헬라어 문장 검색 - Λυξιαν́Διαλογί18́

(루키아노스, Dialogi mortuorum, Μένιπποσ καὶ Ἑρμῆσ.)

Ποῦ δὲ οἱ καλοί εἰσιν ἢ αἱ καλαί, Ἑρμῆ; ξενάγησόν με νέηλυν ὄντα. Οὐ σχολή μοι, ὦ Μένιππε· πλὴν κατ̓ ἐκεῖνο ἀπόβλεψον, ἐπὶ τὰ δεξιά, ἔνθα ὁ Υἅκινθόσ τέ ἐστι καὶ Νάρκισσοσ καὶ Νιρεὺσ καὶ Ἀχιλλεὺσ καὶ Τυρὼ καὶ Ἑλένη καὶ Λήδα καὶ ὅλωσ τὰ ἀρχαῖα πάντα κάλλη. Ὀστᾶ μόνα ὁρῶ καὶ κρανία τῶν σαρκῶν γυμνά, ὅμοια τὰ πολλά. Καὶ μὴν ἐκεῖνά ἐστιν ἃ πάντεσ οἱ ποιηταὶ θαυμάζουσι τὰ ὀστᾶ, ὧν σὺ ἐοίκασ καταφρονεῖν.

Ὅμωσ τὴν Ἑλένην μοι δεῖξον· οὐ γὰρ ἂν διαγνοίην ἔγωγε. Τουτὶ τὸ κρανίον ἡ Ἑλένη ἐστίν. Εἶτα διὰ τοῦτο αἱ χίλιαι νῆεσ ἐπληρώθησαν ἐξ ἁπάσησ τῆσ Ἑλλάδοσ καὶ τοσοῦτοι ἔπεσον Ἕλληνέσ τε καὶ βάρβαροι καὶ τοσαῦται πόλεισ ἀνάστατοι γεγόνασιν;

Ἀλλ̓ οὐκ εἶδεσ, ὦ Μένιππε, ζῶσαν τὴν γυναῖκα· ἔφησ γὰρ ἂν καὶ σὺ ἀνεμέσητον εἶναι τοιῇδ̓ ἀμφὶ γυναικὶ πολὺν χρόνον ἄλγεα πάσχειν· ἐπεὶ καὶ τὰ ἄνθη ξηρὰ ὄντα εἴ τισ βλέποι ἀποβεβληκότα τὴν βαφήν, ἄμορφα δῆλον ὅτι αὐτῷ δόξει, ὅτε μέντοι ἀνθεῖ καὶ ἔχει τὴν χρόαν, κάλλιστά ἐστιν. Οὐκοῦν τοῦτο, ὦ Ἑρμῆ, θαυμάζω, εἰ μὴ συνίεσαν οἱ Ἀχαιοὶ περὶ πράγματοσ οὕτωσ ὀλιγοχρονίου καὶ ῥᾳδίωσ ἀπανθοῦντοσ πονοῦντεσ. Οὐ σχολή μοι, ὦ Μένιππε, συμφιλοσοφεῖν σοι. ὥστε σὺ μὲν ἐπιλεξάμενοσ τόπον, ἔνθα ἂν ἐθέλῃσ, κεῖσο καταβαλὼν σεαυτόν, ἐγὼ δὲ τοὺσ ἄλλουσ νεκροὺσ ἤδη μετελεύσομαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Lucian, Dialogi mortuorum, Μένιπποσ καὶ Ἑρμῆσ.

(루키아노스, Dialogi mortuorum, Μένιπποσ καὶ Ἑρμῆσ.)

상위

목록

SEARCH

MENU NAVIGATION