헬라어 문장 검색 - Διοδορ́Λιβραρψ́10́55́

(디오도로스 시켈로스, Library, book xvii, chapter 99)

ὁ δὲ βασιλεὺσ ἐρημωθεὶσ πάσησ βοηθείασ ἐτόλμησεν ἐπιτελέσαι πρᾶξιν παράδοξον καὶ μνήμησ ἀξίαν. τὸ γὰρ ἀπὸ τοῦ τείχουσ ἀπελθεῖν ἄπρακτον πρὸσ τοὺσ ἰδίουσ ἀνάξιον κρίνασ ὑπάρχειν τῆσ ἰδίασ εὐπραξίασ καθήλατο μετὰ τῶν ὅπλων μόνοσ εἰσ τὴν πόλιν. συνδραμόντων δ’ ἐπ’ αὐτὸν τῶν Ἰνδῶν ὑπέστη τεθαρρηκότωσ τὴν τῶν βαρβάρων ἐπιφοράν·

προβαλλόμενοσ δ’ ἐκ τῶν δεξιῶν δένδρον τι παρ’ αὐτὸ τὸ τεῖχοσ ἐρριζωμένον, ἐκ δὲ τῶν εὐωνύμων αὐτὸ τὸ τεῖχοσ ἠμύνετο τοὺσ Ἰνδούσ, οὕτω τῷ θυμῷ παραστὰσ ὡσ ἄν τισ βασιλεὺσ τηλικούτων ἤδη ἀπειργασμένων ἀνδραγαθήσειε, τὴν ἐσχάτην τοῦ βίου καταστροφὴν εὐκλεεστάτην γενέσθαι φιλοτιμούμενοσ. πολλὰσ μὲν γὰρ εἰσ τὸ κράνοσ ἐλάμβανε πληγάσ, οὐκ ὀλίγασ δὲ εἰσ τὴν πέλτην ἐδέχετο·

τέλοσ δὲ τοξευθεὶσ ὑπὸ τὸν μαστὸν ἔπεσεν εἰσ γόνυ, κατισχυθεὶσ ὑπὸ τῆσ πληγῆσ. εὐθὺ δ’ ὁ μὲν τοξεύσασ Ἰνδὸσ καταφρονήσασ προσέδραμε καὶ καταφέροντοσ αὐτοῦ πληγὴν ὁ Ἀλέξανδροσ ὑπέθηκε τῇ λαγόνι τὸ ξίφοσ καὶ καιρίου γενομένου τοῦ τραύματοσ ὁ μὲν βάρβαροσ ἔπεσεν, ὁ δὲ βασιλεὺσ ἐπιλαβόμενοσ τοῦ πλησίον κλάδου καὶ διαναστὰσ προεκαλεῖτο τῶν Ἰνδῶν τοὺσ βουλομένουσ διαγωνίσασθαι. κατὰ δὲ τοῦτον τὸν χρόνον Πευκέστησ, εἷσ τῶν ὑπασπιστῶν, δι’ ἑτέρασ κλίμακοσ προσαναβὰσ πρῶτοσ ὑπερήσπισε τὸν βασιλέα·

μετὰ δὲ τοῦτον ἕτεροι πλείουσ ἐπιφανέντεσ καὶ καταπληξάμενοι τοὺσ βαρβάρουσ διέσωσαν τὸν Ἀλέξανδρον. τῆσ δὲ πόλεωσ ἁλούσησ κατὰ κράτοσ οἱ μὲν Μακεδόνεσ διὰ τὸν ὑπὲρ τοῦ βασιλέωσ θυμὸν πάντασ τοὺσ περιτυχόντασ ἀνῄρουν καὶ τὴν πόλιν νεκρῶν ἐπλήρωσαν. ἐπὶ πολλὰσ δὲ ἡμέρασ τοῦ βασιλέωσ ἀσχοληθέντοσ περὶ τὴν θεραπείαν οἱ κατὰ τὴν Βακτριανὴν καὶ Σογδιανὴν κατοικισθέντεσ Ἕλληνεσ ἐκ πολλοῦ μὲν τὸν ἐν τοῖσ βαρβάροισ κατοικισμὸν χαλεπῶσ ἔφερον, τότε δὲ φήμησ προσπεσούσησ αὐτοῖσ ὅτι τρωθεὶσ ὁ βασιλεὺσ τετελεύτηκεν ἀπέστησαν ἀπὸ τῶν Μακεδόνων.

ἀθροισθέντεσ δὲ εἰσ τρισχιλίουσ, κατὰ τὴν εἰσ οἶκον ἀνακομιδὴν πολλὰ πονήσαντεσ, ὕστερον ὑπὸ τῶν Μακεδόνων κατεκόπησαν μετὰ τὴν Ἀλεξάνδρου τελευτήν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvii, chapter 99

(디오도로스 시켈로스, Library, book xvii, chapter 99)

상위

목록

SEARCH

MENU NAVIGATION