헬라어 문장 검색 - Λυξιαν́Διαλογί14́

(루키아노스, Dialogi mortuorum, Φίλιπποσ καὶ Ἀλέξανδροσ.)

Νῦν μέν, ὦ Ἀλέξανδρε, οὐκ ἂν ἔξαρνοσ γένοιο μὴ οὐκ ἐμὸσ υἱὸσ εἶναι· οὐ γὰρ ἂν ἐτεθνήκεισ Ἄμμωνόσ γε ὤν.

Οὐδ̓ αὐτὸσ ἠγνόουν, ὦ πάτερ, ὡσ Φιλίππου τοῦ Ἀμύντου υἱόσ εἰμι, ἀλλ̓ ἐδεξάμην τὸ μάντευμα ὡσ χρήσιμον ἐσ τὰ πράγματα οἰόμενοσ εἶναι. Τί λέγεισ; χρήσιμον ἐδόκει σοι το παρέχειν σεαυτὸν ἐξαπατηθησόμενον ὑπὸ τῶν προφητῶν; Οὐ τοῦτο, ἀλλ̓ οἱ βάρβαροι κατεπλάγησάν με καὶ οὐδεὶσ ἔτι ἀνθίστατο οἰόμενοι θεῷ μάχεσθαι, ὥστε ῥᾷον ἐκράτουν αὐτῶν. Τίνων δὲ ἐκράτησασ σύ γε ἀξιομάχων ἀνδρῶν, ὃσ δειλοῖσ ἀεὶ ξυνηνέχθησ τοξάρια καὶ πελτάρια καὶ γέρρα οἰσύϊνα προβεβλημένοισ;

Ἑλλήνων κρατεῖν ἔργον ἦν, Βοιωτῶν καὶ Φωκέων καὶ Ἀθηναίων, καὶ τὸ Ἀρκάδων ὁπλιτικὸν καὶ τὴν Θετταλὴν ἵππον καὶ τοὺσ Ἠλείων ἀκοντιστὰσ καὶ τὸ Μαντινέων πελταστικὸν ἢ Θρᾷκασ ἢ Ἰλλυριοὺσ ἢ καὶ Παίονασ χειρώσασθαι, ταῦτα μεγάλα· ἀνθρώπων καὶ ἁβρῶν, οὐκ οἶσθα ὡσ πρὸ σοῦ μύριοι μετὰ Κλεάρχου ἀνελθόντεσ ἐκράτησαν οὐδ̓ ἐσ χεῖρασ ὑπομεινάντων ἐλθεῖν ἐκείνων, ἀλλὰ πρὶν ἢ τὸ τόξευμα ἐξικνεῖσθαι φυγόντων;

Ἀλλ̓ οἱ Σκύθαι γε, ὦ πάτερ, καὶ οἱ Ἰνδῶν ἐλέφαντεσ οὐκ εὐκαταφρόνητόν τι ἔργον, καὶ ὅμωσ οὐ διαστήσασ αὐτοὺσ οὐδὲ προδοσίαισ ὠνούμενοσ τὰσ νίκασ ἐκράτουν αὐτῶν·

οὐδ̓ ἐπιώρκησα πώποτε ἢ ὑποσχόμενοσ ἐψευσάμην ἢ ἄπιστον ἔπραξά τι τοῦ νικᾶν ἕνεκα. καὶ τοὺσ Ἕλληνασ δὲ τοὺσ μὲν ἀναιμωτὶ παρέλαβον, Θηβαίουσ δὲ ἴσωσ ἀκούεισ ὅπωσ μετῆλθον. Οἶδα ταῦτα πάντα· Κλεῖτοσ γὰρ ἀπήγγειλέ μοι, ὃν σὺ τῷ δορατίῳ διελάσασ μεταξὺ δειπνοῦντα ἐφόνευσασ, ὅτι με πρὸσ τὰσ σὰσ πράξεισ ἐπαινέσαι ἐτόλμησε. σὺ δὲ καὶ τὴν Μακεδονικὴν χλαμύδα καταβαλὼν κάνδυν, ὥσ φασι, μετενέδυσ καὶ τιάραν ὀρθὴν ἐπέθου καὶ προσκυνεῖσθαι ὑπὸ Μακεδόνων, ὑπ̓ ἐλευθέρων ἀνδρῶν, ἠξίουσ, καὶ τὸ πάντων γελοιότατον, ἐμιμοῦ τὰ τῶν νενικημένων.

