Lucian, Dialogi mortuorum, Μίνωσ καὶ Σώστρατοσ.

(루키아노스, Dialogi mortuorum, Μίνωσ καὶ Σώστρατοσ.)

Ὁ μὲν λῃστὴσ οὑτοσὶ Σώστρατοσ ἐσ τὸν Πυριφλεγέθοντα ἐμβεβλήσθω, ὁ δὲ ἱερόσυλοσ ὑπὸ τῆσ Χιμαίρασ διασπασθήτω, ὁ δὲ τύραννοσ, ὦ Ἑρμῆ, παρὰ τὸν Τιτυὸν ἀποταθεὶσ ὑπὸ τῶν γυπῶν καὶ αὐτὸσ κειρέσθω τὸ ἧπαρ, ὑμεῖσ δὲ οἱ ἀγαθοὶ ἄπιτε κατα τάχοσ ἐσ τὸ Ἠλύσιον πεδίον καὶ τὰσ μακάρων νήσουσ κατοικεῖτε, ἀνθ̓ ὧν δίκαια ἐποιεῖτε παρὰ τὸν βίον. Ἄκουσον, ὦ Μίνωσ, εἴ σοι δίκαια δόξω λέγειν. Νῦν ἀκούσω αὖθισ; οὐ γὰρ ἐξελήλεγξαι, ὦ Σώστρατε, πονηρὸσ ὢν καὶ τοσούτουσ ἀπεκτονώσ; Ἐλήλεγμαι μέν, ἀλλ̓ ὁρ́α, εἰ καὶ δικαίωσ κολασθήσομαι.

Καὶ πάνυ, εἴ γε ἀποτίνειν τὴν ἀξίαν δίκαιον. Ὅμωσ ἀπόκριναί μοι, ὦ Μίνωσ· βραχὺ γάρ τι ἐρήσομαί σε. Λέγε, μὴ μακρὰ μόνον, ὡσ καὶ τοὺσ ἄλλουσ διακρίνωμεν ἤδη. Ὁπόσα ἔπραττον ἐν τῷ βίῳ, πότερα ἑκὼν ἔπραττον ἢ ἐπεκέκλωστό μοι ὑπὸ τῆσ Μοίρασ;

Ὑπὸ τῆσ Μοίρασ δηλαδή. Οὐκοῦν καὶ οἱ χρηστοὶ ἅπαντεσ καὶ οἱ πονηροὶ δοκοῦντεσ ἡμεῖσ ἐκείνῃ ὑπηρετοῦντεσ ταῦτα ἐδρῶμεν; Ναί, τῇ Κλωθοῖ, ἣ ἑκάστῳ ἐπέταξε γεννηθέντι τὰ πρακτέα. Εἰ τοίνυν ἀναγκασθείσ τισ ὑπ̓ ἄλλου φονεύσειέ τινα οὐ δυνάμενοσ ἀντιλέγειν ἐκείνῳ βιαζομένῳ, οἱο͂ν δήμιοσ ἢ δορυφόροσ, ὁ μὲν δικαστῇ πεισθείσ, ὁ δὲ τυράννῳ, τίνα αἰτιάσῃ τοῦ φονου; Δῆλον ὡσ τὸν δικαστὴν ἢ τὸν τύραννον, ἐπεὶ οὐδὲ τὸ ξίφοσ αὐτό· ὑπηρετεῖ γὰρ ὄργανον ὂν τοῦτο πρὸσ τὸν θυμὸν τῷ πρώτῳ παρασχόντι τὴν αἰτίαν. Εὖ γε, ὦ Μίνωσ, ὅτι καὶ ἐπιδαψιλεύει τῷ παραδείγματι.

ἢν δέ τισ ἀποστείλαντοσ τοῦ δεσπότου ἥκῃ αὐτὸσ χρυσὸν ἢ ἄργυρον κομίζων, τίνι τὴν χάριν ἰστέον ἢ τίνα εὐεργέτην ἀναγραπτέον;

Τὸν πέμψαντα, ὦ Σώστρατε·

διάκονοσ γὰρ ὁ κομίσασ ἦν. Οὐκοῦν ὁρᾷσ ὅπωσ ἄδικα ποιεῖσ κολάζων ἡμᾶσ ὑπηρέτασ γενομένουσ ὧν ἡ Κλωθὼ προσέταττε, καὶ τούτουσ τιμῶν τοὺσ διακονησαμένουσ ἀλλοτρίοισ ἀγαθοῖσ;

οὐ γὰρ δὴ ἐκεῖνό γε εἰπεῖν ἔχοι τισ ἄν, ὡσ τὸ ἀντιλέγειν δυνατὸν ἦν τοῖσ μετὰ πάσησ ἀνάγκησ προστεταγμένοισ. Ὦ Σώστρατε, πολλὰ ἴδοισ ἂν καὶ ἄλλα οὐ κατὰ λόγον γιγνόμενα, εἰ ἀκριβῶσ ἐξετάζοισ. πλὴν ἀλλὰ σὺ τοῦτο ἀπολαύσεισ τῆσ ἐρωτήσεωσ, διότι οὐ λῃστὴσ μόνον, ἀλλὰ καὶ σοφιστήσ τισ εἶναι δοκεῖσ. ἀπόλυσον αὐτόν, ὦ Ἑρμῆ, καὶ μηκέτι κολαζέσθω. ὁρ́α δὲ μὴ καὶ τοὺσ ἄλλουσ νεκροὺσ τὰ ὅμοια ἐρωτᾶν διδάξῃσ.

상위

Lucian (루키아노스)

목록

일치하는 문장이 없습니다.

SEARCH

MENU NAVIGATION