헬라어 문장 검색 - Λυξιαν́Διαλογί17́

(루키아노스, Dialogi mortuorum, Μένιπποσ καὶ Τάνταλοσ.)

Τί κλάεισ, ὦ Τάνταλε; ἢ τί σεαυτὸν ὀδύρῃ ἐπὶ τῇ λίμνῃ ἑστώσ; Ὅτι, ὦ Μένιππε, ἀπόλωλα ὑπὸ τοῦ δίψουσ Οὕτωσ ἀργὸσ εἶ, ὡσ μὴ ἐπικύψασ πιεῖν ἢ καὶ νη Δί̓ αρυσάμενοσ κοίλῃ τῇ χειρί; Οὐδὲν ὄφελοσ, εἰ ἐπικύψαιμι· φεύγει γὰρ τὸ ὕδωρ, ἐπειδὰν προσιόντα αἴσθηταί με· ἢν δέ ποτε καὶ ἀρύσωμαι καὶ προσενέγκω τῷ στόματι, οὐ φθάνω βρέξασ ἄκρον τὸ χεῖλοσ, καὶ διὰ τῶν δακτύλων διαρρυὲν οὐκ οἶδ̓ ὅπωσ αὖθισ ἀπολείπει ξηρὰν τὴν χεῖρά μοι. Τεράστιόν τι πάσχεισ, ὦ Τάνταλε. ἀτὰρ εἰπέ μοι, τί δαὶ καὶ δέῃ τοῦ πιεῖν; οὐ γὰρ σῶμα ἔχεισ, ἀλλ̓ ἐκεῖνο μὲν ἐν Λυδίᾳ που τέθαπται, ὅπερ καὶ πεινῆν καὶ διψῆν ἐδύνατο, σὺ δὲ ἡ ψυχὴ πῶσ ἂν ἔτι ἢ διψῴησ ἢ πίνοισ; Τοῦτ̓ αὐτὸ ἡ κόλασίσ ἐστι, τὸ διψῆν τὴν ψυχὴν ὡσ σῶμα οὖσαν.

Ἀλλὰ τοῦτο μὲν οὕτωσ πιστεύσομεν, ἐπεὶ φὴσ κολάζεσθαι τῷ δίψει.

τί δ̓ οὖν σοι τὸ δεινὸν ἔσται; ἢ δέδιασ μὴ ἐνδείᾳ τοῦ ποτοῦ ἀποθάνῃσ; οὐχ ὁρῶ γὰρ ἄλλον ᾅδην μετὰ τοῦτον ἢ θάνατον ἐντεῦθεν εἰσ ἕτερον τόπον. Ὀρθῶσ μὲν λέγεισ· καὶ τοῦτο δ̓ οὖν μέροσ τῆσ καταδίκησ, τὸ ἐπιθυμεῖν πιεῖν μηδὲν δεόμενον. Ληρεῖσ, ὦ Τάνταλε, καὶ ὡσ ἀληθῶσ ποτοῦ δεῖσθαι δοκεῖσ, ἀκράτου γε ἐλλεβόρου νὴ Δία, ὅστισ τοὐναντίον τοῖσ ὑπὸ τῶν λυττώντων κυνῶν δεδηγμένοισ πέπονθασ οὐ τὸ ὕδωρ, ἀλλὰ τὴν δίψαν πεφοβημένοσ. Οὐδὲ τὸν ἐλλέβορον, ὦ Μένιππε, ἀναίνομαι πιεῖν, γένοιτό μοι μόνον. Θάρρει, ὦ Τάνταλε, ὡσ οὔτε σὺ οὔτε ἄλλοσ πίεται τῶν νεκρῶν·

ἀδύνατον γάρ· καίτοι οὐ πάντεσ ὥσπερ σὺ ἐκ καταδίκησ διψῶσι τοῦ ὕδατοσ αὐτοὺσ οὐχ ὑπομένοντοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Lucian, Dialogi mortuorum, Μένιπποσ καὶ Τάνταλοσ.

(루키아노스, Dialogi mortuorum, Μένιπποσ καὶ Τάνταλοσ.)

상위

목록

SEARCH

MENU NAVIGATION