헬라어 문장 검색 - Διοδορ́Λιβραρψ́10́38́

(디오도로스 시켈로스, Library, book xvii, chapter 69)

μετὰ δὲ ταῦτα ἐπὶ τὴν Περσέπολιν προάγων κατὰ τὴν ὁδὸν ἐπιστολὴν ἐκομίσατο παρὰ τοῦ κυριεύοντοσ τῆσ πόλεωσ Τιριδάτου. ἐν ταύτῃ δ’ ἦν γεγραμμένον ὅτι ἐὰν παραγενόμενοσ φθάσῃ τοὺσ ἐπιβαλλομένουσ διατηρῆσαι Δαρείῳ τὴν Περσέπολιν, κύριοσ ἔσται ταύτησ ὑπ’ αὐτοῦ παραδοθείσησ. διόπερ ὁ Ἀλέξανδροσ κατὰ σπουδὴν ἦγε τὴν δύναμιν καὶ τὸν Ἀράξην ποταμὸν ζεύξασ διεβίβασε τοὺσ στρατιώτασ.

προάγοντοσ δὲ τοῦ βασιλέωσ θέαμα παράδοξον καὶ δεινὸν ὤφθη, μισοπονηρίαν μὲν περιέχον κατὰ τῶν πραξάντων, ἔλεον δὲ καὶ συμπάθειαν ἐπιφέρον πρὸσ τοὺσ ἀνήκεστα πεπονθότασ. ἀπήντησαν γὰρ αὐτῷ μεθ’ ἱκετηριῶν Ἕλληνεσ ὑπὸ τῶν πρότερον βασιλέων ἀνάστατοι γεγονότεσ, ὀκτακόσιοι μὲν σχεδὸν τὸν ἀριθμὸν ὄντεσ, ταῖσ δ’ ἡλικίαισ οἱ πλεῖστοι μὲν γεγηρακότεσ, ἠκρωτηριασμένοι δὲ πάντεσ, οἱ μὲν χεῖρασ, οἱ δὲ πόδασ, οἱ δὲ ὦτα καὶ ῥῖνασ·

τῶν δ’ ἐπιστήμασ ἢ τέχνασ εἰδότων καὶ ἐν παιδείᾳ προκεκοφότων τὰ μὲν ἄλλα τῶν ἀκρωτηρίων ἀπεκέκοπτο, αὐτὰ δὲ μόνα τὰ συνεργοῦντα πρὸσ τὰσ ἐπιστήμασ ἀπελέλειπτο·

ὥστε πάντασ ὁρῶντασ τὰ τῆσ ἡλικίασ ἀξιώματα καὶ τὰσ περιεχούσασ τὰ σώματα συμφορὰσ ἐλεεῖν τὰσ τύχασ τῶν ἀκληρούντων, μάλιστα δὲ αὐτὸν τὸν Ἀλέξανδρον συμπαθῆ γενέσθαι τοῖσ ἠτυχηκόσι καὶ μὴ δύνασθαι κατασχεῖν τὰ δάκρυα. ἀναβοησάντων δὲ ἅμα ἁπάντων καὶ τὸν Ἀλέξανδρον ἀξιούντων ἀμῦναι ταῖσ ἰδίαισ συμφοραῖσ ὁ μὲν βασιλεὺσ προσκαλεσάμενοσ τοὺσ προεστηκότασ καὶ τῆσ αὑτοῦ μεγαλοψυχίασ ἀξίωσ τιμήσασ ἐπηγγείλατο πολλὴν πρόνοιαν ποιήσασθαι τῆσ ἐπ’ οἶκον ἀνακομιδῆσ.

οἱ δὲ συνελθόντεσ καὶ βουλευσάμενοι προέκριναν τὴν αὐτόθι μονὴν τῆσ εἰσ οἶκον ἀνακομιδῆσ.

ἀνασωθέντασ μὲν γὰρ αὑτοὺσ διασπαρήσεσθαι κατ’ ὀλίγουσ καὶ περιόντασ ἐν ταῖσ πόλεσιν ἐπονείδιστον ἕξειν τὴν ἐκ τῆσ τύχησ ἐπήρειαν· μετ’ ἀλλήλων δὲ βιοῦντασ, τὴν ὁμοίαν συμφορὰν ἔχοντασ, παραμύθιον ἕξειν τῆσ ἰδίασ ἀκληρίασ τὴν τῶν ἄλλων τῆσ ἀκληρίασ ὁμοιότητα. διὸ καὶ πάλιν ἐντυχόντεσ τῷ βασιλεῖ καὶ τὴν ἰδίαν κρίσιν δηλώσαντεσ ἐδέοντο πρὸσ ταύτην τὴν ὑπόστασιν οἰκείαν παρέχεσθαι βοήθειαν.

ὁ δὲ Ἀλέξανδροσ συγκαταθέμενοσ τοῖσ δεδογμένοισ τρισχιλίασ μὲν ἑκάστῳ δραχμὰσ ἐδωρήσατο καὶ στολὰσ ἀνδρείασ πέντε καὶ γυναικείασ ἴσασ, ζεύγη δὲ βοϊκὰ δύο καὶ πρόβατα πεντήκοντα καὶ πυρῶν μεδίμνουσ πεντήκοντα·

ἐποίησεν δὲ καὶ ἀτελεῖσ αὐτοὺσ παντὸσ βασιλικοῦ φόρου καὶ τοῖσ ἐπιστάταισ προσέταξε φροντίζειν ὅπωσ μηδ’ ὑφ’ ἑνὸσ ἀδικῶνται. Ἀλέξανδροσ μὲν οὖν ἀκολούθωσ τῇ κατ’ αὐτὸν ἐπιεικείᾳ τοιαύταισ εὐεργεσίαισ τὰσ τῶν ἠτυχηκότων συμφορὰσ διωρθώσατο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvii, chapter 69

(디오도로스 시켈로스, Library, book xvii, chapter 69)

상위

목록

SEARCH

MENU NAVIGATION