헬라어 문장 검색 - Λυξιαν́Διαλογί23́

(루키아노스, Dialogi mortuorum, Πρωτεσίλεωσ, Πλούτων, καὶ Περσεφόνη.)

Ὦ δέσποτα καὶ βασιλεῦ καὶ ἡμέτερε Ζεῦ καὶ σὺ Δήμητροσ θύγατερ, μὴ ὑπερίδητε δέησιν ἐρωτικήν. Σὺ δὲ τίνων δέῃ παῤ ἡμῶν; ἢ τίσ ὢν τυγχάνεισ; Εἰμὶ μὲν Πρωτεσίλεωσ ὁ Ἰφίκλου Φυλάκιοσ συστρατιώτησ τῶν Ἀχαιῶν καὶ πρῶτοσ ἀποθανὼν τῶν ἐπ̓ Ἰλίῳ. δέομαι δὲ ἀφεθεὶσ πρὸσ ὀλίγον ἀναβιῶναι πάλιν. Τοῦτον μὲν τὸν ἔρωτα, ὦ Πρωτεσίλαε, πάντεσ νεκροὶ ἐρῶσι, πλὴν οὐδεὶσ ἂν αὐτῶν τύχοι. Ἀλλ̓ οὐ τοῦ ζῆν, Αἰ̈δωνεῦ, ἐρῶ ἔγωγε, τῆσ γυναικὸσ δέ, ἣν νεόγαμον ἔτι ἐν τῷ θαλάμῳ καταλιπὼν ᾠχόμην ἀποπλέων, εἶτα ὁ κακοδαίμων ἐν τῇ ἀποβάσει ἀπέθανον ὑπὸ τοῦ Ἕκτοροσ. ὁ οὖν ἔρωσ τῆσ γυναικὸσ οὐ μετρίωσ ἀποκναίει με, ὦ δέσποτα, καὶ βούλομαι κἂν πρὸσ ὀλίγον ὀφθεὶσ αὐτῇ καταβῆναι πάλιν.

Οὐκ ἔπιεσ, ὦ Πρωτεσίλαε, τὸ Λήθησ ὕδωρ;

Καὶ μάλα, ὦ δέσποτα· τὸ δὲ πρᾶγμα ὑπέρογκον ἦν. Οὐκοῦν περίμεινον· ἀφίξεται γὰρ κἀκείνη ποτὲ καὶ οὐδὲ σὲ ἀνελθεῖν δεήσει. Ἀλλ̓ οὐ φέρω τὴν διατριβήν, ὦ Πλούτων· ἠράσθησ δὲ καὶ αὐτὸσ ἤδη καὶ οἶσθα οἱο͂ν τὸ ἐρᾶν ἐστιν. Εἶτα τί σε ὀνήσει μίαν ἡμέραν ἀναβιῶναι μετ̓ ὀλίγον τὰ αὐτὰ ὀδυρόμενον; Οἶμαι πείσειν κἀκείνην ἀκολουθεῖν παῤ ὑμᾶσ, ὥστε ἀνθ̓ ἑνὸσ δύο νεκροὺσ λήψει μετ̓ ὀλίγον.

Οὐ θέμισ γενέσθαι ταῦτα οὐδὲ γέγονε πώποτε. Ἀναμνήσω σε, ὦ Πλούτων·

Ὀρφεῖ γὰρ δἰ αὐτὴν ταύτην τὴν αἰτίαν τὴν Εὐρυδίκην παρέδοτε καὶ τὴν ὁμογενῆ μου Ἄλκηστιν παρεπέμψατε Ἡρακλεῖ χαριζόμενοι. Θελήσεισ δὲ οὕτωσ κρανίον γυμνὸν ὢν καὶ ἄμορφον τῇ καλῇ σου ἐκείνῃ νύμφῃ φανῆναι; πῶσ δὲ κἀκείνη προσήσεταί σε οὐδὲ δυναμένη διαγνῶναι; φοβή σεται γὰρ εὖ οἶδα καὶ φεύξεταί σε καὶ μάτην ἔσῃ τοσαύτην ὁδὸν ἀνεληλυθώσ. Οὐκοῦν, ὦ ἄνερ, σὺ καὶ τοῦτο ἰάσαι καὶ τὸν Ἑρμῆν κέλευσον, ἐπειδὰν ἐν τῷ φωτὶ ἤδη ὁ Πρωτεσίλαοσ ᾖ, καθικόμενον ἐν τῇ ῥάβδῳ νεανίαν εὐθὺσ καλὸν ἀπεργάσασθαι αὐτόν, οἱο͂σ ἦν ἐκ τοῦ παστοῦ. Ἐπεὶ Φερσεφόνῃ συνδοκεῖ, ἀναγαγὼν τοῦτον αὖθισ ποίησον νυμφίον· σὺ δὲ μέμνησο μίαν λαβὼν ἡμέραν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Lucian, Dialogi mortuorum, Πρωτεσίλεωσ, Πλούτων, καὶ Περσεφόνη.

(루키아노스, Dialogi mortuorum, Πρωτεσίλεωσ, Πλούτων, καὶ Περσεφόνη.)

상위

목록

SEARCH

MENU NAVIGATION