헬라어 문장 검색 - Διοδορ́Λιβραρψ́10́21́

(디오도로스 시켈로스, Library, book xvii, chapter 43)

οἱ δὲ Τύριοι χαλκεῖσ ἔχοντεσ τεχνίτασ καὶ μηχανοποιοὺσ κατεσκεύασαν φιλότεχνα βοηθήματα. πρὸσ μὲν γὰρ τὰ καταπελτικὰ βέλη τροχοὺσ κατεσκεύασαν διειλημμένουσ πυκνοῖσ διαφράγμασι, τούτουσ δὲ διά τινοσ μηχανῆσ δινεύοντεσ τὰ μὲν συνέτριβον, τὰ δὲ παρέσυρον τῶν βελῶν, πάντων δὲ τὴν ἐκ τῆσ βίασ φορὰν ἐξέλυον· τοὺσ δ’ ἐκ τῶν πετροβόλων φερομένουσ λίθουσ δεχόμενοι μαλακαῖσ τισι καὶ συνενδιδούσαισ κατασκευαῖσ ἐπράυνον τὴν ἐκ τῆσ ὀργανικῆσ βίασ δύναμιν. ὁ δὲ βασιλεὺσ ἅμα τῇ κατὰ τὸ χῶμα προσβολῇ παντὶ τῷ στόλῳ περιέπλει τὴν πόλιν καὶ τὰ τείχη περιεσκέπτετο καὶ φανερὸσ ἦν πολιορκήσων τὴν πόλιν κατὰ γῆν ἅμα καὶ κατὰ θάλατταν.

τῶν δὲ Τυρίων ἀνταναχθῆναι μὲν τῷ στόλῳ μηκέτι τολμώντων, τρισὶ δὲ ναυσὶν ὁρμούντων πρὸ τοῦ λιμένοσ ὁ βασιλεὺσ ἐπιπλεύσασ αὐταῖσ καὶ πάσασ συντρίψασ ἐπανῆλθεν ἐπὶ τὴν ἰδίαν στρατοπεδείαν.

οἱ δὲ Τύριοι βουλόμενοι διπλασιάσαι τὴν ἀπὸ τῶν τειχῶν ἀσφάλειαν, ἀποστήσαντεσ πέντε πήχεισ ἕτερον τεῖχοσ ᾠκοδόμουν δέκα πηχῶν τὸ πλάτοσ καὶ τὴν ἀνὰ μέσον τῶν τειχῶν σύριγγα λίθων καὶ χώματοσ ἐπλήρουν. ὁ δ’ Ἀλέξανδροσ τὰσ τριήρεισ ζευγνύων καὶ μηχανὰσ παντοδαπὰσ αὐταῖσ ἐπιστήσασ κατέβαλεν ἐπὶ πλέθρον τοῦ τείχουσ·

καὶ διὰ τοῦ πτώματοσ εἰσέπιπτον εἰσ τὴν πόλιν. οἱ δὲ Τύριοι τοὺσ εἰσβιαζομένουσ πυκνοῖσ βέλεσι βάλλοντεσ μόγισ ἀπεστρέψαντο καὶ τὸ πεπτωκὸσ μέροσ τοῦ τείχουσ ἀνῳκοδόμησαν νυκτὸσ ἐπιλαβούσησ.

μετὰ δὲ ταῦτα τοῦ χώματοσ συνάψαντοσ τῷ τείχει καὶ τῆσ πόλεωσ χερρονήσου γενομένησ πολλοὺσ καὶ μεγάλουσ ἀγῶνασ συνέβαινε γίνεσθαι κατὰ τὴν τειχομαχίαν. οἱ μὲν γὰρ τὸ δεινὸν ἔχοντεσ ἐν ὀφθαλμοῖσ καὶ τὴν ἐκ τῆσ ἁλώσεωσ συμφορὰν ἀναλογιζόμενοι ταῖσ ψυχαῖσ οὕτω παρέστησαν πρὸσ τὸν κίνδυνον ὥστε τοῦ θανάτου καταφρονῆσαι.

τῶν γὰρ Μακεδόνων προσαγόντων πύργουσ ὑψηλοὺσ ἴσουσ τοῖσ τείχεσι καὶ διὰ τούτων τὰσ ἐπιβάθρασ ἐπιβαλλόντων καὶ θρασέωσ ταῖσ ἐπάλξεσιν ἐπιβαινόντων οἱ μὲν Τύριοι διὰ τὴν ἐπίνοιαν τῶν ὀργανοποιῶν πολλὰ πρὸσ τὴν τειχομαχίαν εἶχον βοηθήματα.

χαλκευσάμενοι γὰρ εὐμεγέθεισ τριόδοντασ παρηγκιστρωμένουσ τούτοισ ἔτυπτον ἐκ χειρὸσ τοὺσ ἐπὶ τῶν πύργων καθεστῶτασ.

ἐμπηγνυμένων δὲ εἰσ τὰσ ἀσπίδασ τούτων καὶ κάλουσ ἐχόντων προσδεδεμένουσ εἷλκον πρὸσ ἑαυτοὺσ ἐπιλαμβανόμενοι τῶν κάλων. ἀναγκαῖον οὖν ἦν ἢ προί̈εσθαι τὰ ὅπλα καὶ γυμνουμένουσ τὰ σώματα κατατιτρώσκεσθαι πολλῶν φερομένων βελῶν ἢ τηροῦντασ τὰ ὅπλα διὰ τὴν αἰσχύνην πίπτειν ἀφ’ ὑψηλῶν πύργων καὶ τελευτᾶν.

ἄλλοι δ’ ἁλιευτικὰ δίκτυα τοῖσ ἐπὶ τῶν ἐπιβαθρῶν διαμαχομένοισ ἐπιρριπτοῦντεσ καὶ τὰσ χεῖρασ ἀχρήστουσ ποιοῦντεσ κατέσπων καὶ περιεκύλιον ἀπὸ τῆσ ἐπιβάθρασ ἐπὶ τὴν γῆν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvii, chapter 43

(디오도로스 시켈로스, Library, book xvii, chapter 43)

상위

목록

SEARCH

MENU NAVIGATION