαττώμασι περιπεσὼν ἐπὶ τὴν ἀπὸ τοῦ ξίφουσ μάχην κατήντησεν.

μέλλοντοσ δ’ αὐτοῦ σπᾶσθαι τὴν μάχαιραν ἔφθασε προπηδήσασ καὶ τῇ μὲν εὐωνύμῳ κατέλαβε τὴν ἕλκουσαν τὸ ξίφοσ χεῖρα, τῇ δ’ ἄλλῃ κινήσασ ἐκ τῆσ βάσεωσ τὸν ἀντίπαλον ὑπέσυρε τὰ σκέλη. ῥιφέντοσ δ’ ἐπὶ γῆν ἐπιβὰσ ἐπὶ τὸν τράχηλον τῷ ποδὶ καὶ τὸ ῥόπαλον ἀνατεινάμενοσ ἀνέβλεψεν πρὸσ τοὺσ θεωμένουσ.

ἀναβοήσαντοσ δὲ τοῦ πλήθουσ διά τε τὸ παράδοξον καὶ τὴν ὑπερβολὴν τῆσ ἀνδραγαθίασ ὁ μὲν βασιλεὺσ προσέταξεν ἀφεῖναι καὶ τὴν θέαν διαλύσασ ἀπηλλάγη, δυσφορῶν ἐπὶ τῇ τοῦ Μακεδόνοσ ἥττῃ.

ὁ δὲ Διώξιπποσ ἀφεὶσ τὸν πεπτωκότα καὶ περιβόητον νίκην ἀπενεγκάμενοσ ἀπῄει ταινιούμενοσ ὑπὸ τῶν ὁμοφύλων, ὡσ κοινὴν πᾶσι τοῖσ Ἕλλησι παρεσχημένοσ εὐδοξίαν.

οὐ μὴν ἡ τύχη γε εἰάσεν ἐπὶ πολὺν χρόνον καυχήσασθαι τὸν ἄνδρα τῇ νίκῃ. ὅ τε γὰρ βασιλεὺσ ἀλλοτριώτερον αἰεὶ διετέθη πρὸσ αὐτόν, οἵ τε φίλοι τοῦ Ἀλεξάνδρου καὶ πάντεσ οἱ περὶ τὴν αὐλὴν Μακεδόνεσ, φθονοῦντεσ αὐτοῦ τῇ ἀρετῇ, ἔπεισαν μὲν τὸν ἐπὶ τῆσ διακονίασ τεταγμένον ὑποβαλεῖν ὑπὸ τὸ προσκεφάλαιον χρυσοῦν ποτήριον, αὐτοὶ δὲ κατὰ τὸν ἑξῆσ πότον καταιτιασάμενοι κλοπὴν καὶ ποτήριον εὑρηκέναι προσποιηθέντεσ εἰσ αἰσχύνην καὶ ἀδοξίαν ἤγαγον τὸν Διώξιππον.

ὁ δὲ θεωρῶν τὴν ἐπ’ αὐτὸν συνδρομὴν τῶν Μακεδόνων τότε μὲν ἐξῆλθεν ἐκ τοῦ πότου, μετ’ ὀλίγον δὲ ἐπὶ τὴν ἰδίαν κατάλυσιν παραγενόμενοσ καὶ γράψασ πρὸσ τὸν Ἀλέξανδρον ἐπιστολὴν περὶ τῶν καθ’ αὑτοῦ μεμηχανημένων ταύτην μὲν ἐνετείλατο τοῖσ ἰδίοισ δοῦναι τῷ βασιλεῖ, αὑτὸν δ’ ἐκ τοῦ ζῆν μετέστησεν, ἀβούλωσ μὲν εἰσ τὴν μονομαχίαν συγκαταβάσ, πολὺ δ’ ἀφρονεστέραν τὴν τοῦ βίου καταστροφὴν ποιησάμενοσ.

διὸ καὶ πολλοὶ τῶν καταμεμφομένων αὐτοῦ τὴν ἄνοιαν ἐπιπλήττοντεσ ἔφασαν χαλεπὸν εἶναι δύναμιν μὲν σώματοσ ἔχειν μεγάλην, νοῦν δὲ μικρόν.

ὁ δὲ βασιλεὺσ ἀναγνοὺσ τὴν ἐπιστολὴν χαλεπῶσ μὲν ἤνεγκεν ἐπὶ τῇ τἀνδρὸσ τελευτῇ καὶ πολλάκισ ἐπεζήτησε τὴν ἀρετὴν αὐτοῦ καὶ παρόντι μὲν οὐ χρησάμενοσ, ἀπόντα δὲ ἐπιποθήσασ ὅτε οὐδὲν ὄφελοσ ἔγνω τὴν καλοκἀγαθίαν τἀνδρὸσ ἐκ τῆσ τῶν διαβαλόντων κακίασ.

