헬라어 문장 검색 - Διοδορ́Λιβραρψ́10́48́

(디오도로스 시켈로스, Library, book xvii, chapter 85)

πολλὰσ δὲ καὶ ἄλλασ πόλεισ ἐκπολιορκήσασ καὶ τοὺσ ἀντιταττομένουσ ἀνελὼν προῆγεν ἐπὶ τὴν πέτραν τὴν Αὄρνον καλουμένην· εἰσ γὰρ ταύτην οἱ περιλειφθέντεσ τῶν ἐγχωρίων διὰ τὴν ὑπερβολὴν τῆσ ὀχυρότητοσ καταπεφεύγεισαν. λέγεται γὰρ τὸ παλαιὸν Ἡρακλέα ταύτην τὴν πέτραν ἐπιβαλόμενον πολιορκεῖν ἀποστῆναι διά τινασ ἐπιγενομένουσ σεισμοὺσ μεγάλουσ καὶ διοσημείασ.

ὁ δ’ Ἀλέξανδροσ πυθόμενοσ περὶ τούτων ἔτι μᾶλλον παρωξύνθη πολιορκῆσαι τὸ ὀχύρωμα καὶ διαμιλληθῆναι τῇ τοῦ θεοῦ δόξῃ. ἡ δὲ πέτρα τὸν μὲν περίβολον εἶχε σταδίων ἑκατόν, τὸ δ’ ὕψοσ ἑκκαίδεκα, τὴν δ’ ἐπιφάνειαν ὁμαλὴν καὶ πάντῃ περιφερῆ·

καὶ τὸ μὲν πρὸσ μεσημβρίαν μέροσ αὐτῆσ προσέκλυζεν ὁ Ἰνδὸσ ποταμόσ, μέγιστοσ ὢν τῶν κατὰ τὴν Ἰνδικήν, τὰ δ’ ἄλλα μέρη περιείχετο φάραγξι βαθείαισ καὶ κρημνοῖσ ἀπροσίτοισ. τοῦ δὲ Ἀλεξάνδρου κατασκεψαμένου τὴν δυσχωρίαν καὶ τὴν ἐκ βίασ ἅλωσιν ἀπογνόντοσ ἧκέν τισ πρὸσ αὐτὸν πρεσβύτησ μετὰ δυεῖν υἱῶν.

οὗτοσ δ’ ὢν πένησ παντελῶσ καὶ πολὺν χρόνον ἐντεθραμμένοσ τοῖσ τόποισ κατῴκει μὲν ἔν τινι σπηλαίῳ τρεῖσ στιβάδασ ἔχοντι κατὰ τὴν πέτραν ἐντετμημένασ, ἐν αἷσ ὁ γέρων μετὰ τῶν υἱῶν ἐναυλιζόμενοσ ἐμπειρίαν περιεπεποίητο τῶν τόπων.

οὗτοσ οὖν προσελθὼν τῷ βασιλεῖ καὶ τὰ περὶ ἑαυτὸν δηλώσασ ἐπηγγείλατο καθηγήσεσθαι διὰ τῆσ δυσχωρίασ καὶ ποιήσειν αὐτὸν ὑπερδέξιον γενέσθαι τῶν κατειλημμένων τὴν πέτραν βαρβάρων. ὁ δὲ Ἀλέξανδροσ ἐπαγγειλάμενοσ μεγάλασ δωρεὰσ δώσειν καὶ τῷ πρεσβύτῃ χρησάμενοσ ὁδηγῷ πρῶτον μὲν τὴν πάροδον τὴν εἰσ τὴν πέτραν φέρουσαν κατελάβετο καὶ μηδεμιᾶσ οὔσησ ἄλλησ ἐξόδου συνέκλεισε τοὺσ βαρβάρουσ εἰσ ἀβοήθητον πολιορκίαν·

ἔπειτα τῇ πολυχειρίᾳ χώσασ τὴν φάραγγα κατὰ τὴν ῥίζαν τῆσ πέτρασ, προσελθὼν ἐνεργῆ πολιορκίαν συνεστήσατο, συνεχῶσ ἐφ’ ἡμέρασ ἑπτὰ καὶ τὰσ ἴσασ νύκτασ ἐκ διαδοχῆσ τὰσ προσβολὰσ ποιούμενοσ. τὸ μὲν οὖν πρῶτον οἱ βάρβαροι διὰ τὰσ τῶν τόπων ὑπεροχὰσ προετέρουν καὶ πολλοὺσ ἀνῄρουν τῶν προπετῶσ βιαζομένων·

τοῦ δὲ χώματοσ συντελεσθέντοσ καὶ τῶν ὀξυβελῶν καταπελτῶν καὶ τῶν ἄλλων ὀργάνων ἐπισταθέντων, πρὸσ δὲ τούτοισ τοῦ βασιλέωσ φανεροῦ καθεστῶτοσ ὡσ οὐκ ἀποστήσεται τῆσ πολιορκίασ οἱ μὲν Ἰνδοὶ κατεπλάγησαν, ὁ δ’ Ἀλέξανδροσ ἐμφρόνωσ προϊδόμενοσ τὸ μέλλον ἐξέλιπεν τὴν ἐν τῇ παρόδῳ κατειλημμένην φυλακήν, διδοὺσ ἔξοδον τοῖσ βουλομένοισ ἐκ τῆσ πέτρασ ἀναχωρεῖν. οἱ δὲ βάρβαροι φοβηθέντεσ τάσ τε τῶν Μακεδόνων ἀρετὰσ καὶ τὴν τοῦ βασιλέωσ φιλοτιμίαν νυκτὸσ ἐξέλιπον τὴν πέτραν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvii, chapter 85

(디오도로스 시켈로스, Library, book xvii, chapter 85)

상위

목록

SEARCH

MENU NAVIGATION