헬라어 문장 검색 - Λυξιαν́Διαλογί22́

(루키아노스, Dialogi mortuorum, Χάρων, Ἑρμῆσ, καὶ Μένιπποσ.)

Ἀπόδοσ, ὦ κατάρατε, τὰ πορθμεῖα. Βόα, εἰ τοῦτό σοι, ὦ Χάρων, ἥδιον. Ἀπόδοσ, φημί, ἀνθ̓ ὧν σε διεπορθμεύσαμεν. Οὐκ ἂν λάβοισ παρὰ τοῦ μὴ ἔχοντοσ. Ἔστι δέ τισ ὀβολὸν μὴ ἔχων; Εἰ μὲν καὶ ἄλλοσ τισ οὐκ οἶδα, ἐγὼ δ̓ οὐκ ἔχω. Καὶ μὴν ἄγξω σε νὴ τὸν Πλούτωνα, ὦ μιαρέ, ἢν μὴ ἀποδῷσ. Κἀγὼ τῷ ξύλῳ σου πατάξασ διαλύσω τὸ κρανίον.

Μάτην οὖν ἔσῃ πεπλευκὼσ τοσοῦτον πλοῦν. Ὁ Ἑρμῆσ ὑπὲρ ἐμοῦ σοι ἀποδότω, ὅσ με παρέδωκέ σοι. Νὴ Δί̓ ὠνάμην γε, εἰ μέλλω καὶ ὑπερεκτίνειν τῶν νεκρῶν.

Οὐκ ἀποστήσομαί σου. Τούτου γε ἕνεκα καὶ νεωλκήσασ τὸ πορθμεῖον παράμενε· πλὴν ἀλλ̓ ὅ γε μὴ ἔχω, πῶσ ἂν λάβοισ; Σὺ δ̓ οὐκ ᾔδεισ ὡσ κομίζεσθαι δέον; Ηἴδειν μέν, οὐκ εἶχον δέ. τί οὖν; ἐχρῆν διὰ τοῦτο μὴ ἀποθανεῖν; Μόνοσ οὖν αὐχήσεισ προῖκα πεπλευκέναι; Οὐ προῖκα, ὦ βέλτιστε· καὶ γὰρ ἤντλησα καὶ τῆσ κώπησ συνεπελαβόμην καὶ οὐκ ἔκλαον μόνοσ τῶν ἄλλων ἐπιβατῶν. Οὐδὲν ταῦτα πρὸσ πορθμέα·

τὸν ὀβολὸν ἀποδοῦναί σε δεῖ· οὐ θέμισ ἄλλωσ γενέσθαι. Οὐκοῦν ἄπαγέ με αὖθισ ἐσ τὸν βίον.

Χάριεν λέγεισ, ἵνα καὶ πληγὰσ ἐπὶ τούτῳ παρα τοῦ Αἰακοῦ προσλάβω. Μὴ ἐνόχλει οὖν. Δεῖξον τί ἐν τῇ πήρᾳ ἔχεισ. Θέρμουσ, εἰ θέλεισ, καὶ τῆσ Ἑκάτησ τὸ δεῖπνον. Πόθεν τοῦτον ἡμῖν, ὦ Ἑρμῆ, τὸν κύνα ἤγαγεσ; οἱᾶ δὲ καὶ ἐλάλει παρὰ τὸν πλοῦν τῶν ἐπιβατῶν ἁπάντων καταγελῶν καὶ ἐπισκώπτων καὶ μόνοσ ᾅδων οἰμωζόντων ἐκείνων. Ἀγνοεῖσ, ὦ Χάρων, ὅντινα ἄνδρα διεπόρ θμευσασ; ἐλεύθερον ἀκριβῶσ, κοὐδενὸσ αὐτῷ μέλει. οὗτόσ ἐστιν ὁ Μένιπποσ. Καὶ μὴν ἄν σε λάβω ποτέ ‐ Ἂν λάβῃσ, ὦ βέλτιστε· δὶσ δὲ οὐκ ἂν λάβοισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Lucian, Dialogi mortuorum, Χάρων, Ἑρμῆσ, καὶ Μένιπποσ.

(루키아노스, Dialogi mortuorum, Χάρων, Ἑρμῆσ, καὶ Μένιπποσ.)

상위

목록

SEARCH

MENU NAVIGATION