헬라어 문장 검색 - Διοδορ́Λιβραρψ́10́13́

(디오도로스 시켈로스, Library, book xvii, chapter 31)

εὐθὺσ οὖν μετεπέμπετο τὰσ πανταχόθεν δυνάμεισ καὶ προσέταξεν ἀπαντᾶν εἰσ Βαβυλῶνα καὶ τῶν φίλων καὶ τῶν συγγενῶν ἐπελέγετο τοὺσ εὐθέτουσ, ὧν τοῖσ μὲν τὰσ ἁρμοζούσασ ἡγεμονίασ κατεμέριζε, τοὺσ δὲ μεθ’ αὑτοῦ κινδυνεύειν προσέταττεν. ὡσ δ’ ὁ τῆσ στρατείασ ἀφωρισμένοσ χρόνοσ προσεγένετο, κατήντησαν ἅπαντεσ εἰσ τὴν Βαβυλῶνα.

ὁ δ’ ἀριθμὸσ ἦν τῶν στρατιωτῶν πεζοὶ μὲν πλείουσ τῶν τετταράκοντα μυριάδων, ἱππεῖσ δὲ οὐκ ἐλάττουσ τῶν δέκα μυριάδων. Δαρεῖοσ μὲν οὖν μετὰ τοσαύτησ δυνάμεωσ ἀναζεύξασ ἐκ Βαβυλῶνοσ προῆγεν ἐπὶ Κιλικίασ, ἔχων μεθ’ ἑαυτοῦ τήν τε γυναῖκα καὶ τὰ τέκνα, υἱὸν καὶ δύο θυγατέρασ, καὶ τὴν μητέρα·

Ἀλέξανδροσ δὲ πρὸ μὲν τῆσ Μέμνονοσ τελευτῆσ πυνθανόμενοσ Χῖον καὶ τὰσ ἐν Λέσβῳ πόλεισ κεχειρῶσθαι, τὴν δὲ Μιτυλήνην κατὰ κράτοσ ἡλωκυῖαν, πρὸσ δὲ τούτοισ τὸν Μέμνονα τριακοσίαισ τριήρεσι καὶ πεζῇ δυνάμει μέλλοντα στρατεύειν ἐπὶ Μακεδονίαν, τῶν δ’ Ἑλλήνων τοὺσ πλείουσ ἑτοίμουσ εἶναι πρὸσ ἀπόστασιν οὐ μετρίωσ ἠγωνία, ὡσ δ’ ἧκόν τινεσ ἀπαγγέλλοντεσ τὴν Μέμνονοσ τελευτήν, ἀπελύθη τῆσ πολλῆσ ἀγωνίασ.

μετ’ ὀλίγον δὲ εἰσ ἀρρωστίαν βαρυτέραν ἐμπεσὼν καὶ χαλεπῷ πάθει συνεχόμενοσ συνεκάλεσε τοὺσ ἰατρούσ.

τῶν μὲν οὖν ἄλλων ἕκαστοσ δυσχερῶσ εἶχε πρὸσ τὴν θεραπείαν, Φίλιπποσ δ’ Ἀκαρνὰν τὸ γένοσ παραβόλοισ καὶ συντόμοισ θεραπείαισ χρώμενοσ ἐπηγγείλατο διὰ φαρμακείασ λύσειν τὴν νόσον.

ἀσμένωσ δὲ τοῦ βασιλέωσ ὑπακούσαντοσ διὰ τὸ λέγεσθαι Δαρεῖον μετὰ τῆσ δυνάμεωσ ἐκ Βαβυλῶνοσ ὡρμηκέναι ὁ μὲν ἰατρὸσ δοὺσ φάρμακον πιεῖν καὶ συνεργὸν λαβὼν τὴν φύσιν τοῦ κάμνοντοσ καὶ τὴν τύχην εὐθὺσ ἀπήλλαξε τῆσ νόσου τὸν Ἀλέξανδρον.

οὗτοσ μὲν οὖν παραδόξωσ ἐκφυγὼν τὸν κίνδυνον καὶ τὸν ἰατρὸν τιμήσασ μεγαλοπρεπῶσ κατέταξεν αὐτὸν εἰσ τοὺσ εὐνουστάτουσ τῶν φίλων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvii, chapter 31

(디오도로스 시켈로스, Library, book xvii, chapter 31)

상위

목록

SEARCH

MENU NAVIGATION