ἐῶ γὰρ λέγειν ὅσα ἄλλα ἔπραξασ, λέουσι συγκατακλείων πεπαιδευμένουσ ἄνδρασ καὶ γάμουσ τοιούτουσ γαμῶν καὶ Ἡφαιστίωνα ὑπεραγαπῶν.

ἓν ἐπῄνεσα μόνον ἀκούσασ, ὅτι ἀπέσχου τῆσ τοῦ Δαρείου γυναικὸσ καλῆσ οὔσησ, καὶ τῆσ μητρὸσ αὐτοῦ καὶ τῶν θυγατέρων ἐπεμελήθησ· βασιλικὰ γὰρ ταῦτα. Τὸ φιλοκίνδυνον δέ, ὦ πάτερ, οὐκ ἐπαινεῖσ καὶ τὸ ἐν Ὀξυδράκαισ πρῶτον καθαλέσθαι ἐντὸσ τοῦ τείχουσ καὶ τοσαῦτα λαβεῖν τραύματα;

Οὐκ ἐπαινῶ τοῦτο, ὦ Ἀλέξανδρε, οὐχ ὅτι μὴ καλὸν οἰόμαι εἶναι καὶ τιτρώσκεσθαί ποτε τον βασιλέα καὶ προκινδυνεύειν τοῦ στρατοῦ, ἀλλ̓ ὅτι σοι τὸ τοιοῦτον ἥκιστα συνέφερε· θεὸσ γὰρ εἶναι δοκῶν εἴ ποτε τρωθείησ, καὶ βλέποιέν σε φοράδην τοῦ πολέμου ἐκκομιζόμενον, αἵματι ῥεόμενον, οἰμώζοντα ἐπὶ τῷ τραύματι, ταῦτα γέλωσ ἦν τοῖσ ὁρῶσιν, ᾗ καὶ ὁ Ἄμμων γόησ καὶ ψευδόμαντισ ἠλέγχετο καὶ οἱ προφῆται κόλακεσ. ἢ τίσ οὐκ ἂν ἐγέλασεν ὁρῶν τὸν τοῦ Διὸσ υἱὸν λειποψυχοῦντα, δεόμενον τῶν ἰατρῶν βοηθεῖν;

νῦν μὲν γὰρ ὁπότε ἤδη τέθνηκασ, οὐκ οἰεί πολλοὺσ εἶναι τοὺσ τὴν προσποίησιν ἐκείνην ἐπικερτομοῦντασ, ὁρῶντασ τὸν νεκρὸν τοῦ θεοῦ ἐκτάδην κείμενον, μυδῶντα ἤδη καὶ ἐξῳδηκότα κατὰ νόμον σωμάτων ἁπάντων; ἄλλωσ τε καὶ τοῦτο, ὃ χρήσιμον ἔφησ, ὦ Ἀλέξανδρε, τὸ διὰ τοῦτο κρατεῖν ῥᾳδίωσ, πολὺ τῆσ δόξησ ἀφῄρει τῶν κατορθουμένων· πᾶν γὰρ ἐδόκει ἐνδεὲσ ὑπὸ θεοῦ γίγνεσθαι δοκοῦν. Οὐ ταῦτα φρονοῦσιν οἱ ἄνθρωποι περὶ ἐμοῦ, ἀλλὰ Ἡρακλεῖ καὶ Διονύσῳ ἐνάμιλλον τιθέασί με.

καίτοι τὴν Αὄρνον ἐκείνην, οὐδετέρου ἐκείνων λαβόντοσ, ἐγὼ μόνοσ ἐχειρωσάμην. Ὁρᾷσ ὅτι ταῦτα ὡσ υἱὸσ Ἄμμωνοσ λέγεισ, ὃσ Ἡρακλεῖ καὶ Διονύσῳ παραβάλλεισ ἑαυτόν; καὶ οὐκ αἰσχύνῃ, ὦ Ἀλέξανδρε, οὐδὲ τὸν τῦφον ἀπομαθήσῃ καὶ γνώσῃ σεαυτὸν καὶ συνήσῃ ἤδη νεκρὸσ ὤν;

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Lucian, Dialogi mortuorum, Φίλιπποσ καὶ Ἀλέξανδροσ.

(루키아노스, Dialogi mortuorum, Φίλιπποσ καὶ Ἀλέξανδροσ.)

상위

목록

SEARCH

MENU NAVIGATION