헬라어 문장 검색 - Διοδορ́Λιβραρψ́10́26́

(디오도로스 시켈로스, Library, book xvii, chapter 54)

περὶ δὲ διαλύσεωσ καὶ πρότερον μὲν ἐξέπεμψε πρεσβευτὰσ πρὸσ Ἀλέξανδρον, ἐκχωρῶν αὐτῷ τῆσ ἐντὸσ Ἅλυοσ ποταμοῦ χώρασ, καὶ προσεπηγγέλλετο δώσειν ἀργυρίου τάλαντα δισμύρια. ὡσ δ’ οὐ προσεῖχεν αὐτῷ, πάλιν ἐξέπεμψεν ἄλλουσ πρέσβεισ, ἐπαινῶν μὲν αὐτὸν ἐπὶ τῷ καλῶσ κεχρῆσθαι τῇ τε μητρὶ καὶ τοῖσ ἄλλοισ αἰχμαλώτοισ, ἀξιῶν δὲ φίλον γενέσθαι καὶ λαβεῖν τὴν ἐντὸσ Εὐφράτου χώραν καὶ τάλαντ’ ἀργυρίου τρισμύρια καὶ τὴν ἑτέραν τῶν ἑαυτοῦ θυγατέρων γυναῖκα, καθόλου δὲ γενόμενον γαμβρὸν καὶ τάξιν υἱοῦ λαβόντα καθάπερ κοινωνὸν γενέσθαι τῆσ ὅλησ βασιλείασ.

ὁ δ’ Ἀλέξανδροσ εἰσ τὸ συνέδριον παραλαβὼν πάντασ τοὺσ φίλουσ καὶ περὶ τῶν προτιθεμένων αἱρέσεων ἀνακοινωσάμενοσ ἠξίου τὴν ἰδίαν γνώμην ἕκαστον μετὰ παρρησίασ ἀποφήνασθαι.

τῶν μὲν οὖν ἄλλων οὐδεὶσ ἐτόλμα συμβουλεῦσαι διὰ τὸ μέγεθοσ τῆσ ὑποκειμένησ ζητήσεωσ, Παρμενίων δὲ πρῶτοσ εἶπεν, ἐγὼ μὲν ὢν Ἀλέξανδροσ ἔλαβον ἂν τὰ διδόμενα καὶ τὴν σύνθεσιν ἐποιησάμην.

ὁ δ’ Ἀλέξανδροσ ὑπολαβὼν εἶπεν, κἀγὼ εἰ Παρμενίων ἦν ἔλαβον ἄν.

καθόλου δὲ καὶ ἄλλοισ μεγαλοψύχοισ λόγοισ χρησάμενοσ καὶ τοὺσ μὲν λόγουσ τῶν Περσῶν ἀποδοκιμάσασ, προτιμήσασ δὲ τὴν εὐδοξίαν τῶν προτεινομένων δωρεῶν τοῖσ μὲν πρέσβεσιν ἀπόκρισιν ἔδωκεν ὡσ οὔθ’ ὁ κόσμοσ δυεῖν ἡλίων ὄντων τηρῆσαι δύναιτ’ ἂν τὴν ἰδίαν διακόσμησίν τε καὶ τάξιν οὔθ’ ἡ οἰκουμένη δύο βασιλέων ἐχόντων τὴν ἡγεμονίαν ἀταράχωσ καὶ ἀστασιάστωσ διαμένειν ἂν δύναιτο. διόπερ ἀπαγγέλλειν αὐτοὺσ ἐκέλευσε τῷ Δαρείῳ, εἰ μὲν τῶν πρωτείων ὀρέγεται, διαμάχεσθαι πρὸσ αὐτὸν περὶ τῆσ τῶν ὅλων μοναρχίασ·

εἰ δὲ δόξησ καταφρονῶν προκρίνει τὴν λυσιτέλειαν καὶ τὴν ἐκ τῆσ ῥᾳστώνησ τρυφήν, αὐτὸσ μὲν Ἀλεξάνδρῳ ποιείτω τὰ προσταττόμενα, ἄλλων δὲ ἄρχων βασιλευέτω, συγχωρουμένησ αὐτῷ τῆσ ἐξουσίασ ὑπὸ τῆσ Ἀλεξάνδρου χρηστότητοσ. τὸ δὲ συνέδριον διαλύσασ καὶ τὴν δύναμιν ἀναλαβὼν προῆγεν ἐπὶ τὴν τῶν πολεμίων στρατοπεδείαν.

ἅμα δὲ τούτοισ πραττομένοισ τῆσ τοῦ Δαρείου γυναικὸσ ἀποθανούσησ ὁ Ἀλέξανδροσ ἔθαψεν αὐτὴν μεγαλοπρεπῶσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvii, chapter 54

(디오도로스 시켈로스, Library, book xvii, chapter 54)

상위

목록

SEARCH

MENU NAVIGATION