헬라어 문장 검색 - Διοδορ́Λιβραρψ́10́14́

(디오도로스 시켈로스, Library, book xvii, chapter 32)

ἡ δὲ μήτηρ τοῦ βασιλέωσ ἔγραψε πρὸσ τὸν Ἀλέξανδρον τά τε ἄλλα τῶν χρησίμων καὶ διότι φυλάξασθαι προσήκει τὸν Λυγκηστὴν Ἀλέξανδρον. οὗτοσ δ’ ὢν ἀνδρείᾳ διάφοροσ καὶ φρονήματοσ πλήρησ καὶ συμπαρακολουθῶν τῷ βασιλεῖ μετὰ τῶν ἄλλων φίλων ἐπιστεύετο. πολλῶν δὲ καὶ ἄλλων εὐλόγων συνδραμόντων πρὸσ ταύτην τὴν διαβολὴν συλληφθεὶσ καὶ δεθεὶσ εἰσ φυλακὴν παρεδόθη, ὡσ τευξόμενοσ δικαστηρίου.

ὁ δὲ Ἀλέξανδροσ πυθόμενοσ τὸν Δαρεῖον ὀλίγων ἡμερῶν ὁδὸν ἀπέχειν Παρμενίωνα μὲν μετὰ τῆσ δυνάμεωσ ἀπέστειλεν προκαταληψόμενον τὰσ παρόδουσ καὶ τὰσ ὀνομαζομένασ Πύλασ·

οὗτοσ δ’ ἐπιβαλὼν τοῖσ τόποισ καὶ τοὺσ προκατειληφότασ τὰσ δυσχωρίασ βαρβάρουσ βιασάμενοσ κύριοσ ἐγένετο τῶν παρόδων. Δαρεῖοσ δὲ βουλόμενοσ εὔζωνον ποιῆσαι τὴν δύναμιν τὰ μὲν σκευοφόρα καὶ τὸν περιττὸν ὄχλον εἰσ Δαμασκὸν τῆσ Συρίασ ἀπέθετο, τὸν δ’ Ἀλέξανδρον πυθόμενοσ τὰσ δυσχωρίασ προκατειληφέναι καὶ νομίσασ αὐτὸν μὴ τολμᾶν ἐν τῷ πεδίῳ διαγωνίζεσθαι προῆγεν ἐπ’ αὐτὸν σύντομον τὴν ὁδοιπορίαν ποιούμενοσ.

οἱ δ’ ἐγχώριοι τῆσ μὲν τῶν Μακεδόνων ὀλιγότητοσ καταφρονήσαντεσ, τὸ δὲ πλῆθοσ τῆσ τῶν Περσῶν στρατιᾶσ καταπεπληγμένοι καταλιπόντεσ τὸν Ἀλέξανδρον προσέθεντο τῷ Δαρείῳ καὶ τάσ τε τροφὰσ καὶ τὴν ἄλλην παρασκευὴν μετὰ πολλῆσ προθυμίασ ἐχορήγουν τοῖσ Πέρσαισ καὶ διὰ τῆσ ἰδίασ κρίσεωσ προεσήμαινον τοῖσ βαρβάροισ τὴν νίκην.

ὁ δ’ Ἀλέξανδροσ τὴν μὲν Ἰσσὸν πόλιν ἀξιόλογον καταπληξάμενοσ ἐχειρώσατο· τῶν δὲ κατασκόπων ἀπαγγειλάντων αὐτῷ τριάκοντα σταδίουσ ἀπέχειν τὸν Δαρεῖον καὶ συντεταγμένῃ τῇ δυνάμει προσιέναι καταπληκτικῶσ, ὑπολαβὼν παρὰ τῶν θεῶν αὐτῷ δεδόσθαι τὸν καιρὸν ὥστε μιᾷ παρατάξει νικήσαντα καταλῦσαι τὴν Περσῶν ἡγεμονίαν τοὺσ μὲν στρατιώτασ τοῖσ οἰκείοισ λόγοισ παρεκάλεσεν ἐπὶ τὸν περὶ τῶν ὅλων ἀγῶνα, τὰ δὲ τάγματα τῶν στρατιωτῶν καὶ τὰσ τῶν ἱππέων εἴλασ οἰκείωσ τοῖσ ὑποκειμένοισ τόποισ διατάξασ τοὺσ μὲν ἱππεῖσ ἐπέστησε πρὸ πάσησ τῆσ στρατιᾶσ, τὴν δὲ τῶν πεζῶν φάλαγγα κατόπιν ἐφεδρεύειν προσέταξεν.

