헬라어 문장 검색 - Λυξιαν́Διαλογί29́

(루키아노스, Dialogi mortuorum, Αἰᾶσ καὶ Ἀγαμέμνων.)

Εἰ σὺ μανείσ, ὠ Αἰᾶν, σαυτὸν ἐφόνευσασ, ἐμέλλησασ δὲ καὶ ἡμᾶσ ἅπαντασ. τί αἰτιᾷ τὸν Ὀδυσσέα καὶ πρῴην οὔτε προσέβλεψασ αὐτόν, ὁπότε ἧκε μαντευσόμενοσ, οὔτε προσειπεῖν ἠξίωσασ ἄνδρα συστρατιώτην καὶ ἑταῖρον, ἀλλ̓ ὑπεροπτικῶσ μεγάλα βαίνων παρῆλθεσ; Εἰκότωσ, ὦ Ἀγάμεμνον· αὐτὸσ γάρ μοι τῆσ μανίασ αἴτιοσ κατέστη μόνοσ ἀντεξετασθεὶσ ἐπὶ τοῖσ ὅπλοισ. Ἠξίωσασ δὲ ἀνανταγώνιστοσ εἶναι καὶ ἀκονιτὶ κρατεῖν ἁπάντων; Ναί, τά γε τοιαῦτα·

οἰκεία γάρ μοι ἦν ἡ πανοπλία τοῦ ἀνεψιοῦ γε οὖσα. καὶ ὑμεῖσ οἱ ἄλλοι πολὺ ἀμείνουσ ὄντεσ ἀπείπασθε τὸν ἀγῶνα καὶ παρεχωρήσατε μοι, ὁ δὲ Λαέρτου, ὃν ἐγὼ πολλάκισ ἔσωσα κινδυνεύοντα κατακεκόφθαι ὑπὸ τῶν Φρυγῶν, ἀμείνων ἠξίου εἶναι καὶ ἐπιτηδειότεροσ ἔχειν τὰ ὅπλα. Αἰτιῶ τοιγαροῦν, ὦ γενναῖε, τὴν Θέτιν, ἣ δέον σοὶ τὴν κληρονομίαν παραδοῦναι τῶν ὅπλων συγγενεῖ γε ὄντι, φέρουσα ἐσ τὸ κοινὸν κατέθετο αὐτά.

Οὔκ, ἀλλὰ τὸν Ὀδυσσέα, ὃσ ἀντεποιήθη μόνοσ. Συγγνώμη, ὦ Αἰᾶν, εἰ ἄνθρωποσ ὢν ὠρέχθη δόξησ ἡδίστου πράγματοσ, ὑπὲρ οὗ καὶ ἡμῶν ἕκαστοσ κινδύνουσ ὑπέμενεν, ἐπεὶ καὶ ἐκράτησέ σου καὶ ταῦτα ἐπὶ Τρωσὶ δικασταῖσ. Οἶδα ἐγώ, ἥτισ μου κατεδίκασεν· ἀλλ̓ οὐ θέμισ λέγειν τι περὶ τῶν θεῶν.

τὸν δ̓ οὖν Ὀδυσσέα μὴ οὐχὶ μισεῖν οὐκ ἂν δυναίμην, ὦ Ἀγάμεμνον, οὐδ̓ εἰ αὐτή μοι ἡ Ἀθηνᾶ τοῦτ̓ ἐπιτάττοι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Lucian, Dialogi mortuorum, Αἰᾶσ καὶ Ἀγαμέμνων.

(루키아노스, Dialogi mortuorum, Αἰᾶσ καὶ Ἀγαμέμνων.)

상위

목록

SEARCH

MENU NAVIGATION