헬라어 문장 검색 - Πλυταρ́ΞαιυσΜά15́

(플루타르코스, Caius Marius, chapter 15)

πυνθανόμενοσ δὲ τοὺσ πολεμίουσ ὁ Μάριοσ ἐγγὺσ εἶναι διὰ ταχέων ὐπερέβαλε τὰσ Ἄλπεισ· καὶ τειχίσασ στρατόπεδον παρὰ τῷ Ῥοδανῷ ποταμῷ συνῆγεν εἰσ αὐτὸ χορηγίαν ἄφθονον, ὡσ μηδέποτε παρὰ τὸν τοῦ συμφέροντοσ λογισμὸν ἐκβιασθείη δι’ ἔνδειαν τῶν ἀναγκαίων εἰσ μάχην καταστῆναι. τὴν δὲ κομιδὴν ὧν ἔδει τῷ στρατεύματι μακρὰν καὶ πολυτελῆ πρότερον οὖσαν πρὸσ τὴν θάλασσαν, αὐτὸσ εἰργάσατο ῥᾳδίαν καὶ ταχεῖαν.

τὰ γάρ στόματα τοῦ Ῥοδανοῦ, πρὸσ τὰσ ἀνακοπὰσ τῆσ θαλάττησ, ἰλύν τε πολλὴν λαμβάνοντα καὶ θῖνα πηλῷ βαθεῖ συμπεπιλημένην ὑπὸ τοῦ κλύδωνοσ, χαλεπὸν καὶ ἐπίπονον καὶ βραδύπορον τοῖσ σιταγωγοῖσ ἐποίει τὸν εἴσπλουν. ὁ δὲ τρέψασ ἐνταῦθα τὸν στρατὸν σχολάζοντα τάφρον μεγάλην ἐνέβαλε, καὶ ταύτῃ πολύ μέροσ τοῦ ποταμοῦ μεταστὴσασ περιήγαγεν εἰσ ἐπιτήδειον αἰγιαλόν, βαθὺ μὲν καὶ ναυσὶ μεγάλαισ ἔποχον, λεῖον δὲ καὶ ἄκλυστον στόμα λαβοῦσαν πρὸσ τὴν θάλασσαν.

αὕτη μὲν οὖν ἔτι ἀπ’ ἐκείνου τὴν ἐπωνυμίαν φυλάττει. τῶν δὲ βαρβάρων διελόντων σφᾶσ αὐτοὺσ δίχα Κίμβροι μὲν ἔλαχον διὰ Νωρικῶν ἄνωθεν ἐπὶ Κάτλον χωρεῖν καὶ τὴν πάροδον ἐκείνην βιάζεσθαι, Τεύτονεσ δὲ καὶ Ἄμβρωνεσ διὰ Λιγύων ἐπὶ Μάριον παρὰ θάλατταν.

καὶ Κίμβροισ μέν ἐγίνετο πλείων ἡ διατριβὴ καὶ μέλλησισ, Τεύτονεσ δὲ καὶ Ἄμβρωνεσ ἄραντεσ εὐθὺσ καὶ διελθόντεσ τὴν ἐν μέσῳ χώραν ἐφαίνοντο πλήθει τε ἄπειροι καὶ δυσπρόσοπτοι τὰ εἴδη, φθόγγον τε καὶ θόρυβον οὐχ ἑτέροισ ὅμοιοι.

περιβαλόμενοι δὲ τοῦ πεδίου μέγά μέροσ καὶ στρατοπεδεύσαντεσ προὐκαλοῦντο τὸν Μάριον εἰσ μάχην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Caius Marius, chapter 15

(플루타르코스, Caius Marius, chapter 15)

상위

목록

SEARCH

MENU NAVIGATION