αὐτὸσ δὲ προηγούμενοσ τοῦ δεξιοῦ μέρουσ ἀπήντα τοῖσ πολεμίοισ, ἔχων μεθ’ ἑαυτοῦ τοὺσ κρατίστουσ τῶν ἱππέων·

τὸ δ’ εὐώνυμον μέροσ ἐπεῖχον οἱ τῶν Θετταλῶν ἱππεῖσ, πολὺ τῶν ἄλλων διαφέροντεσ ταῖσ τε ἀνδραγαθίαισ καὶ ταῖσ ἐμπειρίαισ. ὡσ δ’ αἱ δυνάμεισ ἐντὸσ βέλουσ ἐγίνοντο, τοῖσ μὲν περὶ τὸν Ἀλέξανδρον ἐπέρριψαν οἱ βάρβαροι τοσοῦτον πλῆθοσ βελῶν ὥστε διὰ τὴν πυκνότητα τῶν βαλλομένων ἀλλήλοισ συγκρουόντων ἀσθενεστέρασ γίνεσθαι τὰσ πληγάσ.

τῶν δὲ σαλπικτῶν παρ’ ἀμφοτέροισ τὸ πολεμικὸν σημαινόντων οἱ Μακεδόνεσ πρῶτοι συναλαλάξαντεσ βοὴν ἐξαίσιον ἐποίησαν, μετὰ δὲ ταῦτα τῶν βαρβάρων ἀντιφθεγξαμένων συνήχησε μὲν ἡ σύνεγγυσ ὀρεινὴ πᾶσα, τὸ δὲ μέγεθοσ τῆσ βοῆσ ὑπερῆρε τὴν προγεγενημένην κραυγήν, ὡσ ἂν πεντήκοντα μυριάδων μιᾷ φωνῇ συνηχουσῶν.

ὁ δ’ Ἀλέξανδροσ πάντῃ τὴν ὄψιν βάλλων καὶ σπεύδων κατιδεῖν τὸν Δαρεῖον ἅμα τῷ κατανοῆσαι παραχρῆμα μετὰ τῶν περὶ αὐτὸν ἱππέων ἐπ’ αὐτὸν ἐφέρετο τὸν βασιλέα, σπεύδων οὐχ οὕτω καταπροτερῆσαι τῶν Περσῶν ὡσ τὸ δι’ αὑτοῦ περιποιήσασθαι τὴν νίκην.

ἅμα δὲ τούτῳ καὶ τῶν ἄλλων ἁπάντων ἱππέων συμπεσόντων ἀλλήλοισ καὶ πολλοῦ φόνου γινομένου ἡ μὲν μάχη διὰ τὰσ τῶν ἀγωνιζομένων ἀρετὰσ ἀμφίδοξον εἶχε τὴν τῶν ὅλων κρίσιν·

ἐταλαντεύετο γὰρ δεῦρο κἀκεῖσε, τῆσ τροπῆσ ἐναλλὰξ γινομένησ. οὔτε γὰρ ἀκοντίσασ οὔτε πατάξασ οὐδεὶσ ἄπρακτον ἔσχε τὴν πληγήν, ὡσ ἂν διὰ τὸ πλῆθοσ ἑτοίμου τοῦ σκοποῦ κειμένου.

διὸ καὶ πολλοὶ τραύμασιν ἐναντίοισ περιτυγχάνοντεσ ἔπιπτον καὶ μέχρι τῆσ ἐσχάτησ ἀναπνοῆσ θυμομαχοῦντεσ τὸ ζῆν πρότερον ἢ τὴν ἀρετὴν ἐξέλειπον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvii, chapter 32

(디오도로스 시켈로스, Library, book xvii, chapter 32)

상위

목록

SEARCH

MENU NAVIGATION