헬라어 문장 검색 - Διοδορ́Λιβραρψ́10́46́

(디오도로스 시켈로스, Library, book xvii, chapter 83)

μετὰ δὲ ταῦτα παρελθὼν πλησίον τοῦ Καυκάσου κατεστρατοπέδευσεν, ὅ τινεσ Παροπάνισον ὄροσ προσαγορεύουσι. τὸ δ’ ὄροσ τοῦτο κατὰ πλάτοσ διελθὼν ἐν ἡμέραισ ἑκκαίδεκα πόλιν ἔκτισε κατὰ τὴν εἰσβολὴν τὴν φέρουσαν εἰσ τὴν Ἰνδικήν, ἣν ὠνόμασεν Ἀλεξάνδρειαν. κατὰ δὲ μέσον τὸν Καύκασον ἔστι πέτρα δέκα σταδίων ἔχουσα τὴν περίμετρον, τεττάρων δὲ σταδίων τὸ ὕψοσ, ἐν ᾗ καὶ τὸ Προμηθέωσ σπήλαιον ἐδείκνυθ’ ὑπὸ τῶν ἐγχωρίων καὶ ἡ τοῦ μυθολογηθέντοσ ἀετοῦ κοίτη καὶ τὰ τῶν δεσμῶν σημεῖα. ὁ δ’ Ἀλέξανδροσ καὶ ἄλλασ πόλεισ ἔκτισεν, ἡμέρασ ὁδὸν ἀπέχουσασ τῆσ Ἀλεξανδρείασ.

κατῴκισε δ’ εἰσ ταύτασ τῶν μὲν βαρβάρων ἑπτακισχιλίουσ, τῶν δ’ ἐκτὸσ τάξεωσ συνακολουθούντων τρισχιλίουσ καὶ τῶν μισθοφόρων τοὺσ βουλομένουσ. αὐτὸσ δὲ ἀναλαβὼν τὴν δύναμιν προῆγεν εἰσ τὴν Βακτριανήν, ἀκούων τὸν Βῆσσον διάδημά τε ἀνειληφέναι καὶ δυνάμεισ ἀθροίζειν.

καὶ τὰ μὲν περὶ Ἀλέξανδρον ἐν τούτοισ ἦν. οἱ δ’ εἰσ τὴν Ἀρίαν ἀπεσταλμένοι στρατηγοὶ καταλαβόντεσ τοὺσ ἀφεστηκότασ δυνάμεισ ἀξιολόγουσ ἠθροικότασ καὶ στρατηγὸν ἔχοντασ Σατιβαρζάνην, ἄνδρα στρατηγικὸν καὶ ἀνδρείᾳ διαφέροντα, κατεστρατοπέδευσαν πλησίον τῶν πολεμίων.

μετὰ δὲ ταῦτα παρατάξεωσ γενομένησ καὶ τῶν βαρβάρων ἰσόμαχον ποιούντων τὸν κίνδυνον ὁ τῶν ἀποστατῶν στρατηγὸσ Σατιβαρζάνησ, ἀφελὼν ταῖσ χερσὶ τὸ περὶ τὴν κεφαλὴν κράνοσ καὶ δείξασ αὑτὸν ὃσ ἦν, προεκαλέσατο τὸν βουλόμενον τῶν στρατηγῶν μονομαχῆσαι.

ὑπακούσαντοσ δὲ τοῦ Ἐριγυιοῦ καὶ γενομένησ μάχησ ἡρωικῆσ συνέβη νικῆσαι τὸν Ἐριγυιόν.

οἱ δὲ βάρβαροι διὰ τὸν τοῦ στρατηγοῦ θάνατον καταπλαγέντεσ καὶ λαβόντεσ τὴν ἀσφάλειαν παρέδωκαν ἑαυτοὺσ τῷ βασιλεῖ. Βῆσσοσ δ’ ἑαυτὸν ἀναδεδειχὼσ βασιλέα τοῖσ θεοῖσ ἔθυσε καὶ τοὺσ φίλουσ παραλαβὼν εἰσ τὴν εὐωχίαν κατὰ τὸν πότον διηνέχθη πρόσ τινα τῶν ἑταίρων, ὄνομα Βαγωδάραν.

τῆσ δὲ φιλοτιμίασ ἐπὶ πλέον προελθούσησ ὁ μὲν Βῆσσοσ παροξυνθεὶσ ἐπεβάλετο τὸν Βαγωδάραν ἀνελεῖν καὶ ὑπὸ τῶν φίλων πεισθεὶσ μετενόησεν. ὁ δὲ τὸν κίνδυνον ἐκφυγὼν νυκτὸσ ἔφυγε πρὸσ τὸν Ἀλέξανδρον.

τῇ δὲ τούτου σωτηρίᾳ καὶ ταῖσ δοθησομέναισ ὑπ’ Ἀλεξάνδρου δωρεαῖσ προκληθέντεσ οἱ μέγιστοι τῶν ἡγεμόνων συνεφρόνησαν καὶ συλλαβόντεσ τὸν Βῆσσον ἀπήγαγον πρὸσ τὸν Ἀλέξανδρον. ὁ δὲ βασιλεὺσ τούτουσ μὲν ἐτίμησεν ἀξιολόγοισ δωρεαῖσ, τὸν δὲ Βῆσσον παρέδωκε τῷ ἀδελφῷ τοῦ Δαρείου καὶ τοῖσ ἄλλοισ συγγενέσιν εἰσ τιμωρίαν.

οἱ δὲ πᾶσαν ὕβριν καὶ αἰκίαν προσενεγκάμενοι καὶ τὸ σῶμα κατὰ λεπτὸν συγκόψαντεσ τὰ μέλη διεσφενδόνησαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvii, chapter 83

(디오도로스 시켈로스, Library, book xvii, chapter 83)

상위

목록

SEARCH

MENU NAVIGATION