ὁ δ’ οὖν Ἀλέξανδροσ τὴν μὲν στρατιὰν προσέταξεν παρὰ τὸν ποταμὸν ἀντιπαράγειν ταῖσ ναυσίν, αὐτὸσ δὲ τὸν διὰ τοῦ ποταμοῦ κατὰ τὸν Ὠκεανὸν πλοῦν ποιούμενοσ κατῆρεν εἰσ τὴν χώραν τῶν ὀνομαζομένων Σαμβαστῶν.

οὗτοι δὲ τῷ τε πλήθει τῶν ἀνδρῶν καὶ ταῖσ ἀρεταῖσ οὐδενὸσ τῶν Ἰνδικῶν ἐθνῶν λείπονται·

οἰκοῦντεσ δὲ πόλεισ δημοκρατουμένασ καὶ τὴν ἔφοδον τῶν Μακεδόνων πυνθανόμενοι στρατιώτασ ἤθροισαν πεζοὺσ μὲν ἑξακισμυρίουσ, ἱππεῖσ δὲ ἑξακισχιλίουσ, ἁρ́ματα δὲ πεντακόσια. τοῦ δὲ στόλου προσπλέοντοσ τῷ ξένῳ καὶ παραδόξῳ τῆσ παρουσίασ πτοηθέντεσ καὶ τὴν διαβεβοημένην δόξαν τῶν Μακεδόνων καταπλαγέντεσ, ἔτι δὲ τῶν πρεσβυτέρων συμβουλευσάντων μὴ διαγωνίζεσθαι πεντήκοντα τοὺσ ἐπιφανεστάτουσ πρεσβευτὰσ ἐξαπέστειλαν, ἀξιοῦντεσ φιλανθρώπωσ αὐτοῖσ προσενεχθῆναι.

ὁ δὲ βασιλεὺσ ἐπαινέσασ τοὺσ ἄνδρασ καὶ συγχωρήσασ τὴν εἰρήνην δωρεαῖσ τε μεγάλαισ καὶ τιμαῖσ ἡρωικαῖσ ὑπὸ τῶν ἐγχωρίων ἐτιμήθη.

μετὰ δὲ ταῦτα τοὺσ παρὰ τὸν ποταμὸν ἐξ ἀμφοτέρων τῶν μερῶν κατοικοῦντασ, ὀνομαζομένουσ δὲ Σόδρασ καὶ Μασσανούσ, προσηγάγετο. περὶ δὲ τούτουσ τοὺσ τόπουσ ἔκτισε πόλιν Ἀλεξάνδρειαν κατὰ τὸν ποταμόν, μυρίουσ καταλέξασ οἰκήτορασ. μετὰ δὲ ταῦτα εἰσ τὴν Μουσικάνου τοῦ βασιλέωσ χώραν καταντήσασ τόν τε δυνάστην ὑποχείριον λαβὼν ἀπέκτεινε καὶ τὸ ἔθνοσ ὑποχείριον ἐποίησεν.

ἑξῆσ δ’ εἰσ τὴν Πορτικάνου δυναστείαν ἐμβαλὼν δύο μὲν ἐξ ἐφόδου πόλεισ ἐξεπολιόρκησε καὶ τοῖσ στρατιώταισ ἐφεὶσ διαρπάσαι τὰσ οἰκίασ ἐνέπρησεν, αὐτὸν δὲ τὸν Πορτικᾶνον εἰσ χωρίον ὀχυρὸν καταφυγόντα χειρωσάμενοσ ἀπέκτεινε μαχόμενον. τὰσ δὲ πόλεισ ἁπάσασ τὰσ ὑπὸ τοῦτον τεταγμένασ ἐκπολιορκήσασ κατέσκαψε καὶ πολὺν φόβον τοῖσ πλησιοχώροισ ἐπέστησεν. ἑξῆσ δὲ τήν τε Σάμβου βασιλείαν ἐξεπόρθησε καὶ τὰσ πλείστασ πόλεισ ἐξανδραποδισάμενοσ καὶ κατασκάψασ κατέκοψε τῶν βαρβάρων ὑπὲρ τὰσ ὀκτὼ μυριάδασ.

τὸ μὲν οὖν ἔθνοσ τῶν ὀνομαζομένων Βραχμάνων τοιαύταισ περιέπεσε συμφοραῖσ·

τῶν δὲ λοιπῶν μεθ’ ἱκετηριῶν δεηθέντων τοὺσ αἰτιωτάτουσ κολάσασ τοὺσ λοιποὺσ ἀπέλυσε τῶν ἐγκλημάτων. ὁ δὲ βασιλεὺσ Σάμβοσ μετὰ τριάκοντα ἐλεφάντων φυγὼν εἰσ τὴν πέραν τοῦ Ἰνδοῦ χώραν διέφυγε τὸν κίνδυνον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvii, chapter 100

(디오도로스 시켈로스, Library, book xvii, chapter 100)

상위

목록

SEARCH

MENU NAVIGATION