헬라어 문장 검색 - Διοδορ́Λιβραρψ́10́08́

(디오도로스 시켈로스, Library, book xvii, chapter 18)

ὁ δ’ Ἀλέξανδροσ ἀποδεξάμενοσ τὴν τοῦ μάντεωσ πρόρρησιν τῇ μὲν Ἀθηνᾷ λαμπρὰν ἐπετέλεσε θυσίαν καὶ τὸ μὲν ἴδιον ὅπλον ἀνέθηκε τῇ θεῷ, τῶν δ’ ἐν τῷ νεῷ κειμένων ὅπλων τὸ κράτιστον ἀναλαβὼν καὶ τούτῳ καθοπλισθεὶσ ἐχρήσατο κατὰ τὴν πρώτην μάχην, ἣν διὰ τῆσ ἰδίασ ἀνδραγαθίασ κρίνασ περιβόητον ἔσχε τὴν νίκην. ἀλλὰ ταῦτα μὲν ὕστερον ἡμέραισ ὀλίγαισ ἐπράχθη. οἱ δὲ τῶν Περσῶν σατράπαι καὶ στρατηγοὶ τοῦ μὲν κωλῦσαι τῶν Μακεδόνων τὴν διάβασιν ὑστέρησαν, ἀθροισθέντεσ δ’ ἐβουλεύοντο πῶσ χρὴ διαπολεμεῖν τοῖσ περὶ Ἀλέξανδρον.

Μέμνων μὲν οὖν ὁ Ῥόδιοσ, διαβεβοημένοσ ἐπὶ συνέσει στρατηγικῇ, συνεβούλευε κατὰ στόμα μὲν μὴ διακινδυνεύειν, τὴν δὲ χώραν φθείρειν καὶ τῇ σπάνει τῶν ἀναγκαίων εἴργειν τοὺσ Μακεδόνασ τῆσ εἰσ τοὔμπροσθεν πορείασ, διαβιβάζειν δὲ καὶ δυνάμεισ εἰσ τὴν Μακεδονίαν ναυτικάσ τε καὶ πεζικὰσ καὶ τὸν ὅλον πόλεμον εἰσ τὴν Εὐρώπην μεταγαγεῖν. ὁ δ’ ἀνὴρ οὗτοσ ἄριστα μὲν συνεβούλευεν, ὡσ ἐκ τῶν ἀποτελεσμάτων ἐγενήθη φανερόν, οὐ μὴν ἔπεισε τοὺσ ἄλλουσ ἡγεμόνασ, ὡσ ἀνάξια συμβουλεύων τῆσ Περσῶν μεγαλοψυχίασ.

διόπερ ἐπικρατούσησ τῆσ τοῦ διαγωνίζεσθαι γνώμησ οὗτοι μὲν τὰσ πανταχόθεν δυνάμεισ μεταπεμψάμενοι καὶ πολλαπλάσιοι γενόμενοι τῶν Μακεδόνων προῆγον ἐπὶ Φρυγίασ τῆσ ἐφ’ Ἑλλησπόντου.

κατεστρατοπέδευσαν δὲ παρὰ τὸν Γρανικὸν ποταμόν, προβαλλόμενοι τὸ ῥεῖθρον τοῦ προειρημένου ποταμοῦ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvii, chapter 18

(디오도로스 시켈로스, Library, book xvii, chapter 18)

상위

목록

SEARCH

MENU NAVIGATION