헬라어 문장 검색 - Διοδορ́Λιβραρψ́10́32́

(디오도로스 시켈로스, Library, book xvii, chapter 62)

ἐπ’ ἄρχοντοσ δ’ Ἀθήνησιν Ἀριστοφῶντοσ ἐν Ῥώμῃ διεδέξαντο τὴν ὑπατικὴν ἀρχὴν Γάιοσ Δομέττιοσ καὶ Αὖλοσ Κορνήλιοσ. ἐπὶ δὲ τούτων εἰσ τὴν Ἑλλάδα τῆσ περὶ Ἄρβηλα μάχησ διαδοθείσησ πολλαὶ τῶν πόλεων ὑφορώμεναι τὴν αὔξησιν τῶν Μακεδόνων ἔγνωσαν, ἑώσ ἔτι τὰ Περσῶν πράγματα διαμένει, τῆσ ἐλευθερίασ ἀντέχεσθαι· βοηθήσειν γὰρ αὐτοῖσ Δαρεῖον καὶ χρημάτων τε πλῆθοσ χορηγήσειν πρὸσ τὸ δύνασθαι ξενικὰσ μεγάλασ δυνάμεισ συνίστασθαι καὶ τὸν Ἀλέξανδρον μὴ δυνήσεσθαι διαιρεῖν τὰσ δυνάμεισ.

εἰ δὲ περιόψονται τοὺσ Πέρσασ καταπολεμηθέντασ, μονωθήσεσθαι τοὺσ Ἕλληνασ καὶ μηκέτι δυνήσεσθαι φροντίσαι τῆσ ἑαυτῶν ἐλευθερίασ.

προεκαλέσατο δὲ πρὸσ τὴν ἀπόστασιν τοὺσ Ἕλληνασ καὶ ὁ περὶ τὴν Θρᾴκην νεωτερισμὸσ κατὰ τοὺσ ὑποκειμένουσ καιροὺσ γενόμενοσ·

Μέμνων γὰρ ὁ καθεσταμένοσ στρατηγὸσ τῆσ Θρᾴκησ, ἔχων δύναμιν καὶ φρονήματοσ ὢν πλήρησ, ἀνέσεισε μὲν τοὺσ βαρβάρουσ, ἀποστάτησ δὲ γενόμενοσ Ἀλεξάνδρου καὶ ταχὺ μεγάλησ δυνάμεωσ κυριεύσασ φανερῶσ ἀπεκαλύψατο πρὸσ τὸν πόλεμον.

διόπερ Ἀντίπατροσ πᾶσαν ἀναλαβὼν τὴν δύναμιν προῆλθε διὰ Μακεδονίασ εἰσ Θρᾴκην καὶ διεπολέμει πρὸσ τὸν Μέμνονα.

τούτου δὲ περὶ ταῦτ’ ὄντοσ οἱ Λακεδαιμόνιοι καιρὸν ἔχειν ὑπολαβόντεσ τοῦ παρασκευάσασθαι τὰ πρὸσ τὸν πόλεμον παρεκάλουν τοὺσ Ἕλληνασ συμφρονῆσαι περὶ τῆσ ἐλευθερίασ. Ἀθηναῖοι μὲν οὖν, παρὰ πάντασ τοὺσ ἄλλουσ Ἕλληνασ ὑπ’ Ἀλεξάνδρου προτιμώμενοι, τὴν ἡσυχίαν ἦγον·

Πελοποννησίων δ’ οἱ πλείουσ καὶ τῶν ἄλλων τινὲσ συμφρονήσαντεσ ἀπεγράψαντο πρὸσ τὸν πόλεμον καὶ κατὰ δύναμιν τῶν πόλεων καταγράφοντεσ τῶν νέων τοὺσ ἀρίστουσ κατέλεξαν στρατιώτασ πεζοὺσ μὲν οὐκ ἐλάττουσ τῶν δισμυρίων, ἱππεῖσ δὲ περὶ δισχιλίουσ. τὴν δ’ ἡγεμονίαν ἔχοντεσ Λακεδαιμόνιοι πανδημεὶ πρὸσ τὸν ὑπὲρ τῶν ὅλων κίνδυνον ὡρ́μησαν, Ἄγιδοσ τοῦ βασιλέωσ τὴν πάντων ἔχοντοσ ἡγεμονίαν.

Ἀντίπατροσ δὲ πυθόμενοσ τὴν τῶν Ἑλλήνων συνδρομὴν τὸν μὲν ἐν τῇ Θρᾴκῃ πόλεμον ὥσ ποτ’ ἦν δυνατὸν κατέλυσεν, εἰσ δὲ τὴν Πελοπόννησον ἧκε μετὰ πάσησ τῆσ δυνάμεωσ.

προσλαβόμενοσ δὲ καὶ παρὰ τῶν συμμαχούντων Ἑλλήνων στρατιώτασ ἤθροισε τοὺσ ἅπαντασ οὐκ ἐλάττουσ τῶν τετρακισμυρίων. γενομένησ δὲ παρατάξεωσ μεγάλησ ὁ μὲν Ἄγισ μαχόμενοσ ἔπεσεν, οἱ δὲ Λακεδαιμόνιοι πολὺν μὲν ἐκθύμωσ χρόνον ἀγωνιζόμενοι διεκαρτέρουν, τῶν δὲ συμμάχων βιασθέντων καὶ αὐτοὶ τὴν ἀναχώρησιν εἰσ τὴν Σπάρτην ἐποιήσαντο.

ἀνῃρέθησαν δ’ ἐν τῇ μάχῃ τῶν μὲν Λακεδαιμονίων καὶ τῶν συμμάχων πλείουσ τῶν πεντακισχιλίων καὶ τριακοσίων, τῶν δὲ μετ’ Ἀντιπάτρου τρισχίλιοι καὶ πεντακόσιοι.

ἴδιον δέ τι συνέβη καὶ περὶ τὴν τοῦ Ἄγιδοσ τελευτὴν γενέσθαι·

ἀγωνισάμενοσ γὰρ λαμπρῶσ καὶ πολλοῖσ τραύμασιν ἐναντίοισ περιπεσὼν ὑπὸ τῶν στρατιωτῶν εἰσ τὴν Σπάρτην ἀπεκομίζετο· περικατάληπτοσ δὲ γενόμενοσ καὶ τὰ καθ’ ἑαυτὸν ἀπογνοὺσ τοῖσ μὲν ἄλλοισ στρατιώταισ προσέταξεν ἀπιέναι τὴν ταχίστην καὶ διασώζειν αὑτοὺσ εἰσ τὴν τῆσ πατρίδοσ χρείαν, αὐτὸσ δὲ καθοπλισθεὶσ καὶ εἰσ γόνυ διαναστὰσ ἠμύνατο τοὺσ πολεμίουσ καί τινασ καταβαλὼν καὶ συνακοντισθεὶσ κατέστρεψε τὸν βίον, ἄρξασ ἔτη ἐννέα. ἡμεῖσ δὲ διεληλυθότεσ τὰ πραχθέντα κατὰ τὴν Εὐρώπην ἐν μέρει τὰ κατὰ τὴν Ἀσίαν συντελεσθέντα διέξιμεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvii, chapter 62

(디오도로스 시켈로스, Library, book xvii, chapter 62)

상위

목록

SEARCH

MENU NAVIGATION